AMatiyu 7
7
Itsɛɛk bakak ishɔt
(ALuka 6:37-38,41-42)
1“I bi tsɛk yin bakak ishɔt awo, kɔn Adakunom bi ki tsɛɛt yin ishɔt ba. 2Nek kuri ishɔt fi i tsɛk yin bakak e, anɔng wu fɛ́ Adakunom bi ki tsɛɛt yin ne, kuri ikyɛng imaas fi i di maas yin bakak ne, ni kuri ye fɛ́ Adakunom bi ki maas yin mo ne.
3“Akyɛ sak fi ngɔn yɛrɛ kabi nkukɔ yɔng fɛ́ ka se ni iyisi arunyining, ni i won dang daam ni kukum yɔng fi ku se ni iyisi ngɔn ɛ? 4Na anɛ fi ngɔn da fɛ̀ na arunyining yɛ, ‘Won in da tun kabi nkukɔ yɔng fɛ́ ka se ni iyisi ngɔn,’ ni kukum momo ni iyisi ifɔɔn ɛ? 5Ngɔn anet nanu nafaa, tun kukum yɔng fi ku se ni iyisi ngɔn ninyɛn, nɔng i da kyem i di yɛrɛ dɛdɛt, nɔng i di ki tun kabi nkukɔ fɛ́ ka se ni iyisi arunyining e.
6“Da i bi nɔɔk yin ákabu ikyɛng fi i se jɛrɛ awo, da i bi barak yin áza ata itsɔm yin awo. Ki i nye yin anɔng, a da shɛsh ina na atak na, na ama tirik na a ki sarak yin acɛk-acɛk e.
Risim yin, tsɛsɛk yin, yes yin
(ALuka 11:9-13)
7“Risim yin, ba da ki nɔɔk yin; tsɛsɛk yin, i da sɛs yin; yes yin, ba da ki fok yin na ba ki tarak yin katitu me. 8Nek ngma anet fɛ́ a risim, a shashang; ayɔng fɛ́ a tsɛsɛk, a sɛs, ayɔng fɛ́ a yes, ba ku foos na ba ku tarak ne.
9“Angan ayɛt yin, fi ki nggon wu ku rip akpam, fɛ́ a da ka ka nɔɔk kuta ari? 10Ke ki nggon e ku rip ìzos, na ma ka ka nɔɔk ihwyen ɛ? 11Ki iyin fi i bɛ̀ yin anyas, ngma na anɔng, i rēn nyes yin nnang ntek sak ni nnon yin, awɛt Ada yin fɛ́ a se na azanɛn da mak nesek nnang ntek sak na bayɔng fɛ́ ba ku rip! 12Nek anɔng, ayɛt akaakyɛ, nye yin bakak ikyɛng fi iyin shim yin ba ki ra yin e, nek igang ntsi aMusa nɛ ijɛk batan yɔng.
Katitu ka Hyoot nɛ ka Gbey
13“Nɔ yin abak katitu ka hyoot e, nek katitu fɛ́ ka se gbey, ka se byɛrɛ ni itsaas banet sak ni irèn iwɛs bá, banet dot di nɔɔs ni ka. 14Awɛt katitu fɛ́ ka se hyoot, fɛ́ ka tsaas banet sak i sɛ kutset, banet gyet fɛ́ ba ses inɔs ka.
Kakon ni ica ka
15“Nye yin nhwyɛ nɛ batan mbɔɔs. Ba bɛs ni yin ti itsamang, awɛt ikyɛng fi iba yet, yet, afulul agbayɔrɔ. 16I da ka ba rēn yin nek kuri ntomong fɛ́ ba ras. Ba da kyem ba tsɛ ba kpe anap ni itsitsan ɛ? Ke na ba bɔs ica atafo ni itin itsitsan ɛ? 17Idɔng anɔng, kaakyɛ kakon katek tes ica itek, nɛ kaduk tes ica iduk e. 18Kakon katek da kyem ka tes ica iduk e awo, ke na kakon kaduk e tes ica itek awo. 19Kaakyɛ kakon fɛ́ ka raka dang tes ica itek, ba da tɛmɛng kaman, ba da barak ika ayɛt irong. 20Nek anɔng, i da rēn yin batan mbɔɔs nek kuri ica fɛ́ ba tes.
21“Da kaangan fɛ́ a nye ni imi, ‘ATisa, aTisa,’ fɛ́ a bi nɔ ni igwɔm azanɛn awo, tit ma ayɔng fɛ́ a nyes ikyɛng fɛ́ Ada hom azanɛn shim. 22Banet dot bi fɛ̀ ni imi atuk e yɔng yɛ, ‘ATisa, aTisa, iyit kin taas yit ibes ni iyerek ngɔn, in di turung yit itseng ni iyerek ngɔn, in tung di ras yit ndiri ntomong abes awɛ?’ 23Awɛt imi bi fɛ̀ ni iba, ‘Imi mang ki rēn yin awo. Sek yin azeng, bafi ntomong anyas!’
Atsitsɛng afi inok ni ishɔp afi inok
24“Nek anɔng ngma ayɔng fɛ́ a fok ifɛ̀ deng, a di ra kutomong, a se tɛ atsitsɛng anet fɛ́ a nok kari wu naton agbondong. 25Fi iza rɔbɔk, ákyɛk shinishi, awun kpa fɛsɛm, na a tsosok afam-itu me, ngma nɛ anɔng kutu nyeseng gak, nek ba ta itsik kutu me naton agbondong. 26Awɛt ngma ayɔng fɛ́ a fok ifɛ̀ deng, a ma rawu dang di ra kutomong ni ide, a se nagbɔng ti ishɔp anet fɛ́ a nok kari naton izɛk. 27Fi iza rɔbɔk, ákyɛk shinishi, awun kpa fɛsɛm, na a tsosok afam-itu me, kasa me nye aduk ikpa.”
28Ama fɛ́ aYeso mi gang kucɛɛt e, kudyɛng banet fɛ́ ba se azɔng ka ba te yɔɔt ni kuri itees wu, 29nek a tees tɛ anet fɛ́ a bi ice, da tɛ bafi itees ntsi aMusa awo.
Actualmente seleccionado:
AMatiyu 7: IbaasNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.
AMatiyu 7
7
Itsɛɛk bakak ishɔt
(ALuka 6:37-38,41-42)
1“I bi tsɛk yin bakak ishɔt awo, kɔn Adakunom bi ki tsɛɛt yin ishɔt ba. 2Nek kuri ishɔt fi i tsɛk yin bakak e, anɔng wu fɛ́ Adakunom bi ki tsɛɛt yin ne, kuri ikyɛng imaas fi i di maas yin bakak ne, ni kuri ye fɛ́ Adakunom bi ki maas yin mo ne.
3“Akyɛ sak fi ngɔn yɛrɛ kabi nkukɔ yɔng fɛ́ ka se ni iyisi arunyining, ni i won dang daam ni kukum yɔng fi ku se ni iyisi ngɔn ɛ? 4Na anɛ fi ngɔn da fɛ̀ na arunyining yɛ, ‘Won in da tun kabi nkukɔ yɔng fɛ́ ka se ni iyisi ngɔn,’ ni kukum momo ni iyisi ifɔɔn ɛ? 5Ngɔn anet nanu nafaa, tun kukum yɔng fi ku se ni iyisi ngɔn ninyɛn, nɔng i da kyem i di yɛrɛ dɛdɛt, nɔng i di ki tun kabi nkukɔ fɛ́ ka se ni iyisi arunyining e.
6“Da i bi nɔɔk yin ákabu ikyɛng fi i se jɛrɛ awo, da i bi barak yin áza ata itsɔm yin awo. Ki i nye yin anɔng, a da shɛsh ina na atak na, na ama tirik na a ki sarak yin acɛk-acɛk e.
Risim yin, tsɛsɛk yin, yes yin
(ALuka 11:9-13)
7“Risim yin, ba da ki nɔɔk yin; tsɛsɛk yin, i da sɛs yin; yes yin, ba da ki fok yin na ba ki tarak yin katitu me. 8Nek ngma anet fɛ́ a risim, a shashang; ayɔng fɛ́ a tsɛsɛk, a sɛs, ayɔng fɛ́ a yes, ba ku foos na ba ku tarak ne.
