Li-vi Ki 15

Yû-koân Nàm-ngìn Yì-leu-chṳn ke Thiàu-li

1Song-chú fûn-fu Mô-sî lâu Â-lùn 2hiong Yî-set-lie̍t-ngìn siên-pu yî-ha ke thiàu-li. Nàm-ngìn pot yì-leu-chṳn, só leu-chhut ke he mò chhiang-li ke. 3Kì pot yì-leu-chṳn, mò-lun he leu chhut-lòi ke ya-he set-tó ke, chhiòn-phu sṳ́ kì mò chhiang-li. 4Kì soi-ko ke mìn-chhòng ya-he chhô-ko ke tûng-sî chhiòn-phu he mò chhiang-li ke. 5-6Pen-tó kì ke mìn-chhòng ya-he chhô kì chhô-ko ke tûng-sî ke ngìn yit-thin oi sé-chhiang sâm-fu, sé-sṳ̂n, chúng-he kì hàn-he mò chhiang-li to ke-ngit lìm-am-é. 7Má-ngìn pen-tó pot yì-leu-chṳn ke ngìn, má-ngìn chhiu yit-thin oi sé-chhiang sâm-fu, sé-sṳ̂n, chúng-he kì hàn-he mò chhiang-li to ke-ngit lìm-am-é. 8Chhiang-li ke ngìn na-he pûn pot yì-leu-chṳn ke ngìn phi-tó héu-lân, liá-ngìn yit-thin oi sé-chhiang sâm-fu, sé-sṳ̂n, chúng-he kì hàn-he mò chhiang-li to ke-ngit lìm-am-é. 9Pot yì-leu-chṳn ke ngìn khì-ko ke mâ-ôn ya-he chhô-ko ke vi-é chhiòn-phu he mò chhiang-li ke. 10Má-ngìn pen-tó kì chhô-ko ke tûng-sî, má-ngìn chhiu mò chhiang-li to ke-ngit lìm-am-é. Má-ngìn chiông liá-têu tûng-sî nâ hí-lòi, liá-ngìn yit-thin oi sé-chhiang sâm-fu, sé-sṳ̂n, chúng-he kì hàn-he mò chhiang-li to ke-ngit lìm-am-é. 11Pot yì-leu-chṳn ke ngìn mò sé-sú yî-chhièn miâ-tó má-ngìn, má-ngìn chhiu yit-thin oi sé-chhiang sâm-fu, sé-sṳ̂n, chúng-he kì hàn-he mò chhiang-li to ke-ngit lìm-am-é. 12Pot yì-leu-chṳn ke ngìn miâ-ko ke fì-è yit-thin oi te̍p-lan, su-é cho ke yit-thin oi yung súi sé-chhiang.

13Pot yì-leu-chṳn ke ngìn phiang-chṳn hó-thet yî-heu, kì yit-thin oi tén chhit-ngit, yèn-heu oi sé-chhiang sâm-fu, yung liù-thûng ke súi sé-sṳ̂n, án-ngiòng kì chang-son chhiang-li. 14Thi-pat ngit, kì oi tai lióng-chak ngie̍t-kap-è ya-he lióng-chak pân-kiêu to Song-chú ke sṳn-chong-phùng mùn-héu, kâu-pûn chi-sṳ̂. 15Chi-sṳ̂ oi chiông khì-chûng yit-chak cho su̍k-chhui-chi lòi-hien, chiông nang-ngoi yit-chak cho sêu-fa-chi lòi-hien. Chi-sṳ̂ oi yung liá-chúng fông-fap chhai Song-chú mien-chhièn vi liá-ke ngìn hàng kiet-chhiang-lî#15:15 “kiet-chhiang-lî” ya-he yi̍t-cho “su̍k-chhui-lî”, thi sâm-sṳ̍p chiet khiung-yong..

16Ngìn na-yû leu-chîn, kì yit-thin oi sé chhiòn-sṳ̂n, chúng-he kì hàn-he mò chhiang-li to ke-ngit lìm-am-é. 17Pûn chîn-súi kò-tó sâm-fu ya-he phì cho ke tûng-sî, yit-thin oi sé-chhiang, chúng-he liá-têu tûng-sî hàn-he mò chhiang-li to ke-ngit lìm-am-é. 18Nàm-ńg kâu-ha̍p yî-heu yit-thin oi sé-sṳ̂n, chúng-he kì-têu hàn-he mò chhiang-li to ke-ngit lìm-am-é.

