Li-vi Ki 12

Sán-fu Kiet-chhiang-lî ke Thiàu-li

1Song-chú fûn-fu Mô-sî 2hiong Yî-set-lie̍t-ngìn siên-pu yî-ha ke thiàu-li. Fu-ngìn-kâ na kiung lai-é, sán-heu ke chhit-ngit, kì chhai lî-ngì song he mò chhiang-li ke, lâu ngie̍t-kîn khì-kiên khiung-yong mò chhiang-li. 3Thi-pat ngit se-lai-é yit-thin oi su kot-lî. 4Ke fu-ngìn-kâ oi chai tén sâm-sṳ̍p sâm-ngit, to sán-hiet thìn chang chhiang-li. Chhai liá-chham khì-kiên, chhai vàn-sṳ̀n kiet-chhiang-lî yî-chhièn, kì cho-m̀-tet miâ só-yû ke sṳn-vu̍t, ya cho-m̀-tet chin-ngi̍p sṳn-só.

5Fu-ngìn-kâ na kiung moi-é, sán-heu ke sṳ̍p-si ngit, kì chhai lî-ngì song he mò chhiang-li ke, lâu ngie̍t-kîn khì-kiên khiung-yong mò chhiang-li. Kì oi chai tén liuk-sṳ̍p liuk-ngit, to sán-hiet thìn chang chhiang-li.

6Fu-ngìn-kâ kiet-chhiang ke ngit khì-mân yî-heu, mò-lun kiung lai-é kiung moi-é, kì oi khiên yit-chak yit-se thai ke se yòng-è cho sêu-fa-chi, yu oi tai yit-chak pân-kiêu ya-he ngie̍t-kap-è cho su̍k-chhui-chi, to Song-chú ke sṳn-chong-phùng mùn-héu kâu-pûn chi-sṳ̂. 7Chi-sṳ̂ oi vi kì hiong Song-chú hien-chi, vi kì kí-hàng kiet-chhiang-lî#12:7 “kiet-chhiang-lî” ya-he yi̍t-cho “su̍k-chhui-lî”. Thi-pat chiet khiung-yong.. Án-ngiòng, kì chhai lî-ngì song chhiu chhiang-li lé.

Liá he fu-ngìn-kâ kiung lai-é ya-he moi-é ke thiàu-li. 8Fu-ngìn-kâ na mâi m̀-hí yit-chak se yòng-è, kì cho-tet von-cho lióng-chak ngie̍t-kap-è ya-he lióng-chak pân-kiêu, yit-chak cho sêu-fa-chi, nang-ngoi yit-chak cho su̍k-chhui-chi. Chi-sṳ̂ oi vi kì hàng kiet-chhiang-lî. Án-ngiòng, kì chhai lî-ngì song chhiu chhiang-li lé.

Actualmente seleccionado:

Li-vi Ki 12: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)