9“Angan ayɛt yin, fi ki nggon wu ku rip akpam, fɛ́ a da ka ka nɔɔk kuta ari? 10Ke ki nggon e ku rip ìzos, na ma ka ka nɔɔk ihwyen ɛ? 11Ki iyin fi i bɛ̀ yin anyas, ngma na anɔng, i rēn nyes yin nnang ntek sak ni nnon yin, awɛt Ada yin fɛ́ a se na azanɛn da mak nesek nnang ntek sak na bayɔng fɛ́ ba ku rip! 12Nek anɔng, ayɛt akaakyɛ, nye yin bakak ikyɛng fi iyin shim yin ba ki ra yin e, nek igang ntsi aMusa nɛ ijɛk batan yɔng.
Katitu ka Hyoot nɛ ka Gbey
13“Nɔ yin abak katitu ka hyoot e, nek katitu fɛ́ ka se gbey, ka se byɛrɛ ni itsaas banet sak ni irèn iwɛs bá, banet dot di nɔɔs ni ka. 14Awɛt katitu fɛ́ ka se hyoot, fɛ́ ka tsaas banet sak i sɛ kutset, banet gyet fɛ́ ba ses inɔs ka.
Kakon ni ica ka
15“Nye yin nhwyɛ nɛ batan mbɔɔs. Ba bɛs ni yin ti itsamang, awɛt ikyɛng fi iba yet, yet, afulul agbayɔrɔ. 16I da ka ba rēn yin nek kuri ntomong fɛ́ ba ras. Ba da kyem ba tsɛ ba kpe anap ni itsitsan ɛ? Ke na ba bɔs ica atafo ni itin itsitsan ɛ? 17Idɔng anɔng, kaakyɛ kakon katek tes ica itek, nɛ kaduk tes ica iduk e. 18Kakon katek da kyem ka tes ica iduk e awo, ke na kakon kaduk e tes ica itek awo. 19Kaakyɛ kakon fɛ́ ka raka dang tes ica itek, ba da tɛmɛng kaman, ba da barak ika ayɛt irong. 20Nek anɔng, i da rēn yin batan mbɔɔs nek kuri ica fɛ́ ba tes.
21“Da kaangan fɛ́ a nye ni imi, ‘ATisa, aTisa,’ fɛ́ a bi nɔ ni igwɔm azanɛn awo, tit ma ayɔng fɛ́ a nyes ikyɛng fɛ́ Ada hom azanɛn shim. 22Banet dot bi fɛ̀ ni imi atuk e yɔng yɛ, ‘ATisa, aTisa, iyit kin taas yit ibes ni iyerek ngɔn, in di turung yit itseng ni iyerek ngɔn, in tung di ras yit ndiri ntomong abes awɛ?’ 23Awɛt imi bi fɛ̀ ni iba, ‘Imi mang ki rēn yin awo. Sek yin azeng, bafi ntomong anyas!’
Atsitsɛng afi inok ni ishɔp afi inok
24“Nek anɔng ngma ayɔng fɛ́ a fok ifɛ̀ deng, a di ra kutomong, a se tɛ atsitsɛng anet fɛ́ a nok kari wu naton agbondong. 25Fi iza rɔbɔk, ákyɛk shinishi, awun kpa fɛsɛm, na a tsosok afam-itu me, ngma nɛ anɔng kutu nyeseng gak, nek ba ta itsik kutu me naton agbondong. 26Awɛt ngma ayɔng fɛ́ a fok ifɛ̀ deng, a ma rawu dang di ra kutomong ni ide, a se nagbɔng ti ishɔp anet fɛ́ a nok kari naton izɛk. 27Fi iza rɔbɔk, ákyɛk shinishi, awun kpa fɛsɛm, na a tsosok afam-itu me, kasa me nye aduk ikpa.”
28Ama fɛ́ aYeso mi gang kucɛɛt e, kudyɛng banet fɛ́ ba se azɔng ka ba te yɔɔt ni kuri itees wu, 29nek a tees tɛ anet fɛ́ a bi ice, da tɛ bafi itees ntsi aMusa awo.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.