ALuka 15
15
Igorok icɛɛt naton Itsamang fi i wey
(AMatiyu 18:12-14)
1Atuk akak, bafi ishashang itsɔm mben, nɛ bafi inɛn, ba te aYeso nate ba shim ba fok ifɛ̀ wu. 2Awɛt BaFarasi nɛ bafi itees ntsi aMusa, kpa cɛɛt ngɔɔt nanu yɛ, “Anet e yong ras ifidang na bafi inɛn, na yas ni ba.”
3AYeso ka ba nye igorok icɛɛt yɛ, 4“Won in fɛ̀ yit akak ayɛt yin bɛ̀ ítsamang anakat azining, wat izining ayɛt de wey. A da won ishɛrɛp anakat vit azining natse, na tsɛ na tsɛt izining e yɔng ma a sɛ iye ninyɛn awɛ? 5Ama fɛ́ a sɛ iye, na fanang iye ni iyɛ ikan, 6na tseng sak ari. Na tsɛ na tusung bafidang, nɛ bafidang isot wu, na fɛ̀ ni ba, ‘Di sɛ yin mo iyɛ ikan, nek in mi sɛ ìtsamang hom yame yɔng fi i wey.’ 7Won in ki tak yin, i se kpaf anɔng, ba da nye iyɛ ikan azanɛn makiyi, naton anet inɛn azining fɛ́ a wosong anɛn wu, aza banet batek anakat vit azining e yɔng, fɛ́ da ba tsɛt iwosong anɛn bá awo.”
Igorok icɛɛt naton abɔk fɛ́ awɛy
8AYeso tɛ a fɛ̀ ni ba, “Won in fɛ̀ yit abining akak bɛ̀ ábɔk kusɔk, kɛ abɔk azining wey. A da te kurong na agaramun, na yɛs kasa me, na teng a tsɛt hwyɛɛ ma a sɛ ninyen awɛ? 9Ama fɛ́ a sɛ, na rini bafidang, nɛ bafidang isot wu, na fɛ̀ ni ba, ‘Di sɛ yin mo iyɛ ikan, nek in mi sɛ abɔk hom yɔng fɛ́ a wey.’ 10Won in ki tak yin, i se kpaf anɔng, batomaza Adakunom da nye iyɛ ikan makiyi kɛ anet inɛn azining wosong anɛn wu.”
Igorok icɛɛt naton nggon fɛ́ ka wey
11AYeso tɛ a ka ba nye igorok icɛɛt yɛ, a fɛ̀, “Anet akak kin bɛ̀ nnon namatek e nafaa. 12A wosong e fɛ̀ na atek, ‘Ada, di nɔk kanu kanaan ayɛt kaakyi ikyɛng ifi kurúm ngɔn.’ Nek anɔng, atek e, ka ba kaba kurúm e asa afaa.
13“Ama nkɔs hyiit, ari wu a wosong e, a tusung ngma ikyɛng fi iyet ifuu, a yit irèn sak ni wɔp kukak kuyikyik, a tsɛ a beseng kurúm e azɔng ni irèn imaan e. 14Ama fɛ́ ka mi gang ifɛt kaakyɛ, aduk nzong nɔ ni mben e, wat ka nɔ ayɛt kusot avit. 15Nek anɔng, a tsɛ yit kutomong ni bɔk anet iwɔp e yɔng. Anet e ku yirik sak ni ikɔ wu, nek inesek áza kuyak. 16A tsɛt irèn iya kukpashak kukparak ni ítsɛ́n fɛ́ ba di nesek áza me kuyak, awɛt vit anet fɛ́ a kunang ikikak.
17“Ama fɛ́ a bun ni nhwyɛ wu, a fɛ̀, ‘Ya kye, basam ada hom yas, na ba nye ne shɛrɛk, di fi nzong tsɛt in fɛt anet azeng! 18In da dorok, in ti in bun sak ari narɔ ada, in da fɛ̀ ni wu: Ada, imi ra Adakunom azanɛn inɛn, imi ma da ra ngɔn inɛn. 19Da imi kyem na ba tɛ ba di yes arim ngɔn awo; di sak ni in sot tɛ azining ayɛt basam ngɔn kyɛk.’ 20Wat a dorok, a yit irèn sak narɔ ada wu.
“Ni wu resek mo yik-yik, ada wu ku di, angmishish ku yit, a dorok ni i tsi sak narɔ ari wu, a ku yit nawop wu, na ku wusup.
21“Ari me fɛ̀ ni wu, ‘Ada, imi mi ra Adakunom azanɛn inɛn, imi ma da ra ngɔn inɛn. Da imi kyem fɛ́ ba da tɛ ba di yes arim ngɔn awo.’
22“Awɛt ada me fɛ̀ na basam wu, ‘Tsi bɛ́ yin ni kukpin fi kuwaat ni kusas ziri, ku te yin iko. Ku te yin itsɔm bɔk, nɛ akpatak na atak. 23Bɛ́ yin ne amung fɛ́ a no, tsɛɛt yin iwu, won ni in ya yit, ni in nye yit iyɛ ikan. 24Nek ari hom yong kin tsang ku, a mi tɛ a shemeng; a kin wey, ba mi sɛ iwu.’ Wat ba kpa inye iyɛ ikan.
25“Ni izen e yɔng, ari wu ako se ni ikɔ. Ni izen fɛ́ a bɛ́ ta bakat na kari, a fok iwɔng abom na nato. 26A yes azining ayɛt basam e, a ku rip, ‘Akyɛ fi i tsin tseng ɛ?’
27“Asam e fɛ̀ ni wu, ‘Arunyining mi bɛ́s wu, ada ngɔn mi tsɛɛt amung afi ifebek, nek a tɛ a bɛ́s wu ni kukyang, ni kutset.’
28“Arunyining ako me wat a beseng iyɛ, a rawu dang nɔ ari me. Wat atek wuruk amatse, a ku tsot akabɔk. 29Awɛt iwu fɛ̀ na atek e, ‘Yɛrɛk! Ayɛ fi in mi sok ni in da ras isam, in ki mang ramin i da fok ifɛ̀ awo. Ngma nɛ anɔng, ngɔn ki mang sok ko ka gebet ki ibon i di nɔk, in di rɔrɔ yit na bafidang hom awo. 30Awɛt fɛ́ ari ngɔn yong fɛ́ a da beseng kurúm nɛ akeleki bɛ́s wu, di fi i ku tsɛɛt anyin amung!’
31“Atek e fɛ̀ ni iwu, ‘Ari hom, ngɔn se azeng ni imi, kaakyɛ fi in bɛ̀ yet ifɔɔn. 32I se yɛɛt ni in ya yit, ni in nye yit iyɛ ikan, nek arunyining yong a kin tsang ku, a mi tɛ a shemeng; a kin wey, ba mi tɛ ba ku sɛ.’ ”
Actualmente seleccionado:
ALuka 15: IbaasNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 15
15
Igorok icɛɛt naton Itsamang fi i wey
(AMatiyu 18:12-14)
1Atuk akak, bafi ishashang itsɔm mben, nɛ bafi inɛn, ba te aYeso nate ba shim ba fok ifɛ̀ wu. 2Awɛt BaFarasi nɛ bafi itees ntsi aMusa, kpa cɛɛt ngɔɔt nanu yɛ, “Anet e yong ras ifidang na bafi inɛn, na yas ni ba.”
3AYeso ka ba nye igorok icɛɛt yɛ, 4“Won in fɛ̀ yit akak ayɛt yin bɛ̀ ítsamang anakat azining, wat izining ayɛt de wey. A da won ishɛrɛp anakat vit azining natse, na tsɛ na tsɛt izining e yɔng ma a sɛ iye ninyɛn awɛ? 5Ama fɛ́ a sɛ iye, na fanang iye ni iyɛ ikan, 6na tseng sak ari. Na tsɛ na tusung bafidang, nɛ bafidang isot wu, na fɛ̀ ni ba, ‘Di sɛ yin mo iyɛ ikan, nek in mi sɛ ìtsamang hom yame yɔng fi i wey.’ 7Won in ki tak yin, i se kpaf anɔng, ba da nye iyɛ ikan azanɛn makiyi, naton anet inɛn azining fɛ́ a wosong anɛn wu, aza banet batek anakat vit azining e yɔng, fɛ́ da ba tsɛt iwosong anɛn bá awo.”
Igorok icɛɛt naton abɔk fɛ́ awɛy
8AYeso tɛ a fɛ̀ ni ba, “Won in fɛ̀ yit abining akak bɛ̀ ábɔk kusɔk, kɛ abɔk azining wey. A da te kurong na agaramun, na yɛs kasa me, na teng a tsɛt hwyɛɛ ma a sɛ ninyen awɛ? 9Ama fɛ́ a sɛ, na rini bafidang, nɛ bafidang isot wu, na fɛ̀ ni ba, ‘Di sɛ yin mo iyɛ ikan, nek in mi sɛ abɔk hom yɔng fɛ́ a wey.’ 10Won in ki tak yin, i se kpaf anɔng, batomaza Adakunom da nye iyɛ ikan makiyi kɛ anet inɛn azining wosong anɛn wu.”
Igorok icɛɛt naton nggon fɛ́ ka wey
11AYeso tɛ a ka ba nye igorok icɛɛt yɛ, a fɛ̀, “Anet akak kin bɛ̀ nnon namatek e nafaa. 12A wosong e fɛ̀ na atek, ‘Ada, di nɔk kanu kanaan ayɛt kaakyi ikyɛng ifi kurúm ngɔn.’ Nek anɔng, atek e, ka ba kaba kurúm e asa afaa.
13“Ama nkɔs hyiit, ari wu a wosong e, a tusung ngma ikyɛng fi iyet ifuu, a yit irèn sak ni wɔp kukak kuyikyik, a tsɛ a beseng kurúm e azɔng ni irèn imaan e. 14Ama fɛ́ ka mi gang ifɛt kaakyɛ, aduk nzong nɔ ni mben e, wat ka nɔ ayɛt kusot avit. 15Nek anɔng, a tsɛ yit kutomong ni bɔk anet iwɔp e yɔng. Anet e ku yirik sak ni ikɔ wu, nek inesek áza kuyak. 16A tsɛt irèn iya kukpashak kukparak ni ítsɛ́n fɛ́ ba di nesek áza me kuyak, awɛt vit anet fɛ́ a kunang ikikak.
17“Ama fɛ́ a bun ni nhwyɛ wu, a fɛ̀, ‘Ya kye, basam ada hom yas, na ba nye ne shɛrɛk, di fi nzong tsɛt in fɛt anet azeng! 18In da dorok, in ti in bun sak ari narɔ ada, in da fɛ̀ ni wu: Ada, imi ra Adakunom azanɛn inɛn, imi ma da ra ngɔn inɛn. 19Da imi kyem na ba tɛ ba di yes arim ngɔn awo; di sak ni in sot tɛ azining ayɛt basam ngɔn kyɛk.’ 20Wat a dorok, a yit irèn sak narɔ ada wu.
“Ni wu resek mo yik-yik, ada wu ku di, angmishish ku yit, a dorok ni i tsi sak narɔ ari wu, a ku yit nawop wu, na ku wusup.
21“Ari me fɛ̀ ni wu, ‘Ada, imi mi ra Adakunom azanɛn inɛn, imi ma da ra ngɔn inɛn. Da imi kyem fɛ́ ba da tɛ ba di yes arim ngɔn awo.’
22“Awɛt ada me fɛ̀ na basam wu, ‘Tsi bɛ́ yin ni kukpin fi kuwaat ni kusas ziri, ku te yin iko. Ku te yin itsɔm bɔk, nɛ akpatak na atak. 23Bɛ́ yin ne amung fɛ́ a no, tsɛɛt yin iwu, won ni in ya yit, ni in nye yit iyɛ ikan. 24Nek ari hom yong kin tsang ku, a mi tɛ a shemeng; a kin wey, ba mi sɛ iwu.’ Wat ba kpa inye iyɛ ikan.
25“Ni izen e yɔng, ari wu ako se ni ikɔ. Ni izen fɛ́ a bɛ́ ta bakat na kari, a fok iwɔng abom na nato. 26A yes azining ayɛt basam e, a ku rip, ‘Akyɛ fi i tsin tseng ɛ?’
27“Asam e fɛ̀ ni wu, ‘Arunyining mi bɛ́s wu, ada ngɔn mi tsɛɛt amung afi ifebek, nek a tɛ a bɛ́s wu ni kukyang, ni kutset.’
28“Arunyining ako me wat a beseng iyɛ, a rawu dang nɔ ari me. Wat atek wuruk amatse, a ku tsot akabɔk. 29Awɛt iwu fɛ̀ na atek e, ‘Yɛrɛk! Ayɛ fi in mi sok ni in da ras isam, in ki mang ramin i da fok ifɛ̀ awo. Ngma nɛ anɔng, ngɔn ki mang sok ko ka gebet ki ibon i di nɔk, in di rɔrɔ yit na bafidang hom awo. 30Awɛt fɛ́ ari ngɔn yong fɛ́ a da beseng kurúm nɛ akeleki bɛ́s wu, di fi i ku tsɛɛt anyin amung!’
31“Atek e fɛ̀ ni iwu, ‘Ari hom, ngɔn se azeng ni imi, kaakyɛ fi in bɛ̀ yet ifɔɔn. 32I se yɛɛt ni in ya yit, ni in nye yit iyɛ ikan, nek arunyining yong a kin tsang ku, a mi tɛ a shemeng; a kin wey, ba mi tɛ ba ku sɛ.’ ”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.