Li-vi Ki 11

Yû-koân Sṳ̍t-vu̍t ke Thiàu-li

(Sṳ̂n-min Ki 14:3-21)

1Song-chú min-lin Mô-sî lâu Â-lùn 2hiong Yî-set-lie̍t-ngìn siên-pu yî-ha ke thiàu-li. Thi-song só-yû ke chéu-chhu tông-chûng, ngì-têu cho-tet sṳ̍t liá-têu: 3Fàm kiok-thài fûn-cho lióng-phan, yu voi to-chhó ke thung-vu̍t, ngì-têu chhiòn-phu cho-tet sṳ̍t. 4-6Chúng-he ngì-têu cho-m̀-tet sṳ̍t lo̍k-thò, fôn, ya-he thu-é, oi chiông liá-têu son-cho mò chhiang-li ke thung-vu̍t; yîn-vi kì-têu sûi-yèn voi to-chhó, chúng-he kiok-thài mò fûn-phan. 7Chû-é ya cho-m̀-tet sṳ̍t, oi chiông kì son-cho mò chhiang-li ke thung-vu̍t; yîn-vi chû-é sûi-yèn kiok-thài fûn-phan, chúng-he mò to-chhó. 8Liá-têu thung-vu̍t ke ngiuk ngì-têu cho-m̀-tet sṳ̍t, lièn miâ kì-têu ke sṳ̂-thí ya cho-m̀-tet; kì-têu son-cho mò chhiang-li ke thung-vu̍t.

9Fàm chhai súi-tú, hói-tú, hò-pa tî-poi ke, ngì-têu cho-tet sṳ̍t liá-têu: Yû ǹg-yi̍t yû-lìn ke ǹg-lui, ngì-têu chhiòn-phu cho-tet sṳ̍t; 10chúng-he mò ǹg-yi̍t mò-lìn ke ǹg-lui, ngì-têu cho-m̀-tet sṳ̍t. 11Ngì-têu oi chiông kì-têu son-cho mò chhiang-li ke, cho-m̀-tet sṳ̍t kì-têu ke ngiuk, lièn miâ kì-têu ke sṳ̂-thí ya cho-m̀-tet. 12Fàm chhai súi-tú mò ǹg-yi̍t, mò-lìn ke ǹg-lui, ngì-têu oi chiông kì-têu son-cho mò chhiang-li ke.

13-19Yî-ha ke tiâu-é son-cho mò chhiang-li, ngì-têu chhiòn-phu cho-m̀-tet sṳ̍t: ên-tiâu, thut-ên, yeu-phò, yên, lia̍p-ên, vû-â lâu kì khiung-lui ke, thò-niâu, hiêu, hói-êu, ên-chhiok lâu kì khiung-lui ke, chhṳ̂-hiêu, lù-chhṳ̀, meu-thèu-tiâu, kok-chhṳ̂, thi-fù, tiâu, kon-niâu, pha̍k-ho̍k lâu kì khiung-lui ke, tai-ngim, lâu phi̍t-phò#11:13-19 Liá-thon yû-têu tiâu-é ke miàng pin mò khok-thin..

20-21Fàm-he yû yi̍t-kap ke khûn-chhùng, chhù-liáu voi-thiau ke, chhiòn-phu he mò chhiang-li ke. 22Ngì-têu cho-tet sṳ̍t chhó-máng, thú-kiéu-è, ya-he thai chhó-máng. 23Chúng-he khì-thâ yû yi̍t-kap, voi-phà ke se khûn-chhùng, ngì-têu oi chiông kì-têu son-cho mò chhiang-li ke.

24-28Yî-ha thung-vu̍t ke sṳ̂-thí, má-ngìn miâ-tó, má-ngìn chhiu-voi mò chhiang-li to lìm-am-é: só-yû kiok-thài mò fûn-phan, mò to-chhó, lâu yû kiok-phàn ke si-kiok thung-vu̍t. Thûng-tó kì-têu sṳ̂-thí ke ngìn, yit-thin oi chiông sâm-fu sé-chhiang, chúng-he kì hàn-he mò chhiang-li to lìm-am-é.

