AMarkus 1
1
AYohana anet abatisma nye irèn nek aYeso
(AMatiyu 3:1-12; ALuka 3:1-18; AYohana 1:19-28)
1Itumung ifɛ̀ itek naton aYeso Kristi, Arim Adakunom. 2Ti i di se ni jɛk ni ifumung atan aIshaya yɛ,
“Di yin, in bi tom atom hom ashon ngɔn,
nek na a nye irèn mok ngɔn.#1:2 Ban di yin: AMalakey 3:1.
3Kutɔ akak fɛ́ a bi yes natse,
‘Nye yin aTisa irèn,
ku nye yin irèn tabat.’ ”#1:3 Ban di yin: AIshaya 40:3.
4Nek anɔng, aYohana kin bɛ̀, a ras abatisma abak atse. Na shara ifɛ́ fok, “Wosong yin anɛn yin, tirik yin sak na Adakunom, mok ba ki ra yin abatisma, nɔng Adakunom da ki fuut yin anɛn yin.” 5Ngma banet mben aJudiya nɛ bafɛ́ aRushelima ngma kusum, tses sak ni wu, ba taas anɛn bá, a ka ba ras abatisma ni kukyɛk aJodan. 6AYohana kin tes ares fɛ́ ba nye ina nɛ akwey itsaap-igung, a rosom kudun kukpa na awit wu, nayak wu yet itse ni itong ayit. 7Itom wu kin se ane, “Anet fɛ́ a bi bɛ̀ ama hom, a di wat na agap, imi kyem ni in kumung, ni in bisik kudun ikpatak wu awo. 8Imi ki ras yin abatisma nɛ ashi, awɛt iwu bi ki ras yin abatisma nɛ Kabik aJɛrɛ.”
ABatisma ni Imara aYeso
(AMatiyu 3:13-17; 4:1-11; ALuka 3:21-22; 4:1-13)
9Ni izen e yɔng, aYeso kin ne na aNazaret afi mben aGalili, aYohana ku ra abatisma ni kukyɛk aJodan. 10Ni izen fɛ́ aYeso se ni iwuruk ayɛt ashi me, a di kazanɛn tarak piyot, na Kabik tsin tisik naton wu tɛ abɔp. 11Wat kutɔ ne azanɛn fok: “Ngɔn yet Ari hom, ayɔng fi in shim makiyi; in bi itɛrɛk iyɛ ni ngɔn makiyi.”
12Ni izen izining, Kabik e ku yirik sak na atse, 13a sot azɔng na atse, nkɔs nsɔk nnaas, na aShetan woso a ku mara. A sot gung ni inyam ayit azɔng, awɛt batomaza ku sɛs mo.
Iyes bafi imɛɛs imɛsɛng
14Ama fɛ́ ba mi te aYohana ari inyang, aYeso tse na aGalili, a shara ifɛ̀ itek fi i ne na Adakunom. 15A fɛ̀ yɛ, “Izen mi nye! Igwɔm Adakunom mi bɛ́ bakat! Wosong yin anɛn, tirik yin sak na Adakunom, ni nɔk yin atsak ni ifɛ̀ itek e!”
16Fɛ́ aYeso se ni kutseet bakat ni izek aGalili, a di aSiman nɛ arunyining Andarawus, na ba tsin tang agunung ba ayɛt idung e, nek kutomong bá yet iyisik ìzos. 17AYeso fɛ̀ ni ba, “Bɛ́ yin! Di kuus yin mo, in da ki sak yin, i da sot yin bafi iyisik banet.” 18Ni izen izining, ba wat ba wosong águnung bá, ba ku kuus.
19Ama fɛ́ a bang serek gyet, a di aYakubu arim aZebedi, nɛ arunyining aYohana ayɛt kukyɛ ashi, ba se ni inye águnung bá. 20Vit ibeseng izen, a ka ba yes, ba wosong ada bà aZebedi ayɛt kukyɛ ashi me, nɛ ishɛrɛp bafi itomong e, ba ku kuus mo.
AYeso turung Aduk Abik
(ALuka 4:31-37)
21AYeso nɛ bafi ikuus wu tse na aKafarnahum, fi kunom aSabat nye, aYeso tsɛ a nɔ narɔ inyis baYahuda, a kpa tees banet ifɛ Adakunom. 22A te banet e yɔɔt ni kuri itees fɛ́ a se ne, nek a ka ba ra itees tɛ anet fɛ́ a bi ice, da tɛ bafi itees ntsi aMusa awo. 23Ba se nɛ anɔng, anet akak azɔng narɔ inyis baYahuda me fɛ́ a bɛ aduk abik a ta kukun fok, 24“Ngɔn tsɛt akyɛ ni iyit aYeso anet aNazaret ɛ? Ngɔn bi i wey ni yit ɛ? Imi rēn anet fi ngɔn yet, ngɔn yet aJɛrɛ me afɛ́ Adakunom!”
