ALuka 20
20
Bakɔk-ashon baYahuda nye aYeso irip
(AMatiyu 21:23-27; AMarkus 11:27-33)
1Atuk akak aYeso kin se ni itu iya Adakunom ntong, a tsin tees banet, nɛ a ka ba shara ifɛ̀ itek. Ba se na anɔng, agbat àware, nɛ bafi itees ntsi aMusa, nɛ bashɔn iwɔp tsɛ ba ku sɛ. 2Ba fɛ̀ ni wu, “Ki tak yit, ikyɛng fi in foos ni ide, angan wu a da nɔk ice inye nkyɔrɔk nang ɛ?”
3AYeso fɛ̀ ni ba, “Won in ki nye yin irip bà. Di tak in, 4Abatisma fɛ́ aYohana, kin ne azanɛn a, kɛ na banet ɛ?”
5Ba kpa tɔ wɔɔn bá, yɛ, “Ki in fɛ̀ yit, ‘A kin ne azanɛn,’ a yɔng a da ki rip yit, ‘Akyɛ sak fi iyin kin di nɔɔk yin atsak ni wu awɛ?’ 6Awɛt kin fɛ̀ yit, ‘A kin ne na banet,’ ngma banet di ki fɛɛs yit na ata, nek ngma bá ba mi sok fok aYohana yet atan.”
7Nek anɔng, ba fɛ̀ ni wu, “Iyit rēn yit karɔ fɛ́ a kin di ne awo.”
8AYeso fɛ̀ ni ba, “Imi bà in da ki tak in, ke ni ice angan wu fi in di nyes ikyɛng deng awo.”
Igorok icɛɛt naton banet fɛ́ ba ka ba nɔɔk iyɛrɛ ikɔ anap
(AMatiyu 21:33-46; AMarkus 12:1-12)
9Ama anɔng, aYeso nye banet e igorok icɛɛt: “Anet akak kap ikɔ wu a di tuus anap, a won ide ni bɔk banet bakak ba kuyɛrɛ ne, a da bin nye kutseet sak ni mben nkak, a tsɛ a fɔɔn azɔng. 10Fi izen itusung nayak na akɔ bi inye, a tom asam wu akak sak na banet iyɛrɛ ikɔ me, nɔng a da ku shan ishɛrɛp ica anap e. Awɛt banet fɛ́ ba ka ba nɔɔk iyɛrɛ ikɔ me, ku zim ni itsot, ba ku ro mbɔk nkoot. 11A tɛ a tom asam akak, ba tɛ ba zim asam e yɔng ni itsot, ba ku te nsum, ba ku ro mbɔk nkot. 12A tɛ a tom asam afɛ́ ataat, ba ku man nfot, ba sok ba barak amatse.
13“Awɛt atek ikɔ me di anɔng, a fɛ̀ ni ice wu, ‘Akyɛ fi in da nye ɛ? Won in da tom ari hom, ayɔng fi in shim; gyan ba da ku nɔk iratek.’
14“Awɛt izen fɛ́ banet iyɛrɛ ikɔ me, ku di, ba cɛɛt wɔɔn bá, yɛ, ‘Anet iya kurúm wu me yɔng a tsɛ a wuruk; won in da fɛt yit amaan, nɔng kurúm e da sot kufiit.’ 15Wat ba sok arim e, ba barak ama kubat, ba tsɛ ba fɛt azɔng.
“Akyɛ fɛ́ atek ikɔ me da nye ɛ? 16A da tsɛ, na fɛɛs bayɔng fɛ́ a ka ba nɔɔk iyɛrɛ ikɔ me, na nɔɔk ikɔ me na banet bakak zɛɛt.”
Ama fɛ́ banet e fok anɔng, ba fɛ̀ ni wu, “Adakunom nɛ rone!”
17Wɛt aYeso ka ba yɛrɛk, a fɛ̀ ni ba, “Ifɛ̀ me dɔng fɛ́ ba kin jɛk e, i tonong akyɛ,
‘Kuta yɔng fɛ́ banet inok raba iko,
iko ko, ku mi sot kuta
fi kuwaat kutek’?
