Li-vi Ki 13

Yû-koân Phì-fû-phiang ke Thiàu-li

1Song-chú hiong Mô-sî lâu Â-lùn siên-pu yî-ha ke thiàu-li. 2Na yû-ngìn ke phì-ngiuk hí-pheu, pot-sién, ya-he fat-yàm, tông-chhiong he pot thái-kô#13:2 “thái-kô” ya-he yi̍t-cho “mà-fûng-phiang” ya-he “phì-fû-phiang”. Ngièn-vùn yû kha fat ke yi-sṳ; chhai 13:47 khiung yit-chak sṳ fân-cho “sâng-kû”. Li-vi Ki 13–14 chông chhut-hien chhin tô pái., chhiu-oi tai kì to Â-lùn-chhu̍k ke chi-sṳ̂ ke-vi hi. 3Chi-sṳ̂ oi kiám-chhà kì pot tûng-sî ke vi-só; na-he pot tûng-sî ke vi-só ke mô pien pha̍k-set, pot tûng-sî ke hien-siong chhṳ̂m-ngi̍p phì-ngiuk, liá chhiu-he thái-kô, chi-sṳ̂ oi siên-pu liá-ke ngìn chhai lî-ngì song mò chhiang-li. 4Na-he liá-ke ngìn pot tûng-sî ke vi-só pien-cho pha̍k-set, chúng-he mò chhṳ̂m-ngi̍p phì-ngiuk, mô ya mò-pien pha̍k-set, chi-sṳ̂ oi chiông kì kak-lì chhit-ngit. 5Thi-chhit ngit, chi-sṳ̂ oi kâ kiám-chhà yit-pái, na-he pot tûng-sî ke vi-só mò pien kha ngiàm-chhung, ya-mò chhe-to kha thai-ta̍p, chhiu-oi ki-siu̍k chiông kì kak-lì chhit-ngit. 6Thi-chhit ngit, chi-sṳ̂ oi chai kiám-chhà kì; na-he pot tûng-sî ke vi-só pien-cho mò án-pha̍k, mò chhe-to kha thai-ta̍p, chi-sṳ̂ chhiu-oi siên-pu liá-ke ngìn he chhiang-li ke; kì pot ke he sién thin-thin. Liá-ke ngìn oi sé-chhiang kì ke sâm-fu. Án-ngiòng, kì chhai lî-ngì song chhiu chhiang-li lé. 7Chúng-he, chi-sṳ̂ kiám-chhà kì, siên-pu kì chhai lî-ngì song chhiang-li heu, na-he pot tûng-sî ke vi-só yu kín-chhe kín thai-ta̍p, kì chhiu-oi chón-to chi-sṳ̂ ke-vi. 8Chi-sṳ̂ oi chhùng-sîn kiám-chhà kì; na-he fat-hien pot tûng-sî ke vi-só yû-yáng chhe-to kha thai-ta̍p, chhiu-oi siên-pu kì chhai lî-ngì song he mò chhiang-li ke. Liá he thái-kô.