29-30Thi-song phà ke, oi son-cho mò chhiang-li ke, yû liá-têu: Chhièn-chhú, ló-chhú, kiéu-mà-sà lâu kì khiung-lui ke, piak-sà, thai-si-yí, sân-kiéu-thai, sà-yî, lâu pien-set-liùng. 31Thi-song phà ke, liá-têu chhiòn-phu oi son-cho mò chhiang-li ke. Má-ngìn miâ kì-têu ke sṳ̂-thí, má-ngìn chhiu mò chhiang-li to lìm-am-é. 32Kì-têu ke sṳ̂-thí tiet chhai má-ke tûng-sî táng-kô, mò-lun he su-é cho ke, pu-é cho ke, phì-è cho ke, ya-he mà-pu-thoi, mò-lun yung-thù he má-ke, chhiòn-phu son-he mò chhiang-li. Oi chiông liá-ke tûng-sî chim chhai súi-tú; kì son-he mò chhiang-li to lìm-am-é, yî-heu chhiu chhiang-li lé. 33Kì-têu ke sṳ̂-thí na tiet-lo̍k nài-cho ke vo̍k-thèu tú, vo̍k-thèu tú ke tûng-sî chhiu mò chhiang-li; ngì-têu oi chiông vo̍k-thèu tá-lan. 34Phìn-sòng cho-tet sṳ̍t ke tûng-sî, na vun-tó ke vo̍k-thèu ke súi, chhiu mò chhiang-li; phìn-sòng cho-tet lîm ke tûng-sî, na chông chhai ke vo̍k-thèu tú, ya-son mò chhiang-li. 35Kì-têu ke sṳ̂-thí mò-lun tiet chhai má-ke tûng-sî táng-kô, liá tûng-sî chhiu mò chhiang-li; mò-lun he fûng-lù ya-he cho-thèu chhiòn-phu oi tá-lan. 36Sûi-yèn kok-chúng tûng-sî yit pen-tó kì-têu ke sṳ̂-thí chhiu mò chhiang-li, chúng-he chhièn-súi lâu pî-thòng súi hàn-he chhiang-li ke. 37Liá-têu thung-vu̍t ke sṳ̂-thí na tiet chhai oi chung ke chúng-chṳ́ táng-kô, chúng-chṳ́ hàn-he chhiang-li ke. 38Chúng-he chúng-chṳ́ na-he lìm-ko súi, yû sṳ̂-thí ya tiet chhai táng-kô, liá chúng-chṳ́ chhiu mò chhiang-li lé.

39Cho-tet sṳ̍t ke thung-vu̍t na-he sí-thet, má-ngìn miâ-tó kì chhiu son-he mò chhiang-li to lìm-am-é. 40Ngìn sṳ̍t-tó kì ke ngiuk, yit-thin oi chiông sâm-fu sé-chhiang, chúng-he kì hàn-he mò chhiang-li to lìm-am-é. Só-yû pân sṳ̂-thí ke, ya oi sé-chhiang sâm-fu, chúng-he kì hàn-he mò chhiang-li to lìm-am-é.

41-42Thi-mien ke se phà-chhùng, mò-lun he yung tú-sṳ́ phà ke, yung si-chak kiok hàng ke, ya-he yung tô-kiok hàng ke chhiòn-phu son-cho mò chhiang-li ke, ngì-têu cho-m̀-tet sṳ̍t. 43Ngì-têu cho-m̀-tet sṳ̍t liá-têu phà-chhùng lòi tá-lá-sap chhṳ-kâ pien-cho mò chhiang-li. 44Ngài he Song-chú — ngì-têu ke Song-ti; ngì-têu oi chiông chhṳ-kâ fûn-phe̍t vì-sṳn, sàng-cho sṳn-kiet, yîn-vi Ngài he sṳn-kiet ke. Ngì-têu cho-m̀-tet yîn-vi liá-têu phà-chhùng lòi tá-lá-sap chhṳ-kâ. 45Ngài he Song-chú; Ngài thu ngì-têu chhut Âi-khi̍p, oi cho ngì-têu ke Song-ti. Ngì-têu oi sṳn-kiet, yîn-vi Ngài he sṳn-kiet ke.

46Yî-song he yû-koân thung-vu̍t, tiâu-lui, ǹg-lui lâu phà-chhùng-lui ke thiàu-li. 47Ngì-têu yit-thin oi fûn-phe̍t chhiang-li ya-he mò chhiang-li ke, cho-tet sṳ̍t ya-he cho-m̀-tet sṳ̍t ke sâng-vu̍t.

Actualmente seleccionado:

Li-vi Ki 11: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Li-vi Ki 11

Versículos bíblicos populares de
Li-vi Ki 11

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 11

Li-vi Ki 11

Versículos bíblicos populares de Li-vi Ki 11

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 11

Versículos bíblicos populares de
Li-vi Ki 11