Yû-koân Ńg-ngìn Ngie̍t-kîn ke Thiàu-li

19Ńg-ngìn chhai ngie̍t-kîn khì-kiên, chhit-ngit mò chhiang-li. Pen-tó kì ke ngìn ya mò chhiang-li to ke-ngit lìm-am-é. 20Kì chhai kîn-khì nui soi-ko ya-he chhô-ko ke tûng-sî chhiòn-phu mò chhiang-li. 21-23Pen-tó kì ke mìn-chhòng ya-he chhô kì chhô-ko ke tûng-sî ke ngìn yit-thin oi sé-chhiang sâm-fu, sé-sṳ̂n, chúng-he kì hàn-he mò chhiang-li to ke-ngit lìm-am-é. 24Nàm-ngìn na lâu kîn-khì nui ke ńg-ngìn kâu-ha̍p, kì chhiu chhe-tó ke ńg-ngìn ke mò chhiang-li, oi mò chhiang-li chhit-ngit; kì soi ke mìn-chhòng ya he mò chhiang-li ke.

25Ńg-ngìn chhai kîn-khì yî-ngoi liù-hiet tô ngit, ya-he kîn-khì mò-sun ki-siu̍k kín liù-hiet, chhai liù-hiet khì-kiên lâu chhai kîn-khì nui khiung-yong, kì he mò chhiang-li ke. 26Chhai liá liù-hiet khì-kiên lâu chhai kîn-khì nui khiung-yong, kì soi-ko ke mìn-chhòng ya-he chhô-ko ke tûng-sî, chhiòn-phu he mò chhiang-li ke. 27Pen-tó liá-têu tûng-sî ke ngìn chhiu mò chhiang-li; kì yit-thin oi sé-chhiang sâm-fu, sé-sṳ̂n, chúng-he kì hàn-he mò chhiang-li to ke-ngit lìm-am-é. 28Ńg-ngìn ke kîn-hiet thìn-chṳ́ yî-heu, yit-thin oi tén chhit-ngit chang-son chhiang-li. 29Thi-pat ngit, kì oi tai lióng-chak ngie̍t-kap-è ya-he lióng-chak pân-kiêu to sṳn-chong-phùng mùn-héu, kâu-pûn chi-sṳ̂. 30Chi-sṳ̂ oi chiông khì-chûng yit-chak cho su̍k-chhui-chi lòi-hien, chiông nang-ngoi yit-chak cho sêu-fa-chi lòi-hien. Chi-sṳ̂ oi yung liá-chúng fông-fap chhai Song-chú mien-chhièn vi kì hàng kiet-chhiang-lî.

31Song-chú fûn-fu Mô-sî oi yung liá-chúng fông-fap sṳ́ Yî-set-lie̍t-ngìn mo̍k fam mò chhiang-li ke thiàu-li, miên-tet kì-têu tá-lá-sap yàng-chûng ke sṳn-chong-phùng. Kì-têu tá-lá-sap Song-chú ke sṳn-chong-phùng yit-thin voi sí.

32Yî-song ke thiàu-li he yû-koân nàm-ngìn pot yì-leu-chṳn ya-he yû leu-chîn, án-ngiòng lòi son mò chhiang-li, 33pin ńg-ngìn chhai kîn-khì nui liù-hiet, chhiu-he yû-koân nàm-ngìn ya-he ńg-ngìn pot yì-leu-chṳn, yî-khi̍p nàm-ngìn lâu mò chhiang-li ke ńg-ngìn kâu-ha̍p tén kok-chúng thiàu-li.

Actualmente seleccionado:

Li-vi Ki 15: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Li-vi Ki 15

Versículos bíblicos populares de
Li-vi Ki 15

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 15

Li-vi Ki 15

Versículos bíblicos populares de Li-vi Ki 15

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 15

Versículos bíblicos populares de
Li-vi Ki 15