25AYeso kɔn itséng e, a fɛ̀ ni ide, “Te yin yuu! Wuruk ni wu!” 26Aduk abik e zuut anet e makiyi, ka wuruk ni wu ni kukun.
27A te ngma banet e kpɔrɔk makiyi, ba kpa cɛɛt wɔɔn bá, yɛ, “Akyɛ deng iyet ideng kong ɛ? Itees ifas ikak yeng atut, fi i bi ice! A cɛɛt kyɛk na áduk ábik nyes ikyɛng fɛ́ a fɛ̀.” 28Kucɛɛt naton wu, fuush ziri ziri ngma ni mben aGalili.
AYeso tes banet kyang
(AMatiyu 8:14-17; ALuka 4:38-44)
29Ziri, ama fɛ́ ba mi wuruk narɔ inyis baYahuda me, ba tseng gung na aYakubu nɛ aYohana sak ari ba aSiman nɛ Andarawus. 30Ba tsɛ ba sɛ anekop aSiman na meneng ni ifes, ba tak aYeso ifi irɔk e. 31Nek anɔng, aYeso tsɛ a ku sɛ, a ku yit kubɔk, a ku sɛ mo a dorok. Ifes e wat i ku won, a da nɛ kpa ka ba nɔɔk kuyak.
32Nawuwuri, ama fi kunom mi kpa, banet tses ba sɛs aYeso na bafi nzam nrɔk bà, nɛ bafi nrɔk itséng. 33Banet iwɔp e ngma kusum, ka na tusung atitu ari me. 34AYeso tes banet dot bafi nrɔk zizɛɛt kyang. A tɛ turung itséng dot, a nɔɔk itséng e kawat icɛɛt awo, nek i ku rēn gyat.
AYeso tse kyɛw a ra awon
35Na bop adiding, nɛ karɔ rèn resek hwyi, aYeso dorok, a won kari me, a tse narɔ fɛ́ ka se yuu, a ra awon azɔng. 36ASiman nɛ bafidang itseet wu, ba tsɛ ba tsɛt aYeso, 37ni izen fɛ́ ba ku sɛ, ba fɛ̀ ni wu, “Kaangan tsin da tsɛt!”
38AYeso fɛ̀ ni ba, “Won in tseng yit sak abak kakak, sak na naban nwɔp na bakat, nɔng in da tsin shara yit ifɛ̀ itek azɔng bà. Nek ikyɛng fi i bɛ́ ni imi dɔng.” 39Nek anɔng, a teng a kat kaakɛ ni mben aGalili, na shara ifɛ̀ itek na narɔ inyis baYahuda, na turung itséng ni nrɔm banet.
AYeso te akparong akak kyang
(AMatiyu 8:1-4; ALuka 5:12-16)
40Akparong akak tsɛ a ku sɛ, a te akuut aben, a ku tsot akabɔk fok, “Ki i fi shim, ki i di te halal.”
41Ayɛt angmishish, aYeso fɛ̀ ni wu, “Ey, in shim anɔng.” A nabak kubɔk, a ku ra mo, a fɛ́ ni wu, “Te halal!” 42Ni izen izining, ikparong e wat i ku won, a te halal.
43AYeso ma fɛ ni wu na tseng, a ku kɔrɔk kuto yɛ, 44“Fok! I bi tak akak ikyɛng deng awo. Awɛt di berem, tsi tonong ice ngɔn sak na àware, tsi nabak kunang ashosh ngɔn kpaf ti ikyɛng fi ntsi aMusa ki tees yit nek ikanang. Nye anɔng mok i di tonong isɛ kukyang ngɔn.” 45Awɛt anet e wuruk, a kpa a teng a shara ikyɛng fi ite. Nek anɔng, aYeso kyem a tɛ kat washak ayɛt iwɔp e kong awo, tit na sosok ama iwɔp, na narɔ fɛ́ na se yuu. Ngma na anɔng, na banet nes na narɔ zizɛɛt, ba tsɛ ba ku sɛs.
Actualmente seleccionado:
AMarkus 1: IbaasNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.
