Chhut Âi-khi̍p Ki 35

Ôn-sit-ngit ke Li-kûi

1Mô-sî seu-si̍p Yî-set-lie̍t chhiòn-thí fi-chung, tui kì-têu kóng: “Liá he Song-chú min-lin ngì-têu chûn-hàng ke sṳ: 2Ngì-têu liuk-ngit oi kûng-chok, chúng-he thi-chhit ngit he sṳn-ngit, yin-kôi kûi-pûn Ngài — Song-chú cho ôn-sit-ngit. Só-yû chhai liá-ngit kûng-chok ke ngìn yit-thin oi chhú sí-hìn. 3Chhai ôn-sit-ngit, lièn chhai chhṳ-kâ vuk-hâ hí-fó ya cho-m̀-tet.”

Vi Sṳn-chong-phùng Fung-hien

(Chhut Âi-khi̍p Ki 25:1-9)

4Mô-sî tui chhiòn-thí Yî-set-lie̍t fi-chung kóng: “Song-chú án-ngiòng min-lin: 5ngì-têu oi hiong Song-chú hien lî-vu̍t. Só-yû lo̍k-yi ke ngìn cho-tet fung-hien kîm, ngiùn, thùng; 6mà-sâ; làm-set, chṳ́-set lâu chhṳ̂m-fùng set ke phong-sien; sân-yòng-mô chhiak ke pu-liau; 7ngiam-fùng ke yòng-kú-phì; chhin-chiâng ke phì-liau; kîm-ha̍p-fôn-muk; 8tên-yù; chṳ-chho sṳn-yù lâu hiông ke ngièn-liau; 9fùng-mâ-nó lâu khì-thâ pó-sa̍k, oi nâ-lòi siông chhai thai-chi-sṳ̂ ke yî-fut-tet sṳn-fu̍k lâu hiûng-phài táng.”

Sṳn-chong-phùng ke Yung-phín

(Chhut Âi-khi̍p Ki 39:32-43)

10“Ngì-têu tông-chûng chhut-miàng ke sṳ̂-fu chhiòn-phu oi-lòi cho Song-chú só fûn-fu ke yit-chhiet yung-phín: 11chhiu-he sṳn-chong-phùng, sṳn-chong-phùng táng lâu ngoi-chhèn ke táng-koi, sṳn-chong-phùng ke kiêu-é, kut-ka, vàng-kong, chhû-é lâu chhû-chho; 12yok-khui, yok-khui ke kong-é, su̍k-chhui ke koi-é, lâu kak-tén yok-khui ke chong-man; 13kiûng-chok, chok ke kong-é, lâu só-yû ke yung-phín; hien-pûn Song-ti ke kiûng-piáng; 14tên-thòi lâu kì ke làng-khien; tên-chán lâu tên-yù; 15hiông-thàn lâu kong-é; sṳn-yù lâu tông-hiông ke hiông; sṳn-chong-phùng mùn-héu ke mùn-liàm; 16hien sêu-fa-chi ke chi-thàn lâu thùng-mióng, kong-é, lâu só-yû ke yung-phín; sé-thông-phùn lâu phùn-chho; 17vì ngoi-yen ke chong-man, chhû-é lâu chhû-chho; ngoi-yen mùn-héu ke mùn-liàm; 18sṳn-chong-phùng lâu vì thìn-yen ke chhôn-é lâu sok-è; 19chi-sṳ̂ chhai sṳn-só fu̍k-sṳ ke sṳ̀ só-chok chhin-chiâng ke sṳn-fu̍k, chhiu-he chi-sṳ̂ Â-lùn lâu kì ke-têu lai-é ke sṳn-fu̍k.”