9Na-he yû-ngìn pot thái-kô, oi tai kì to chi-sṳ̂ ke-vi; 10chi-sṳ̂ oi kiám-chhà kì. Na-he pot tûng-sî ke vi-só chúng hí-lòi, phì-fû pien pha̍k-set, mô ya pien-pha̍k, yu mièn-to khon tet-tó ngiuk, 11liá he man-sin thái-kô ke phiang-chṳn. Chi-sṳ̂ oi siên-pu kì mò chhiang-li, m̀-sṳ́ chiông kì kak-lì, yîn-vi yí-kîn tî kì he mò chhiang-li ke. 12Na-he thái-kô chhe-to chhiòn-sṳ̂n tak-vi, tui thèu-nà to kiok chhiòn-phu yû, 13chi-sṳ̂ chhiu-oi chai kiám-chhà kì; chhiu-son fat-hien kì chhiòn-sṳ̂n sûi-yèn pot thái-kô, hàn-he oi siên-pu kì chhai lî-ngì song he chhiang-li ke; yîn-vi chhiòn-sṳ̂n ke phì-ngiuk pien-pha̍k, kì chhai lî-ngì song ya he chhiang-li ke. 14Chúng-he, yit fat-hien yû fùng-chúng ke ngiuk, kì chhiu-son he mò chhiang-li ke. 15Chi-sṳ̂ kiám-chhà kì, yit fat-hien yû fùng-chúng ke ngiuk, chhiu-oi siên-pu kì mò chhiang-li, he thái-kô ke phiang-chṳn. 16Chúng-he fùng-chúng ke vi-só na-he hó chón-lòi, pien-cho pha̍k-set, kì chhiu-oi chón-to chi-sṳ̂ ke-vi; 17chi-sṳ̂ oi chhùng-sîn kiám-chhà kì. Na-he pot tûng-sî ke vi-só khok-sṳ̍t pien-pha̍k, kì chhai lî-ngì song he chhiang-li ke; chi-sṳ̂ oi siên-pu kì chhiang-li.

18Na yû-ngìn ke phì-fû pot lia̍p-é, yí-kîn hó lé, 19ngièn-lòi pot lia̍p-é ke vi-só yu chúng hí-lòi pien-cho pha̍k-set, ya-he yû fùng-pha̍k pân-tiám chhut-hien, kì oi-hi pûn chi-sṳ̂ khon; 20chi-sṳ̂ oi kiám-chhà kì. Na-he yû chhṳ̂m-ngi̍p phì-ngiuk ke chhìn-hìn, mô yu pien pha̍k-set, chi-sṳ̂ oi siên-pu kì mò chhiang-li; liá he tui lia̍p-é pien-cho thái-kô ke chṳn-thèu. 21Na-he chi-sṳ̂ kiám-chhà ke sṳ̀, fat-hien mô mò pien-pha̍k, pot lia̍p-é ke hien-siong ya-mò chhṳ̂m-ngi̍p phì-ngiuk, set ya mò án-pha̍k, chi-sṳ̂ oi chiông kì kak-lì chhit-ngit. 22Na-he pot lia̍p-é ke vi-só chhe-to kha thai-ta̍p, chi-sṳ̂ oi siên-pu kì mò chhiang-li; liá he thái-kô ke chṳn-thèu. 23Na-he pot lia̍p-é ke vi-só mò pien kha ngiàm-chhung, ya-mò chhe-to kha thai-ta̍p, ke chhiu-he lia̍p-é ke pâ thin-thin. Chi-sṳ̂ oi siên-pu kì chhai lî-ngì song he chhiang-li ke.

24Na yû-ngìn pûn fó sêu-sông, sông-héu pien-pha̍k ya-he yû fùng-pha̍k pân-tiám, 25chi-sṳ̂ chhiu oi kiám-chhà. Na-he sông-héu ke mô pien-pha̍k, sông-héu chhṳ̂m-ngi̍p phì-ngiuk, liá he thái-kô tui fó sêu-sông ke sông-héu pot chhut-lòi ke chṳn-thèu, chi-sṳ̂ oi siên-pu kì mò chhiang-li. 26Na-he sông-héu ke mô mò pien-pha̍k, sông-héu mò chhṳ̂m-ngi̍p phì-ngiuk, set ya mò án-pha̍k, chi-sṳ̂ oi chiông kì kak-lì chhit-ngit. 27Thi-chhit ngit, chi-sṳ̂ oi chai kiám-chhà kì. Na-he sông-héu chhe-to kha thai-ta̍p, liá he thái-kô ke chṳn-thèu, chi-sṳ̂ oi siên-pu kì mò chhiang-li. 28Na-he sông-héu mò pien ngiàm-chhung, ya-mò chhe-to kha thai-ta̍p, set ya mò án-pha̍k, liá chhiu-he yîn-vi fó sêu-sông chúng hí-lòi ke. Chi-sṳ̂ oi siên-pu kì chhai lî-ngì song chhiang-li, yîn-vi liá he sêu-sông ke pâ thin-thin.

29Mò-lun nàm-ńg, thèu-nà táng ya-he hâ-ngâm na-yû pot tûng-sî, 30chi-sṳ̂ chhiu oi kiám-chhà. Na-he pot tûng-sî ke vi-só chhṳ̂m-ngi̍p phì-ngiuk, ke vi-só ke thèu-nà-mô ya-he fù-sî pien vòng-set, yu pien kha-séu, liá he thái-kô ke chṳn-thèu, chi-sṳ̂ oi siên-pu liá-ke ngìn mò chhiang-li. 31Chi-sṳ̂ kiám-chhà ke sṳ̀, na-he fat-hien pot tûng-sî ke hien-siong mò chhṳ̂m-ngi̍p phì-ngiuk, chúng-he màng sâng vû-set ke thèu-nà-mô ya-he fù-sî, chi-sṳ̂ oi chiông kì kak-lì chhit-ngit. 32Thi-chhit ngit, chi-sṳ̂ oi chai kiám-chhà pot tûng-sî ke hien-siong; na-he pot tûng-sî ke vi-só mò chhe-to kha thai-ta̍p, thèu-nà-mô ya-he fù-sî mò pien-vòng, pot tûng-sî ke vi-só ya-mò chhṳ̂m-ngi̍p phì-ngiuk, 33liá-ke ngìn chhiu-oi chiông pot tûng-sî ke vi-só chû-vì ke thèu-nà-mô ya-he fù-sî thi-thet. Yèn-heu, chi-sṳ̂ oi chiông kì chai kak-lì chhit-ngit. 34Thi-chhit ngit, chi-sṳ̂ oi chhùng-sîn kiám-chhà pot tûng-sî ke vi-só; na-he pot tûng-sî ke vi-só mò chhe-to kha thai-ta̍p, ya-mò chhṳ̂m-ngi̍p phì-ngiuk, chi-sṳ̂ oi siên-pu kì chhai lî-ngì song he chhiang-li ke. Kì oi sé-chhiang sâm-fu, án-ngiòng kì chhiu chhiang-li lé. 35Chúng-he, chhiang-li heu, pot tûng-sî ke vi-só na kín-chhe kín thai-ta̍p, 36chi-sṳ̂ chhiu-oi chai kiám-chhà kì. Na-he pot tûng-sî ke vi-só yû chhe-to kha thai-ta̍p, chhiu m̀-sṳ́ chai chhìm pien-vòng ke thèu-nà-mô ya-he fù-sî, kì he mò chhiang-li ke. 37Na-he ngin-vì pot tûng-sî ke vi-só mò chhe-to kha thai-ta̍p, vû-set ke thèu-nà-mô ya-he fù-sî ya sâng chhut-lòi, pot tûng-sî ke vi-só chhiu-son hó lé; chi-sṳ̂ oi siên-pu kì chhai lî-ngì song he chhiang-li ke.

38Mò-lun nàm-ńg, na-he phì-fû yû pha̍k-set ke pân-tiám, 39chi-sṳ̂ chhiu oi kiám-chhà. Na pân-tiám he am fôi-set, liá he phì-fû pot-sién; liá-ke ngìn chhai lî-ngì song he chhiang-li ke.

40-41Na yû-ngìn lut-thet thèu-nà-mô, mò-lun he thèu-nà ke thèu-chhièn ya-he heu-poi kông-thèu, kì he chhiang-li ke. 42Chúng-he lut-mô ke vi-só na chhut-hien pha̍k-chûng tai-fùng ke chṳn-thèu, liá he thái-kô ke phiang-chṳn. 43Chi-sṳ̂ oi kiám-chhà kì; na-he kông-thèu ke vi-só chṳn-kîn yû pha̍k-chûng tai-fùng ke chṳn-thèu, 44chi-sṳ̂ oi siên-pu kì he mò chhiang-li ke, yîn-vi kì ke thèu-nà pot thái-kô.

45Pot thái-kô ke ngìn yit-thin oi chok chhá-lan ke sâm, thèu-nà-mô oi chông pûn kì nùng-nùng, êm-tén choi-sùn, hêm-kóng: “Mò chhiang-li, mò chhiang-li!” 46Chhai thái-kô màng yî-hó yî-chhièn, kì he mò chhiang-li ke; kì yit-thin oi he̍t chhai yàng-ngoi, lâu phe̍t-ngìn kak-lì.

Yû-koân Sâng-kû ke Thiàu-li

47-48Mò-lun he yòng-mô sâm ya-he mà-sâ sâm, he chhṳ̍t-sâ ya-he vàng-sâ ke, he phì ke ya-he phì ke sán-phín, na-he sâng-kû#13:47-48 “sâng-kû”: Khon 13:2., 49liá sâng-kû na-he chhiâng-set ya-he fùng-set, chhiu-he voi chhe-to kha thai-ta̍p ke kû, yit-thin oi kâu-pûn chi-sṳ̂ kiám-chhà. 50Chi-sṳ̂ oi siòng-se kiám-chhà, chiông kì kak-lì chhit-ngit. 51Thi-chhit ngit, oi chai kiám-chhà kì. Na-he sâng-kû chhe-to kha thai-ta̍p, liá tûng-sî he mò chhiang-li ke. 52Chi-sṳ̂ oi chiông kì sêu-thet, yîn-vi kì he voi kín-chhe kín thai-ta̍p ke kû, yit-thin oi yung fó sêu-thet.

53Chúng-he, chi-sṳ̂ kiám-chhà heu na fat-hien liá sâng-kû mò chhe-to kha thai-ta̍p, 54kì oi ham-ngìn sé ke tûng-sî, chiông kì chai kak-lì chhit-ngit. 55Yèn-heu, chi-sṳ̂ oi chai kiám-chhà kì; na-he sâng-kû mò chhe-to kha thai-ta̍p, chúng-he hàn-he mò pien-set, liá tûng-sî hàn-he mò chhiang-li ke. Mò-lun sâng-kû he chhai chṳn-mien ya-he poi-mien, ke tûng-sî yit-thin oi yung fó sêu-thet. 56Chúng-he, chi-sṳ̂ chai kiám-chhà kì ke sṳ̀, na-he fat-hien sâng-kû yí-kîn mò-thet, chhiu-oi chiông ke phu-fun chhá hâ-lòi. 57Yî-heu, sâng-kû na yu chhut-hien, yu kín-chhe kín thai-ta̍p, ngì chhiu oi yung fó chiông ke tûng-sî sêu-thet. 58Na-he ngì chiông ke tûng-sî sé-ko, sâng-kû chhiu mò-thet hi, ngì oi chai sé yit-pái, án-ngiòng ke tûng-sî chhai lî-ngì song chhiu chhiang-li lé.

59Yî-song he yû-koân sâm-fu sâng-kû ke thiàu-li. Mò-lun he yòng-mô sâm ya-he mà-sâ sâm, he chhṳ̍t-sâ ya-he vàng-sâ ke, ya-he phì ke tûng-sî, só-yû sâng-kû ke, chhiòn-phu oi on-cheu liá thiàu-li lòi kiet-thin chhiang-li ya-he mò chhiang-li.

Actualmente seleccionado:

Li-vi Ki 13: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Li-vi Ki 13

Versículos bíblicos populares de
Li-vi Ki 13

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 13

Li-vi Ki 13

Versículos bíblicos populares de Li-vi Ki 13

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 13

Versículos bíblicos populares de
Li-vi Ki 13