AMarkus 1
1
AYohana anet abatisma nye irèn nek aYeso
(AMatiyu 3:1-12; ALuka 3:1-18; AYohana 1:19-28)
1Itumung ifɛ̀ itek naton aYeso Kristi, Arim Adakunom. 2Ti i di se ni jɛk ni ifumung atan aIshaya yɛ,
“Di yin, in bi tom atom hom ashon ngɔn,
nek na a nye irèn mok ngɔn.#1:2 Ban di yin: AMalakey 3:1.
3Kutɔ akak fɛ́ a bi yes natse,
‘Nye yin aTisa irèn,
ku nye yin irèn tabat.’ ”#1:3 Ban di yin: AIshaya 40:3.
4Nek anɔng, aYohana kin bɛ̀, a ras abatisma abak atse. Na shara ifɛ́ fok, “Wosong yin anɛn yin, tirik yin sak na Adakunom, mok ba ki ra yin abatisma, nɔng Adakunom da ki fuut yin anɛn yin.” 5Ngma banet mben aJudiya nɛ bafɛ́ aRushelima ngma kusum, tses sak ni wu, ba taas anɛn bá, a ka ba ras abatisma ni kukyɛk aJodan. 6AYohana kin tes ares fɛ́ ba nye ina nɛ akwey itsaap-igung, a rosom kudun kukpa na awit wu, nayak wu yet itse ni itong ayit. 7Itom wu kin se ane, “Anet fɛ́ a bi bɛ̀ ama hom, a di wat na agap, imi kyem ni in kumung, ni in bisik kudun ikpatak wu awo. 8Imi ki ras yin abatisma nɛ ashi, awɛt iwu bi ki ras yin abatisma nɛ Kabik aJɛrɛ.”
ABatisma ni Imara aYeso
(AMatiyu 3:13-17; 4:1-11; ALuka 3:21-22; 4:1-13)
9Ni izen e yɔng, aYeso kin ne na aNazaret afi mben aGalili, aYohana ku ra abatisma ni kukyɛk aJodan. 10Ni izen fɛ́ aYeso se ni iwuruk ayɛt ashi me, a di kazanɛn tarak piyot, na Kabik tsin tisik naton wu tɛ abɔp. 11Wat kutɔ ne azanɛn fok: “Ngɔn yet Ari hom, ayɔng fi in shim makiyi; in bi itɛrɛk iyɛ ni ngɔn makiyi.”
12Ni izen izining, Kabik e ku yirik sak na atse, 13a sot azɔng na atse, nkɔs nsɔk nnaas, na aShetan woso a ku mara. A sot gung ni inyam ayit azɔng, awɛt batomaza ku sɛs mo.
Iyes bafi imɛɛs imɛsɛng
14Ama fɛ́ ba mi te aYohana ari inyang, aYeso tse na aGalili, a shara ifɛ̀ itek fi i ne na Adakunom. 15A fɛ̀ yɛ, “Izen mi nye! Igwɔm Adakunom mi bɛ́ bakat! Wosong yin anɛn, tirik yin sak na Adakunom, ni nɔk yin atsak ni ifɛ̀ itek e!”
16Fɛ́ aYeso se ni kutseet bakat ni izek aGalili, a di aSiman nɛ arunyining Andarawus, na ba tsin tang agunung ba ayɛt idung e, nek kutomong bá yet iyisik ìzos. 17AYeso fɛ̀ ni ba, “Bɛ́ yin! Di kuus yin mo, in da ki sak yin, i da sot yin bafi iyisik banet.” 18Ni izen izining, ba wat ba wosong águnung bá, ba ku kuus.
19Ama fɛ́ a bang serek gyet, a di aYakubu arim aZebedi, nɛ arunyining aYohana ayɛt kukyɛ ashi, ba se ni inye águnung bá. 20Vit ibeseng izen, a ka ba yes, ba wosong ada bà aZebedi ayɛt kukyɛ ashi me, nɛ ishɛrɛp bafi itomong e, ba ku kuus mo.