18Ngma ayɔng fɛ́ a kpa naton kuta me,
a da ka na bushung acɛk-acɛk e,
awɛt ayɔng fi kuta me,
di kpa naton wu,
ku da ku fɛlɛ.”
19Bafi itees ntsi aMusa me, nɛ agbat àware me, ba tsɛt irèn fɛ́ ba da ku tekap mo ziri, nek ba rēn fok a nye igorok icɛɛt e yɔng naton ba. Awɛt ba foos nnyim banet.
Itarang itsɔm mben sak na aKaisar
(AMatiyu 22:15-22; AMarkus 12:13-17)
20Nek anɔng, ba di te ayisi ni wu, ba ku tom na banet fɛ́ ba nɛt kuyiring bá, ba te tɛ iba yet bafɛ́ atsak. Ba shim ba da yit aYeso azaton ikyɛng fɛ́ a da fɛrɛng, nɔng ba da ku nabak sak na agwɔmna yɔng fɛ́ a bɛ̀ agap ni ice me. 21Banet fɛ́ ba ka ba tom e, ku rip, yɛ, “Anet itees, iyit rēn yit ngɔn cɛɛt, ni tees ikyɛng fi i se gyat. Vit ngɔn ni shim ice, nek ngɔn sok banet ngma kusum ba yet ikyɛng izining nanu shon ngɔn, ngɔn tees ikyɛng fi i se ni irèn Adakunom, fi i yet atsak. 22Ki tak yit, i se kpaf ni in tarasa yit itsɔm mben sak na aKaisar a, kɛ awɛy ɛ?”
23AYeso di ikwɛlɛng bà me, a ma fɛ̀ ni ba, 24“Di tonong yin ica itsɔm e. Nawu angan, ni ijɛk angan yɛ fi i se naton e yɛ?”
Ba fɛ̀ ni wu, “I fɛ́ aKaisar.”
25AYeso fɛ̀ ni ba, “Nɔk in aKaisar ikyɛng fi iyet ifɛ́ aKaisar, ni nɔk yin Adakunom ikyɛng fi iyet ifɛ́ Adakunom.”
26Nek anɔng, ba kyem ba ku sɛ ni inɛn ni icɛɛt fɛ́ ba da ku tekap mo azɔng nate banet awo. Ayɔɔt ka ba yit ni kuri kucɛɛt fi ku wuru na nu wu, ba wat ba te yuu.
Irip naton Idoro Bafaben ni Kuweneng
(AMatiyu 22:23-33; AMarkus 12:18-27)
27BaSadusi bakak bɛ́ narɔ aYeso ni irip. Iba me yɔng fɛ́ ba nye vit idoro bafaben fi ku ba ti kudorok. 28Ba ku rip ye, “Anet itees, aMusa ki jɛk yit e fok, kɛ arunyining anet ku, a won abining dang na a sɛ nggon, i se gbing-gbing arunyining e, na a bereng abining akaku me, na a ku tsɛt mo nggon. 29Banet bakak kin se kanakataat fɛ́ ba kin yet baruneng. Afi imɛsɛng e bɔ abining, a ku dang nggon. 30Ayɔng fɛ́ a ku kuus mo, bɛ́ bereng abining e, a tɛ a ku dang nggon, 31afɛ́ ataat bɛ́ a bereng abining e, ba ya kashon nɛ anɔng, afɛ́ kanakataat e bɛ́ a ku dang nggon bà. 32Ni igang e, abining e bɛ́ ku bà. 33Wɛt yɔkɔnɔng, abining e bi yet afɛ́ angan ba ni izen idoro bafaben ɛ? Nek ngma bá ba mang sonong ni wu tɛ abining bá.”
34AYeso fɛ̀ ni ba, “Banet izen iyeng bá ba ras nweneng na ba nesek bangas ni nweneng. 35Awɛt bayɔng fɛ́ ba bi sɛ kukyem idoro bafaben, fɛ́ ba bi sɛ kusot na ayɛ fɛ́ a bi bɛ́, ba bi ras nweneng ke na ba nesek bangas ni nweneng awo. 36Ama anɔng, vit ba bi tɛ ba ku awo, nek ba bi sot tɛ batomaza. Iba yet nnon Adakunom, nek ba tɛ ba doro bafaben bá. 37AMusa ice wu a kin tonong fok nkom bi doro. Ni ijɛk wu narɔ fɛ kayit kin ya kurong, azɔng iwu yes aTisa, ‘Adakunom afɛ́ aIbrahim, nɛ Adakunom afi aIshaku, nɛ Adakunom afɛ́ aYakub.’ 38Idɔng tonong fok Adakunom yet Adakunom nkom awo, tit afɛ bayɔng fɛ́ ba bɛ̀ kutset. Nek ni wu kaangan bɛ̀ kutset.”
39Bakak ayɛt bafi itees ntsi aMusa, ba fɛrɛng yɛ, “Anet itees, ngɔn tak gyat!” 40Ama anɔng, vit ayɔng fɛ́ a tɛ a ku rip ikikak.
AYeso yet Arim angan ɛ?
(AMatiyu 22:41-46; AMarkus 12:35-37)
41AYeso fɛ̀ ni ba, “Akyɛ sak fɛ́ ba da fɛ̀ Anet-Isheshek yet arim aDauda yɛ? 42Nek aDauda ice wu, a kin fɛrɛng ni ifumung abom,
‘ATisa fɛ̀ na aTisa hom:
“Sonong ni bɔk iyak hom,
43ma in te bafi ifaa ni ngɔn,
ikyɛng isaas atak ngɔn ninyɛn.” ’
44“ADauda kin ku yes ‘ATisa.’ Na anɛ fi iwu da tɛ a sot arim wu kong ɛ?”
45Ni izen fɛ́ ngma banet se ni i ku foos, aYeso fɛ̀ na bafi imɛɛs wu, 46“Nye yin yɛɛt nɛ bafi itees ntsi aMusa. Ba shim kutseet ayɛt banet nɛ agboo ákpin, ba shim banet ka ba nyes ashow narɔ ijik, na ba tsɛsɛk narɔ isosok naratek na narɔ inyis baYahuda, na narɔ inyis iyak. 47Ibá bá ba mɔɔt bakumung na nasa, ba rēn ras awon asɔp makiyi mok banet ka ba di. Kuri banet yɔng bi sɔ iyɔm makiyi.”
Actualmente seleccionado:
ALuka 20: IbaasNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 20
20
Bakɔk-ashon baYahuda nye aYeso irip
(AMatiyu 21:23-27; AMarkus 11:27-33)
1Atuk akak aYeso kin se ni itu iya Adakunom ntong, a tsin tees banet, nɛ a ka ba shara ifɛ̀ itek. Ba se na anɔng, agbat àware, nɛ bafi itees ntsi aMusa, nɛ bashɔn iwɔp tsɛ ba ku sɛ. 2Ba fɛ̀ ni wu, “Ki tak yit, ikyɛng fi in foos ni ide, angan wu a da nɔk ice inye nkyɔrɔk nang ɛ?”
3AYeso fɛ̀ ni ba, “Won in ki nye yin irip bà. Di tak in, 4Abatisma fɛ́ aYohana, kin ne azanɛn a, kɛ na banet ɛ?”
5Ba kpa tɔ wɔɔn bá, yɛ, “Ki in fɛ̀ yit, ‘A kin ne azanɛn,’ a yɔng a da ki rip yit, ‘Akyɛ sak fi iyin kin di nɔɔk yin atsak ni wu awɛ?’ 6Awɛt kin fɛ̀ yit, ‘A kin ne na banet,’ ngma banet di ki fɛɛs yit na ata, nek ngma bá ba mi sok fok aYohana yet atan.”
7Nek anɔng, ba fɛ̀ ni wu, “Iyit rēn yit karɔ fɛ́ a kin di ne awo.”
8AYeso fɛ̀ ni ba, “Imi bà in da ki tak in, ke ni ice angan wu fi in di nyes ikyɛng deng awo.”
Igorok icɛɛt naton banet fɛ́ ba ka ba nɔɔk iyɛrɛ ikɔ anap
(AMatiyu 21:33-46; AMarkus 12:1-12)
9Ama anɔng, aYeso nye banet e igorok icɛɛt: “Anet akak kap ikɔ wu a di tuus anap, a won ide ni bɔk banet bakak ba kuyɛrɛ ne, a da bin nye kutseet sak ni mben nkak, a tsɛ a fɔɔn azɔng. 10Fi izen itusung nayak na akɔ bi inye, a tom asam wu akak sak na banet iyɛrɛ ikɔ me, nɔng a da ku shan ishɛrɛp ica anap e. Awɛt banet fɛ́ ba ka ba nɔɔk iyɛrɛ ikɔ me, ku zim ni itsot, ba ku ro mbɔk nkoot. 11A tɛ a tom asam akak, ba tɛ ba zim asam e yɔng ni itsot, ba ku te nsum, ba ku ro mbɔk nkot. 12A tɛ a tom asam afɛ́ ataat, ba ku man nfot, ba sok ba barak amatse.
13“Awɛt atek ikɔ me di anɔng, a fɛ̀ ni ice wu, ‘Akyɛ fi in da nye ɛ? Won in da tom ari hom, ayɔng fi in shim; gyan ba da ku nɔk iratek.’
14“Awɛt izen fɛ́ banet iyɛrɛ ikɔ me, ku di, ba cɛɛt wɔɔn bá, yɛ, ‘Anet iya kurúm wu me yɔng a tsɛ a wuruk; won in da fɛt yit amaan, nɔng kurúm e da sot kufiit.’ 15Wat ba sok arim e, ba barak ama kubat, ba tsɛ ba fɛt azɔng.
“Akyɛ fɛ́ atek ikɔ me da nye ɛ? 16A da tsɛ, na fɛɛs bayɔng fɛ́ a ka ba nɔɔk iyɛrɛ ikɔ me, na nɔɔk ikɔ me na banet bakak zɛɛt.”
Ama fɛ́ banet e fok anɔng, ba fɛ̀ ni wu, “Adakunom nɛ rone!”
17Wɛt aYeso ka ba yɛrɛk, a fɛ̀ ni ba, “Ifɛ̀ me dɔng fɛ́ ba kin jɛk e, i tonong akyɛ,
‘Kuta yɔng fɛ́ banet inok raba iko,
iko ko, ku mi sot kuta
fi kuwaat kutek’?
18Ngma ayɔng fɛ́ a kpa naton kuta me,
a da ka na bushung acɛk-acɛk e,
awɛt ayɔng fi kuta me,
di kpa naton wu,
ku da ku fɛlɛ.”
19Bafi itees ntsi aMusa me, nɛ agbat àware me, ba tsɛt irèn fɛ́ ba da ku tekap mo ziri, nek ba rēn fok a nye igorok icɛɛt e yɔng naton ba. Awɛt ba foos nnyim banet.
Itarang itsɔm mben sak na aKaisar
(AMatiyu 22:15-22; AMarkus 12:13-17)
20Nek anɔng, ba di te ayisi ni wu, ba ku tom na banet fɛ́ ba nɛt kuyiring bá, ba te tɛ iba yet bafɛ́ atsak. Ba shim ba da yit aYeso azaton ikyɛng fɛ́ a da fɛrɛng, nɔng ba da ku nabak sak na agwɔmna yɔng fɛ́ a bɛ̀ agap ni ice me. 21Banet fɛ́ ba ka ba tom e, ku rip, yɛ, “Anet itees, iyit rēn yit ngɔn cɛɛt, ni tees ikyɛng fi i se gyat. Vit ngɔn ni shim ice, nek ngɔn sok banet ngma kusum ba yet ikyɛng izining nanu shon ngɔn, ngɔn tees ikyɛng fi i se ni irèn Adakunom, fi i yet atsak. 22Ki tak yit, i se kpaf ni in tarasa yit itsɔm mben sak na aKaisar a, kɛ awɛy ɛ?”
23AYeso di ikwɛlɛng bà me, a ma fɛ̀ ni ba, 24“Di tonong yin ica itsɔm e. Nawu angan, ni ijɛk angan yɛ fi i se naton e yɛ?”
Ba fɛ̀ ni wu, “I fɛ́ aKaisar.”
25AYeso fɛ̀ ni ba, “Nɔk in aKaisar ikyɛng fi iyet ifɛ́ aKaisar, ni nɔk yin Adakunom ikyɛng fi iyet ifɛ́ Adakunom.”
26Nek anɔng, ba kyem ba ku sɛ ni inɛn ni icɛɛt fɛ́ ba da ku tekap mo azɔng nate banet awo. Ayɔɔt ka ba yit ni kuri kucɛɛt fi ku wuru na nu wu, ba wat ba te yuu.
Irip naton Idoro Bafaben ni Kuweneng
(AMatiyu 22:23-33; AMarkus 12:18-27)
27BaSadusi bakak bɛ́ narɔ aYeso ni irip. Iba me yɔng fɛ́ ba nye vit idoro bafaben fi ku ba ti kudorok. 28Ba ku rip ye, “Anet itees, aMusa ki jɛk yit e fok, kɛ arunyining anet ku, a won abining dang na a sɛ nggon, i se gbing-gbing arunyining e, na a bereng abining akaku me, na a ku tsɛt mo nggon. 29Banet bakak kin se kanakataat fɛ́ ba kin yet baruneng. Afi imɛsɛng e bɔ abining, a ku dang nggon. 30Ayɔng fɛ́ a ku kuus mo, bɛ́ bereng abining e, a tɛ a ku dang nggon, 31afɛ́ ataat bɛ́ a bereng abining e, ba ya kashon nɛ anɔng, afɛ́ kanakataat e bɛ́ a ku dang nggon bà. 32Ni igang e, abining e bɛ́ ku bà. 33Wɛt yɔkɔnɔng, abining e bi yet afɛ́ angan ba ni izen idoro bafaben ɛ? Nek ngma bá ba mang sonong ni wu tɛ abining bá.”
34AYeso fɛ̀ ni ba, “Banet izen iyeng bá ba ras nweneng na ba nesek bangas ni nweneng. 35Awɛt bayɔng fɛ́ ba bi sɛ kukyem idoro bafaben, fɛ́ ba bi sɛ kusot na ayɛ fɛ́ a bi bɛ́, ba bi ras nweneng ke na ba nesek bangas ni nweneng awo. 36Ama anɔng, vit ba bi tɛ ba ku awo, nek ba bi sot tɛ batomaza. Iba yet nnon Adakunom, nek ba tɛ ba doro bafaben bá. 37AMusa ice wu a kin tonong fok nkom bi doro. Ni ijɛk wu narɔ fɛ kayit kin ya kurong, azɔng iwu yes aTisa, ‘Adakunom afɛ́ aIbrahim, nɛ Adakunom afi aIshaku, nɛ Adakunom afɛ́ aYakub.’ 38Idɔng tonong fok Adakunom yet Adakunom nkom awo, tit afɛ bayɔng fɛ́ ba bɛ̀ kutset. Nek ni wu kaangan bɛ̀ kutset.”
39Bakak ayɛt bafi itees ntsi aMusa, ba fɛrɛng yɛ, “Anet itees, ngɔn tak gyat!” 40Ama anɔng, vit ayɔng fɛ́ a tɛ a ku rip ikikak.
AYeso yet Arim angan ɛ?
(AMatiyu 22:41-46; AMarkus 12:35-37)
41AYeso fɛ̀ ni ba, “Akyɛ sak fɛ́ ba da fɛ̀ Anet-Isheshek yet arim aDauda yɛ? 42Nek aDauda ice wu, a kin fɛrɛng ni ifumung abom,
‘ATisa fɛ̀ na aTisa hom:
“Sonong ni bɔk iyak hom,
43ma in te bafi ifaa ni ngɔn,
ikyɛng isaas atak ngɔn ninyɛn.” ’
44“ADauda kin ku yes ‘ATisa.’ Na anɛ fi iwu da tɛ a sot arim wu kong ɛ?”
45Ni izen fɛ́ ngma banet se ni i ku foos, aYeso fɛ̀ na bafi imɛɛs wu, 46“Nye yin yɛɛt nɛ bafi itees ntsi aMusa. Ba shim kutseet ayɛt banet nɛ agboo ákpin, ba shim banet ka ba nyes ashow narɔ ijik, na ba tsɛsɛk narɔ isosok naratek na narɔ inyis baYahuda, na narɔ inyis iyak. 47Ibá bá ba mɔɔt bakumung na nasa, ba rēn ras awon asɔp makiyi mok banet ka ba di. Kuri banet yɔng bi sɔ iyɔm makiyi.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.