AYohana 2
2
Kuweneng nɛ aKana
1Ni kunom kufɛ́ ataat, ba kin ra kuweneng ne kaban wɔp aKana nɛ aGalili, nggɔ aYeso kin se azɔng. 2Ba kin rini aYeso nɛ bafi imɛɛs wu, sak narɔ iweneng e bà. 3Ni izen fɛ́ ashi anap bɛ́ a gang, nggɔ aYeso tsɛ fɛ̀ ni wu, “Ashi anap ba mi gang.”
4AYeso fɛ̀ ni wu, “Aneng, inaan yet akyɛ ayet e yɛ, Izen hom resek.”
5Nggɔ wu fɛ̀ nɛ banet itomong e, “Nye yin ngma ikyɛng fɛ́ a fɛ̀ ni yin.”
6Ányin ábush karataat afɛ ata kin se bakat azɔng; fɛ́ baYahuda di kus nkap kpaf ti nggɔn ba di se, kaakyi kubush kuzining ya ítsɛ́n-imaas nsɔk nfaa sak ntaat. 7AYeso fɛ̀ ne bafi itomong e, “Shining yin ábush e nɛ ashi.” Ama fɛ́ ba shining ábush e nɛ ashi me nyif, 8a fɛ̀ ni ba, “Bɔ yin gyeet, tsi nɔɔk yin akɔk-ashon kuro iweneng e.” Ba nye kpaf anɔng.
9Izen fɛ́ akɔk-ashon kuro iweneng e fubuk ashi fɛ́ a mi sot ashi anap e, ni wu dan rēn karɔ fɛ́ ba di ne ni ina. Nkum basam e kyɛk fɛ́ ba irēn, nek anɔng, a yes amatek agwol e.
10A fɛ̀ ni wu, “Amatek agwol tin nesek ashi anap atek ni imɛsɛng e, ama fɛ́ kaangan mi sɔ a ku kyem, na nɛ na bene nɛ ayɔng fɛ́ da amak ta awo ni gang e anɛ, wɛt ngɔn tsi sak atek e, ni turung ina yɔkɔnɔng ɛ!”
11Kutomong abes kang fɛ́ aYeso kin ra nɛ aKana afɛ́ aGalili, iko ko ku yet kutomong abes imɛsɛng wu, bafi imɛɛs wu nɔɔk atsak ni iwu.
12Ama kuweneng e, a tseng sak nɛ aKafarnahum a tse nye nkɔs nfa nɛ nggɔ wu, nɛ barunyining, nɛ bafi imɛɛs wu.
AYeso hwyɛrɛng banet narɔ iya Adakunom ntong
13Ni izen fi kunom amok iyiring na aPasova baYahuda (kunom fɛ́ atomaza kin shorosho nasa nnon aIsrela na aMasat) bɛ́ bakat, aYeso tseng sak nɛ aRushelima. 14A tsɛ sɛ bafi ijik atasa arɔ iya Adakunom ntong, na ba tsin rɛɛs inyak, ni ibon, nɛ abɔp, nɛ bakak ni sosok na ákon ishesheng itsɔm bá. 15Nek anɔng, aYeso bat ahwyereng itsam, a kpa ka ba zim mo pet sak amatse katasa arɔ iya Adakunom ntong e, pet ni inyak ni ibon, a shik ica itsɔm bafi ishesheng e, nɛ nye gup ákon bá me. 16A fɛ̀ na bafi irɛɛs abɔp, “Turung yin nkyɔrɔk nang azeng! Akyɛ sak fi i da tirik yin kari Ada min na ka sot karɔ ijik ɛ!”
17Bafi imɛɛs wu wat ba yiring fok i se ni jɛk: “Ifup ari ngɔn bi di ya iyɛ.”
18Bágwɔm ntsi baYahuda ku nye irip yɛ, “Akyɛ kuri kutomong abes fi ngɔn da ki nye yit ɛ fi ku da ki tonong yit fok ngɔn kyem ni inye ikyɛng deng ɛ?”
19AYeso fɛ̀ ni ba, “Fo yin Kutu iya Adakunom Ntong kang, imi da ti in donong iko ayɛt nnom ntaat.”
20BaYahuda shim, “Akyɛ! Ba sok ayɛ nsɔk nnaas ne karataat ba di nok Kutu iya Adakunom Ntong kang, ngɔn da bi fɛ̀ fok i da donong iko ayɛt nnom ntaat a?” 21Kutu iya Adakunom ntong fɛ́ aYeso tsin cɛɛt naton ko yet kurɔm wu. 22Ama fɛ́ ba ku donong ni irɛk, bafi imɛɛs wu nɛ ba yiring fok a kin mang fɛrɛng anɔng. Ba di nɔɔk atsak na aYeso ni Ifɛ̀ Adakunom.
23Ni wu mo azɔng nɛ aRushelima nek amok aPasova, banet dot di ntomong abes fɛ́ a ras, ba di nɔɔk atsak ni iyerek wu. 24Ngma nɛ anɔng, aYeso di te iyɛ ni ba awo, nek iwu rēn nse ba ngma. 25Da iwu tsɛt akak fɛ́ a da ku tak nse anet awo, nek iwu rēn nse banet.
Actualmente seleccionado:
AYohana 2: IbaasNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.
AYohana 2
2
Kuweneng nɛ aKana
1Ni kunom kufɛ́ ataat, ba kin ra kuweneng ne kaban wɔp aKana nɛ aGalili, nggɔ aYeso kin se azɔng. 2Ba kin rini aYeso nɛ bafi imɛɛs wu, sak narɔ iweneng e bà. 3Ni izen fɛ́ ashi anap bɛ́ a gang, nggɔ aYeso tsɛ fɛ̀ ni wu, “Ashi anap ba mi gang.”
4AYeso fɛ̀ ni wu, “Aneng, inaan yet akyɛ ayet e yɛ, Izen hom resek.”
5Nggɔ wu fɛ̀ nɛ banet itomong e, “Nye yin ngma ikyɛng fɛ́ a fɛ̀ ni yin.”
6Ányin ábush karataat afɛ ata kin se bakat azɔng; fɛ́ baYahuda di kus nkap kpaf ti nggɔn ba di se, kaakyi kubush kuzining ya ítsɛ́n-imaas nsɔk nfaa sak ntaat. 7AYeso fɛ̀ ne bafi itomong e, “Shining yin ábush e nɛ ashi.” Ama fɛ́ ba shining ábush e nɛ ashi me nyif, 8a fɛ̀ ni ba, “Bɔ yin gyeet, tsi nɔɔk yin akɔk-ashon kuro iweneng e.” Ba nye kpaf anɔng.
9Izen fɛ́ akɔk-ashon kuro iweneng e fubuk ashi fɛ́ a mi sot ashi anap e, ni wu dan rēn karɔ fɛ́ ba di ne ni ina. Nkum basam e kyɛk fɛ́ ba irēn, nek anɔng, a yes amatek agwol e.
10A fɛ̀ ni wu, “Amatek agwol tin nesek ashi anap atek ni imɛsɛng e, ama fɛ́ kaangan mi sɔ a ku kyem, na nɛ na bene nɛ ayɔng fɛ́ da amak ta awo ni gang e anɛ, wɛt ngɔn tsi sak atek e, ni turung ina yɔkɔnɔng ɛ!”
11Kutomong abes kang fɛ́ aYeso kin ra nɛ aKana afɛ́ aGalili, iko ko ku yet kutomong abes imɛsɛng wu, bafi imɛɛs wu nɔɔk atsak ni iwu.
12Ama kuweneng e, a tseng sak nɛ aKafarnahum a tse nye nkɔs nfa nɛ nggɔ wu, nɛ barunyining, nɛ bafi imɛɛs wu.
AYeso hwyɛrɛng banet narɔ iya Adakunom ntong
13Ni izen fi kunom amok iyiring na aPasova baYahuda (kunom fɛ́ atomaza kin shorosho nasa nnon aIsrela na aMasat) bɛ́ bakat, aYeso tseng sak nɛ aRushelima. 14A tsɛ sɛ bafi ijik atasa arɔ iya Adakunom ntong, na ba tsin rɛɛs inyak, ni ibon, nɛ abɔp, nɛ bakak ni sosok na ákon ishesheng itsɔm bá. 15Nek anɔng, aYeso bat ahwyereng itsam, a kpa ka ba zim mo pet sak amatse katasa arɔ iya Adakunom ntong e, pet ni inyak ni ibon, a shik ica itsɔm bafi ishesheng e, nɛ nye gup ákon bá me. 16A fɛ̀ na bafi irɛɛs abɔp, “Turung yin nkyɔrɔk nang azeng! Akyɛ sak fi i da tirik yin kari Ada min na ka sot karɔ ijik ɛ!”
17Bafi imɛɛs wu wat ba yiring fok i se ni jɛk: “Ifup ari ngɔn bi di ya iyɛ.”
18Bágwɔm ntsi baYahuda ku nye irip yɛ, “Akyɛ kuri kutomong abes fi ngɔn da ki nye yit ɛ fi ku da ki tonong yit fok ngɔn kyem ni inye ikyɛng deng ɛ?”
19AYeso fɛ̀ ni ba, “Fo yin Kutu iya Adakunom Ntong kang, imi da ti in donong iko ayɛt nnom ntaat.”
20BaYahuda shim, “Akyɛ! Ba sok ayɛ nsɔk nnaas ne karataat ba di nok Kutu iya Adakunom Ntong kang, ngɔn da bi fɛ̀ fok i da donong iko ayɛt nnom ntaat a?” 21Kutu iya Adakunom ntong fɛ́ aYeso tsin cɛɛt naton ko yet kurɔm wu. 22Ama fɛ́ ba ku donong ni irɛk, bafi imɛɛs wu nɛ ba yiring fok a kin mang fɛrɛng anɔng. Ba di nɔɔk atsak na aYeso ni Ifɛ̀ Adakunom.
23Ni wu mo azɔng nɛ aRushelima nek amok aPasova, banet dot di ntomong abes fɛ́ a ras, ba di nɔɔk atsak ni iyerek wu. 24Ngma nɛ anɔng, aYeso di te iyɛ ni ba awo, nek iwu rēn nse ba ngma. 25Da iwu tsɛt akak fɛ́ a da ku tak nse anet awo, nek iwu rēn nse banet.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 The Nigeria Bible Translation Trust and © 2019 Wycliffe Bible Translators, Inc.