AYeso turung Aduk Abik
(ALuka 4:31-37)
21AYeso nɛ bafi ikuus wu tse na aKafarnahum, fi kunom aSabat nye, aYeso tsɛ a nɔ narɔ inyis baYahuda, a kpa tees banet ifɛ Adakunom. 22A te banet e yɔɔt ni kuri itees fɛ́ a se ne, nek a ka ba ra itees tɛ anet fɛ́ a bi ice, da tɛ bafi itees ntsi aMusa awo. 23Ba se nɛ anɔng, anet akak azɔng narɔ inyis baYahuda me fɛ́ a bɛ aduk abik a ta kukun fok, 24“Ngɔn tsɛt akyɛ ni iyit aYeso anet aNazaret ɛ? Ngɔn bi i wey ni yit ɛ? Imi rēn anet fi ngɔn yet, ngɔn yet aJɛrɛ me afɛ́ Adakunom!”
25AYeso kɔn itséng e, a fɛ̀ ni ide, “Te yin yuu! Wuruk ni wu!” 26Aduk abik e zuut anet e makiyi, ka wuruk ni wu ni kukun.
27A te ngma banet e kpɔrɔk makiyi, ba kpa cɛɛt wɔɔn bá, yɛ, “Akyɛ deng iyet ideng kong ɛ? Itees ifas ikak yeng atut, fi i bi ice! A cɛɛt kyɛk na áduk ábik nyes ikyɛng fɛ́ a fɛ̀.” 28Kucɛɛt naton wu, fuush ziri ziri ngma ni mben aGalili.
AYeso tes banet kyang
(AMatiyu 8:14-17; ALuka 4:38-44)
29Ziri, ama fɛ́ ba mi wuruk narɔ inyis baYahuda me, ba tseng gung na aYakubu nɛ aYohana sak ari ba aSiman nɛ Andarawus. 30Ba tsɛ ba sɛ anekop aSiman na meneng ni ifes, ba tak aYeso ifi irɔk e. 31Nek anɔng, aYeso tsɛ a ku sɛ, a ku yit kubɔk, a ku sɛ mo a dorok. Ifes e wat i ku won, a da nɛ kpa ka ba nɔɔk kuyak.
32Nawuwuri, ama fi kunom mi kpa, banet tses ba sɛs aYeso na bafi nzam nrɔk bà, nɛ bafi nrɔk itséng. 33Banet iwɔp e ngma kusum, ka na tusung atitu ari me. 34AYeso tes banet dot bafi nrɔk zizɛɛt kyang. A tɛ turung itséng dot, a nɔɔk itséng e kawat icɛɛt awo, nek i ku rēn gyat.
AYeso tse kyɛw a ra awon
35Na bop adiding, nɛ karɔ rèn resek hwyi, aYeso dorok, a won kari me, a tse narɔ fɛ́ ka se yuu, a ra awon azɔng. 36ASiman nɛ bafidang itseet wu, ba tsɛ ba tsɛt aYeso, 37ni izen fɛ́ ba ku sɛ, ba fɛ̀ ni wu, “Kaangan tsin da tsɛt!”
38AYeso fɛ̀ ni ba, “Won in tseng yit sak abak kakak, sak na naban nwɔp na bakat, nɔng in da tsin shara yit ifɛ̀ itek azɔng bà. Nek ikyɛng fi i bɛ́ ni imi dɔng.” 39Nek anɔng, a teng a kat kaakɛ ni mben aGalili, na shara ifɛ̀ itek na narɔ inyis baYahuda, na turung itséng ni nrɔm banet.
AYeso te akparong akak kyang
(AMatiyu 8:1-4; ALuka 5:12-16)
40Akparong akak tsɛ a ku sɛ, a te akuut aben, a ku tsot akabɔk fok, “Ki i fi shim, ki i di te halal.”
41Ayɛt angmishish, aYeso fɛ̀ ni wu, “Ey, in shim anɔng.” A nabak kubɔk, a ku ra mo, a fɛ́ ni wu, “Te halal!” 42Ni izen izining, ikparong e wat i ku won, a te halal.
43AYeso ma fɛ ni wu na tseng, a ku kɔrɔk kuto yɛ, 44“Fok! I bi tak akak ikyɛng deng awo. Awɛt di berem, tsi tonong ice ngɔn sak na àware, tsi nabak kunang ashosh ngɔn kpaf ti ikyɛng fi ntsi aMusa ki tees yit nek ikanang. Nye anɔng mok i di tonong isɛ kukyang ngɔn.” 45Awɛt anet e wuruk, a kpa a teng a shara ikyɛng fi ite. Nek anɔng, aYeso kyem a tɛ kat washak ayɛt iwɔp e kong awo, tit na sosok ama iwɔp, na narɔ fɛ́ na se yuu. Ngma na anɔng, na banet nes na narɔ zizɛɛt, ba tsɛ ba ku sɛs.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.