Ngìn-mìn ke Fung-hien

20Yî-set-lie̍t chhiòn-thí fi-chung tui Mô-sî mien-chhièn lì-khôi; 21só-yû kâm-sîm lo̍k-yi fung-hien ke ngìn, chhiòn-phu tai Song-chú ke lî-vu̍t lòi, hien-cho hí sṳn-chong-phùng ke yung-thù. Kì-têu tai-lòi chhùng-pai sî-yeu ke yung-phín lâu chṳ-chho chi-sṳ̂ sṳn-fu̍k ke chhòi-liau. 22Tak-ke lo̍k-yi fung-hien ke nàm-ńg tai-lòi pín-chṳ̂m, ngí-vàn, kim-chṳ́, pha̍t-lien, lâu kok-chúng kîm-hi, hien-pûn Song-chú. 23Fàm-yû mà-sâ, làm-set, chṳ́-set, lâu chhṳ̂m-fùng set ke phong-sien, sân-yòng-mô chhiak ke pu-liau, ngiam-fùng ke yòng-kú-phì, ya-he chhin-chiâng ke phì-liau ke, ya chhiòn-phu tai-lòi. 24Yû nèn-li̍t fung-hien ngiùn ya-he thùng ke lî-vu̍t, chhiòn-phu tai-lòi hien-pûn Song-chú; vuk-hâ yû kîm-ha̍p-fôn-muk hó cho kûng-chhàng yung ke ya tai ko-lòi. 25Sú-ngi hó ke fu-ńg chhiòn-phu tai-lòi chhîn-sú chhiak ke mà-sâ, lâu làm-set, chṳ́-set, chhṳ̂m-fùng set ke phong-sien. 26Kâm-sîm lo̍k-yi ke fu-ńg ya yung sân-yòng-mô cho phong-sien. 27Ke-têu liâng-chhiu chiông cho-tet siông chhai yî-fut-tet sṳn-fu̍k lâu hiûng-phài táng ke fùng-mâ-nó lâu khì-thâ ke pó-sa̍k, 28pin tiám tên-fó, cho sṳn-yù lâu cho-hiông só sî-yeu ke hiông-liau lâu yù tai-lòi. 29Só-yû Yî-set-lie̍t-ngìn, mò-lun nàm-ńg, vi-tó Song-chú fûn-fu Mô-sî chin-hàng ke kûng-chhàng, chhiòn-phu kâm-sîm lo̍k-yi chiông lî-vu̍t tai-lòi, hien-pûn Song-chú.

Hí Sṳn-chong-phùng ke Kûng-ngìn

(Chhut Âi-khi̍p Ki 31:1-11)

30Mô-sî tui Yî-set-lie̍t ngìn-mìn kóng: “Song-chú yí-kîn tui Yù-thai kî-chhu̍k sién-chhut Fu-ngí ke sûn-é, Vû-li ke lai-é Pí-sat-lie̍t, 31yung chhṳ-kâ ke Lìn chhûng-mân kì, su-pûn kì chhûng-mìn, chhòi-nèn, kî-su̍t, voi-cho kok-yong sú-ngi, 32chhiong sat-kie thù-on, yung kîm, ngiùn, thùng chṳ-chho kok-chúng yung-phín; 33voi khat oi siông ke pó-sa̍k; nèn khat su-é; hàn-voi khì-thâ kok-yong khì-kháu ke sú-ngi. 34Song-chú su-pûn kì lâu Tan kî-chhu̍k Â-hî-sat-mat ke lai-é Â-hò-li-â-pak yû kâu sú-ngi ke nèn-li̍t. 35Kì su-pûn kì-têu kok-chúng kî-su̍t, voi-cho kok-yong sú-kûng, chhiong tiâu-khiet, thù-on sat-kie, fóng-chṳt mà-sâ, yung làm-set, chṳ́-set, chhṳ̂m-fùng set ke phong-sien chhiak-fâ, hàn-voi chhiak kok-chúng pu-liau. Kok-chúng kûng-chok kì-têu chhiòn-phu voi cho, ya chhin-voi sat-kie kok-yong thù-on.”

Actualmente seleccionado:

Chhut Âi-khi̍p Ki 35: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 35

Versículos bíblicos populares de
Chhut Âi-khi̍p Ki 35

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb