Kiilanu 24
24
Pɔlu makiiti koe dugu mansa Felikisi dula
1Tele loolu tanbi kɔma, Ananiyasi sarika lakela kuntige anun Yahude kayiba donu jigita Sesare saa tɔ, anun kunmafɔlá do, min tɔgɔ Tɛritulu. Anu ka anu madi dugu mansa Felikisi ma Pɔlu la ko tɔ. 2Wo tɛmuɛ le, mansa ka Pɔlu kele, Tɛritulu tugun fɔlɔta kɛ kumanu sifɛla, a ko: «Felikisi mansa ɲinma, mɔ be hɛra belebele sɔtɔren ile le la ko sabu la, bayi i be mamasara ɲinmanu mala kɛ jamanɛ ye i la ko lɔŋɛ sabu la. 3Wolo be a maren, mɔ be i la wali sala wonu la mɔɔle bɛ la dula bɛ tɔ sɛɛwa belebele butɔ. 4Kɔnɔ n bele diren i kɔrɔrɔla, wolo mu n bata i táran, i ni i tolomasɔ mɔ la kuma la donden i la hanige ɲinmaya butɔ. 5Mɔ bata a yen, kɛ kaye mu malamurutɛla le la, anun tɛ donna Yahude bɛ tɛma dunuya bɛ tɔ; a mu Isa Nasarɛti kaa la jama kuntige le la. 6A mɛn katata a ni Ala batu bon banba manɔgɔ, kɔnɔ mɔ ka a bita wo butɔ. ⸂Mɔ dita a makiitila iko mɔ la sariya be ki min na, 7kɔnɔ Lisiyasi sɔɔri mansa banba tagata, a ka a bosi mɔ bolo sɛnbɛ banba la. 8Wo kɔma, a ka mɔ yamɔri, mɔ ni na a siɲɛ i bata le.⸃ Ka i yɛtɛ ka a maɲininka tun, i si nɔ lɔnnɛ sɔtɔla a ma, mɔ be mɔ madiren koe min bɛ la, tɔɲa le mu.»
9Wo butɔ, Yahudenu tugun ka wo kuma sɛnbɛnteya, anu ko a be ɲɔgɔnna le.
Pɔlu la fan kunma fɔɛ
10Wo kɔma, dugu mansa ka Pɔlu sappɛ a ni kuma. Ale tugun ka kuma fɔlɔ, a ko: «N to be a lɔnden, ile be maren kiiti salá le la kɛ jamanɛ kunma bɔɔla san siyama, wolo mu n be n tɛŋɛ ɲamakaranna limaniya butɔ. 11I si nɔ tefire mala i yɛtɛ la: bɔɔla n yɛlɛta Darisalamu Ala batu dula, a ma tanbi tele tan nun fila la. 12Anu ma n taran ɲɔ mɔ nun mɔgɔ be kuma masabaala ka wo ma jama lamurutɛla Ala batu bon banba butɔ, ka wo ma kawandi ma boŋɛnu tɔ, ka wo ma saa butɔ. 13Anu be n tɔɲɛgɛla koe minnu la kɔtɛ, anu te nɔ wo koenu seedeɲɔgɔya yitala i la. 14Kɔnɔ n si min yita i la, wolo mu ka: n be mɔ benbanu la Ala le batula, iko Isa la kila be a yitaren ki min na, ande be a fɔla min ma aa foniya kila. Iyon, kuma min bɛ be sɛbɛren Taureta Musa nun nabiyonmɛnu la kitabuenu tɔ, n be laaren wonu bɛ la. 15N be laaren, iko ande yɛtɛ tugun be sɔnden min na, ka a fɔla Ala si naa telenbaganu nun telenbalenu bɛ talawuli le faga kɔma. 16Wolo be a maren, nde tugun be katala, n ni n na simaya bɛ latanbi jusu beeya butɔ Ala nun mɔgɛnu ɲala.
17San siyama tanbi kɔma, n nata Darisalamu dɛmarifeŋɛnu nati koe la n bɔnsɛ ye, n mɛn ni sarikanu bɔɔ. 18Wo butɔ le, anu ka n taran Ala batu bon banba butɔ ɲɔ, n be bɔɔren n na saniyaŋɛ banna, jama bele ɲɔ, sɔnkɔ tugun bele. 19Awa, Asi duge Yahude donu le ka n taran ɲɔ. Wondelen bɛnta nun kela i bata yan, anu ni anu tɛŋɛ ɲamakaran, ka a tagata taran ko do be anu juse tɔ n na ko la. 20Ka wo ma, kɛnu yɛtɛ ni a fɔ, ka anu ka n taran n be telenbaliya le maren, anu to ka n sɔ anu la kuntigenu la mamadɛŋɛ tɔ, 21fɔ kɛ kuma dɔndɛ pɛ, n be sɔren anu tɛma le, n ka fɔ n kulɛ mayɛlɛreŋɛ la, n ko: Anu be n makiitila min na bi, wolo mu fagabaganu lawuli koe la.»
22Mansa Felikisi to ka Isa la kila lɔn a ɲinma la, a ka anu la ko sa betunna, a ko: «Lisiyasi sɔɔri mansa banba tini na wagate min tɔ, n si wo la ko tefi a ɲinma la.» 23A ka sɔɔri kuŋɛ do yamɔri a ni Pɔlu kanta, a ni a to geele bara tɔ, a mɛn kana a la mɔgɔ yo ladan a dankun koe la.
Pɔlu to koe geele tɔ
24Tele donu tanbi kɔma, Felikisi nun a la musu Durisila, min mu Yahude la, anu nata, a ka kiila kii Pɔlu kɔma. Wo ka dɛnkɛnɛya kuma min fɔ Ala la mɔgɔ masubɛreŋɛ Isa la ko tɔ, a ka a tolomasɔ wo la. 25Kɔnɔ Pɔlu to be kumala teleŋɛ la ko tɔ, anun fan tabita nun aligiyama kiite min be nala, kilaŋɛ ka Felikisi bita, a ka a jaabi, a ko: «Taga betunna, n tini fɛrɛ sɔtɔ wagate min tɔ, n si i kele.» 26A mɛn yili tota a ma, ka a fɔla Pɔlu si nafule dii a ma, wolo mu wagate bɛ a be a kelela anu ni kɛnɛ sumunna.
27San fila la tanbireŋɛ, Felikisi la mansaya danta, Pɔrusu Fɛsitu sɔta a faliŋɛ la. Felikisi to be diren, a ni Yahudenu diyanankoe le ma, a ka Pɔlu to geele tɔ.
Actualmente seleccionado:
Kiilanu 24: MOG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Kiilanu 24
24
Pɔlu makiiti koe dugu mansa Felikisi dula
1Tele loolu tanbi kɔma, Ananiyasi sarika lakela kuntige anun Yahude kayiba donu jigita Sesare saa tɔ, anun kunmafɔlá do, min tɔgɔ Tɛritulu. Anu ka anu madi dugu mansa Felikisi ma Pɔlu la ko tɔ. 2Wo tɛmuɛ le, mansa ka Pɔlu kele, Tɛritulu tugun fɔlɔta kɛ kumanu sifɛla, a ko: «Felikisi mansa ɲinma, mɔ be hɛra belebele sɔtɔren ile le la ko sabu la, bayi i be mamasara ɲinmanu mala kɛ jamanɛ ye i la ko lɔŋɛ sabu la. 3Wolo be a maren, mɔ be i la wali sala wonu la mɔɔle bɛ la dula bɛ tɔ sɛɛwa belebele butɔ. 4Kɔnɔ n bele diren i kɔrɔrɔla, wolo mu n bata i táran, i ni i tolomasɔ mɔ la kuma la donden i la hanige ɲinmaya butɔ. 5Mɔ bata a yen, kɛ kaye mu malamurutɛla le la, anun tɛ donna Yahude bɛ tɛma dunuya bɛ tɔ; a mu Isa Nasarɛti kaa la jama kuntige le la. 6A mɛn katata a ni Ala batu bon banba manɔgɔ, kɔnɔ mɔ ka a bita wo butɔ. ⸂Mɔ dita a makiitila iko mɔ la sariya be ki min na, 7kɔnɔ Lisiyasi sɔɔri mansa banba tagata, a ka a bosi mɔ bolo sɛnbɛ banba la. 8Wo kɔma, a ka mɔ yamɔri, mɔ ni na a siɲɛ i bata le.⸃ Ka i yɛtɛ ka a maɲininka tun, i si nɔ lɔnnɛ sɔtɔla a ma, mɔ be mɔ madiren koe min bɛ la, tɔɲa le mu.»
9Wo butɔ, Yahudenu tugun ka wo kuma sɛnbɛnteya, anu ko a be ɲɔgɔnna le.
Pɔlu la fan kunma fɔɛ
10Wo kɔma, dugu mansa ka Pɔlu sappɛ a ni kuma. Ale tugun ka kuma fɔlɔ, a ko: «N to be a lɔnden, ile be maren kiiti salá le la kɛ jamanɛ kunma bɔɔla san siyama, wolo mu n be n tɛŋɛ ɲamakaranna limaniya butɔ. 11I si nɔ tefire mala i yɛtɛ la: bɔɔla n yɛlɛta Darisalamu Ala batu dula, a ma tanbi tele tan nun fila la. 12Anu ma n taran ɲɔ mɔ nun mɔgɔ be kuma masabaala ka wo ma jama lamurutɛla Ala batu bon banba butɔ, ka wo ma kawandi ma boŋɛnu tɔ, ka wo ma saa butɔ. 13Anu be n tɔɲɛgɛla koe minnu la kɔtɛ, anu te nɔ wo koenu seedeɲɔgɔya yitala i la. 14Kɔnɔ n si min yita i la, wolo mu ka: n be mɔ benbanu la Ala le batula, iko Isa la kila be a yitaren ki min na, ande be a fɔla min ma aa foniya kila. Iyon, kuma min bɛ be sɛbɛren Taureta Musa nun nabiyonmɛnu la kitabuenu tɔ, n be laaren wonu bɛ la. 15N be laaren, iko ande yɛtɛ tugun be sɔnden min na, ka a fɔla Ala si naa telenbaganu nun telenbalenu bɛ talawuli le faga kɔma. 16Wolo be a maren, nde tugun be katala, n ni n na simaya bɛ latanbi jusu beeya butɔ Ala nun mɔgɛnu ɲala.
17San siyama tanbi kɔma, n nata Darisalamu dɛmarifeŋɛnu nati koe la n bɔnsɛ ye, n mɛn ni sarikanu bɔɔ. 18Wo butɔ le, anu ka n taran Ala batu bon banba butɔ ɲɔ, n be bɔɔren n na saniyaŋɛ banna, jama bele ɲɔ, sɔnkɔ tugun bele. 19Awa, Asi duge Yahude donu le ka n taran ɲɔ. Wondelen bɛnta nun kela i bata yan, anu ni anu tɛŋɛ ɲamakaran, ka a tagata taran ko do be anu juse tɔ n na ko la. 20Ka wo ma, kɛnu yɛtɛ ni a fɔ, ka anu ka n taran n be telenbaliya le maren, anu to ka n sɔ anu la kuntigenu la mamadɛŋɛ tɔ, 21fɔ kɛ kuma dɔndɛ pɛ, n be sɔren anu tɛma le, n ka fɔ n kulɛ mayɛlɛreŋɛ la, n ko: Anu be n makiitila min na bi, wolo mu fagabaganu lawuli koe la.»
22Mansa Felikisi to ka Isa la kila lɔn a ɲinma la, a ka anu la ko sa betunna, a ko: «Lisiyasi sɔɔri mansa banba tini na wagate min tɔ, n si wo la ko tefi a ɲinma la.» 23A ka sɔɔri kuŋɛ do yamɔri a ni Pɔlu kanta, a ni a to geele bara tɔ, a mɛn kana a la mɔgɔ yo ladan a dankun koe la.
Pɔlu to koe geele tɔ
24Tele donu tanbi kɔma, Felikisi nun a la musu Durisila, min mu Yahude la, anu nata, a ka kiila kii Pɔlu kɔma. Wo ka dɛnkɛnɛya kuma min fɔ Ala la mɔgɔ masubɛreŋɛ Isa la ko tɔ, a ka a tolomasɔ wo la. 25Kɔnɔ Pɔlu to be kumala teleŋɛ la ko tɔ, anun fan tabita nun aligiyama kiite min be nala, kilaŋɛ ka Felikisi bita, a ka a jaabi, a ko: «Taga betunna, n tini fɛrɛ sɔtɔ wagate min tɔ, n si i kele.» 26A mɛn yili tota a ma, ka a fɔla Pɔlu si nafule dii a ma, wolo mu wagate bɛ a be a kelela anu ni kɛnɛ sumunna.
27San fila la tanbireŋɛ, Felikisi la mansaya danta, Pɔrusu Fɛsitu sɔta a faliŋɛ la. Felikisi to be diren, a ni Yahudenu diyanankoe le ma, a ka Pɔlu to geele tɔ.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión