Kiilanu 20
20
Pɔlu taga koe Masedoni nun Girɛki jamanɛnu tɔ
1Wo sɔnkɔsɔnkɛ to bɔɔta a la, Pɔlu ka Efɛsi talibenu kele, a ka anu lasii, wo kɔma a saarata anu la, a ka Masedoni kila bita.
2A to be wo jamanɛ tagamanna, a ka ɲɔ talibenu lasii ko siyama la, wo kɔma a tagata han a keta Girɛki duge tɔ. 3A ka kari saba ma ɲɔ. A be a tabɛnna a ni bakki kulun banba tɔ wagate min tɔ tagala Siri jamanɛ tɔ, a ka a mɔɛ Yahudenu bata janfa kiti a kunma. Wo butɔ, a ka a natá, a ni saagi Masedoni duge kila la. 4Pirusi la den kayiren Sopate min be bɔɔren Bereya saa tɔ, wo tagata a masɔdula, anun Arisitariki anun Sekondu minnu be bɔɔren Tesaloniki saa tɔ, anun Gayusi min be bɔɔren Deribe saa tɔ, anun Timote, anun Asi kaanu Tisiki nun Tirofimi. 5Wonu sɔta ɲatɔ, anu tagata mɔ kɔnɔn Toroyasi saa tɔ. 6Mɔle tugun bɔɔta Filipi saa tɔ dɛgɛ lɛbini bɔnɛ sali luŋɛ tanbi kɔma, mɔ bakkita kulun banba tɔ. Tele loolu luŋɛ, mɔ ka anu taran Toroyasi saa tɔ. Mɔ tota ɲɔ tele wɔrɔwila.
Pɔlu la saara Toroyasi saa tɔ
7Awa, lɔgɔkuŋɛ lɔgɔ fɔlɛ, mɔ madɛnta wagate min tɔ dɛgɛ makuntu koe la, Pɔlu be kuma lakela ɲɔ talibenu ma. A to be a tabɛnden wo tabantaka taga koe la, a be a la kuma layanfayala han suu tɛma. 8Mɔ be madɛnden koori boŋɛ min tɔ, lanpue siyama be ɲɔ. 9Kamareŋɛ do be ɲɔ, a tɔgɔ Eyotiki, a be sigiren wundare la, kinnɔgɔ sɔgɛ bata a bita sɛnbɛ la. Pɔlu la kawandi ma to bata yanfaya, kinnɔgɛ biliyata a ma, a boeta bɔɔla koori boŋɛ deki sabaɲɔgɛ tɔ, anu ka a lawuli anu ka taran a bata faga. 10Kɔnɔ Pɔlu jigita a butinta a kunma, a ka a bita a bolenu ma, wo kɔma a ka a fɔ anu ye, a ko: «Wo kana hanmɛ, bayi a nɛ bata tasaagi a bale tɔ.» 11A mɛn tayɛlɛta a ka dɛgɛ makuntu, mɔ ka a dɔmɔ, a mɛn kumata mɔ ye a yanfama la, han ɲɔ kɛnɛta. Wo kɔma, a tagata. 12Ɲɔ talibenu ka den kayireŋɛ doni, a kende, anu juse sata koola.
Tagaman koe bɔɔla Toroyasi han Milɛti
13Mɔle sɔta ɲatɔ, mɔ bakkita kulun banba tɔ tagala Asosi saa tɔ, mɔ be Pɔlu jiganna ka min na, iko a ka yamɔre sa ki min na, bayi ale faŋɛ dita le tagala a kɛŋɛ la. 14A to ka mɔ taran Asosi, mɔ ka a bakki kulun banba tɔ, mɔ tanbita Mitilɛni saa tɔ. 15Mɔ bɔɔta ɲɔ ka taga ji tɔ kila la. Wo tabantaka mɔ keta Siyo sure tabɛŋɛ tɔ, wo tugun tabantaka mɔ tɛgɛta tagala Samosi sure tɔ. Wo tabantaka tugun mɔ keta Milɛti saa tɔ. 16Wo ka a taran, Pɔlu ka a hanige a ni Efɛsi saa lanpɛ, alako a kana wagati banba ma Asi duge tɔ ɲɔ. A be gbaataren, ka a si nɔ kela, a ni Hɔrɔya sale, a tele bi loolu ma Darisalamu.
Pɔlu la saara Efɛsi kuntigenu la
17Mɔ la kereŋɛ Milɛti, Pɔlu ka kiila kii Efɛsi saa tɔ, ɲɔ dɛnkɛnɛyabaga jama kuntigenu ni na. 18Wonu la kereŋɛ a ma, a ka a fɔ anu ye, a ko: «Bɔɔla n na na tele fɔlɛ Asi duge tɔ, n tota wo fɛ ki min na wagate bɛ tɔ, wo ka wo lɔn. 19N tota wale mala Marige ye n be n fan majigila mɔɔle bɛ la, n ɲaji siyama bɔɔta le, n ka ɲagankatanu doni Yahudenu la janfaɲɔgɔyanu sabu la. 20Wo mɛn ka a lɔn, n ma fenfen dogon wo la n bɛnta n ni min fɔ wo ye, n ka a bɛ yita le wo la, ka wo kawandi jama tɛma anun boŋɛnu butɔ. 21Wo butɔ, n ka Yahudenu lasii anun minnu ma ma Yahudenu la, anu bɛ ni tuubɛ Ala ye, anu ni dɛnkɛnɛya mɔ Marige Isa ma.
22Awa kɔtɛ, wo ni a lɔn Hakkili saniyandeŋɛ bata a tɛ kiti n na, fɔ n ni taga Darisalamu. Koe minnu be nala kela n ma ɲɔ, n ma wonu lɔn, 23fɔ Ala Hakkili saniyandeŋɛ be seedeɲɔgɔya bɔɔla n ɲɛ saa yo saa tɔ, a be a fɔla aa mɔgɛnu si n sa geele tɔ, n mɛn si tɔɔrɛ sɔtɔ le. 24Kɔnɔ n nɛ sɔdula yo bele n ɲɛ, fɔ n ni n na kiilaya wale lakamali Marige Isa be min taakuren n na, min be tabɛnden kibaru ɲinma lake koe ma, Ala la nɛɛma la ko tɔ.
25Awa, n ka a lɔn kɔtɛ, n bata tagaman wole min bɛ tɛma, ka Ala la mansabaya koe lake, wo te n ɲakɔtɔ yen bitugun. 26Wolo mu, n be a fɔla wo ye bi a beeyareŋɛ la, mɔgɔ yo la julu bele n na bitugun, 27bayi n ma balan Ala la natá hali dɔndɔ lakela wo ma. 28Awa, wo ni mɛnni wo yɛtɛ ma, anun dɛnkɛnɛyabaga jama bɛ, Hakkili Saniyandeŋɛ bata wo ma minnu kuŋɛ la. Marige ka anu kunka a yɛtɛ base la, wolo mu wo ni anu dankun a ɲinma la, iko kolofen kantala be mɛnnila wɔɔrɛ ma ki min na. 29Nde ka a lɔn, n tini taga wagate min tɔ, mɔgɔ koroŋɛ si naa don de wo tɛma, iko wuula butɔ wulenu be donna wɔɔrɛ tɔ ki min na, anu te kinikini wo ma. 30Kaye donu tugun si wuli wole faŋɛ tɔ, anu ni mamayɛlɛman kuma fɔ, alako anu ni talibenu masabaa anu ma. 31Wo wo mɛnni, wo mɛn ni hakkili to a ma: n ma fatan wo kawandi koe la dɔndɔ dɔndɔ san saba kɔtɔ ɲaji bɔɛ fɛ sue nun tele.
32Awa kɔtɛ, n be wo taakula Ala nun a la nɛɛma kuma la, min si nɔ wo sɛnbɛ sala, a ni kɛɛ dii wo ma a be min diila mɔgɔ saniyandeŋɛ bɛ ma. 33N to be wo tɛma nun, n ma mɔgɔ yo táran kaalise la, ka wo ma sanuɛ, ka wo ma balima kuta. 34Wo yɛtɛ yati ka a lɔn, n ka n hajue jara anun n kafuɲɔgɛnu tɛŋɛ n woose le la. 35N bata a yita wo la, a mɔɔle bɛ la, a bɛnta wo mɔ ni tɔɔrɔ ka tɔɔrɔbaganu dɛman. Wo wo hakkile to Marige Isa la kumanu ma: ale yɛtɛ yati ka a fɔ aa bolo kunmanɛŋɛ le barikɛta bolo kɔtɔnɛŋɛ ko.#20:35 ale yɛtɛ yati ka a fɔ aa bolo kunmanɛŋɛ le barikɛta bolo kɔtɔnɛŋɛ ko. Min be sɛbɛren Girɛki kuma tɔ yan, a si nɔ mayɛlɛmanna Mɔgɔfin kuma tɔ ka le tugun:mɔgɛ la fɔla i ye, «Ala barika», wolo fisa ile la fɔla mɔgɛ ye, «Ala barika».
36Pɔlu to banta wo fɔla, anu bɛ kimisirinta, anu ka Ala mataran. 37Wo kɔma, anu bɛ bakkuta dila koola, anu ka anu bole milin Pɔlu kaŋɛ la, anu tota a sunbula. 38A to ka a fɔ nun, ka a fɔla anu te a ɲakɔtɔ yen bitugun, wolo ka anu juse makasa kuma bɛ ko. Wo kɔma, anu ka a masɔ han kulun banba dula.
Actualmente seleccionado:
Kiilanu 20: MOG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Kiilanu 20
20
Pɔlu taga koe Masedoni nun Girɛki jamanɛnu tɔ
1Wo sɔnkɔsɔnkɛ to bɔɔta a la, Pɔlu ka Efɛsi talibenu kele, a ka anu lasii, wo kɔma a saarata anu la, a ka Masedoni kila bita.
2A to be wo jamanɛ tagamanna, a ka ɲɔ talibenu lasii ko siyama la, wo kɔma a tagata han a keta Girɛki duge tɔ. 3A ka kari saba ma ɲɔ. A be a tabɛnna a ni bakki kulun banba tɔ wagate min tɔ tagala Siri jamanɛ tɔ, a ka a mɔɛ Yahudenu bata janfa kiti a kunma. Wo butɔ, a ka a natá, a ni saagi Masedoni duge kila la. 4Pirusi la den kayiren Sopate min be bɔɔren Bereya saa tɔ, wo tagata a masɔdula, anun Arisitariki anun Sekondu minnu be bɔɔren Tesaloniki saa tɔ, anun Gayusi min be bɔɔren Deribe saa tɔ, anun Timote, anun Asi kaanu Tisiki nun Tirofimi. 5Wonu sɔta ɲatɔ, anu tagata mɔ kɔnɔn Toroyasi saa tɔ. 6Mɔle tugun bɔɔta Filipi saa tɔ dɛgɛ lɛbini bɔnɛ sali luŋɛ tanbi kɔma, mɔ bakkita kulun banba tɔ. Tele loolu luŋɛ, mɔ ka anu taran Toroyasi saa tɔ. Mɔ tota ɲɔ tele wɔrɔwila.
Pɔlu la saara Toroyasi saa tɔ
7Awa, lɔgɔkuŋɛ lɔgɔ fɔlɛ, mɔ madɛnta wagate min tɔ dɛgɛ makuntu koe la, Pɔlu be kuma lakela ɲɔ talibenu ma. A to be a tabɛnden wo tabantaka taga koe la, a be a la kuma layanfayala han suu tɛma. 8Mɔ be madɛnden koori boŋɛ min tɔ, lanpue siyama be ɲɔ. 9Kamareŋɛ do be ɲɔ, a tɔgɔ Eyotiki, a be sigiren wundare la, kinnɔgɔ sɔgɛ bata a bita sɛnbɛ la. Pɔlu la kawandi ma to bata yanfaya, kinnɔgɛ biliyata a ma, a boeta bɔɔla koori boŋɛ deki sabaɲɔgɛ tɔ, anu ka a lawuli anu ka taran a bata faga. 10Kɔnɔ Pɔlu jigita a butinta a kunma, a ka a bita a bolenu ma, wo kɔma a ka a fɔ anu ye, a ko: «Wo kana hanmɛ, bayi a nɛ bata tasaagi a bale tɔ.» 11A mɛn tayɛlɛta a ka dɛgɛ makuntu, mɔ ka a dɔmɔ, a mɛn kumata mɔ ye a yanfama la, han ɲɔ kɛnɛta. Wo kɔma, a tagata. 12Ɲɔ talibenu ka den kayireŋɛ doni, a kende, anu juse sata koola.
Tagaman koe bɔɔla Toroyasi han Milɛti
13Mɔle sɔta ɲatɔ, mɔ bakkita kulun banba tɔ tagala Asosi saa tɔ, mɔ be Pɔlu jiganna ka min na, iko a ka yamɔre sa ki min na, bayi ale faŋɛ dita le tagala a kɛŋɛ la. 14A to ka mɔ taran Asosi, mɔ ka a bakki kulun banba tɔ, mɔ tanbita Mitilɛni saa tɔ. 15Mɔ bɔɔta ɲɔ ka taga ji tɔ kila la. Wo tabantaka mɔ keta Siyo sure tabɛŋɛ tɔ, wo tugun tabantaka mɔ tɛgɛta tagala Samosi sure tɔ. Wo tabantaka tugun mɔ keta Milɛti saa tɔ. 16Wo ka a taran, Pɔlu ka a hanige a ni Efɛsi saa lanpɛ, alako a kana wagati banba ma Asi duge tɔ ɲɔ. A be gbaataren, ka a si nɔ kela, a ni Hɔrɔya sale, a tele bi loolu ma Darisalamu.
Pɔlu la saara Efɛsi kuntigenu la
17Mɔ la kereŋɛ Milɛti, Pɔlu ka kiila kii Efɛsi saa tɔ, ɲɔ dɛnkɛnɛyabaga jama kuntigenu ni na. 18Wonu la kereŋɛ a ma, a ka a fɔ anu ye, a ko: «Bɔɔla n na na tele fɔlɛ Asi duge tɔ, n tota wo fɛ ki min na wagate bɛ tɔ, wo ka wo lɔn. 19N tota wale mala Marige ye n be n fan majigila mɔɔle bɛ la, n ɲaji siyama bɔɔta le, n ka ɲagankatanu doni Yahudenu la janfaɲɔgɔyanu sabu la. 20Wo mɛn ka a lɔn, n ma fenfen dogon wo la n bɛnta n ni min fɔ wo ye, n ka a bɛ yita le wo la, ka wo kawandi jama tɛma anun boŋɛnu butɔ. 21Wo butɔ, n ka Yahudenu lasii anun minnu ma ma Yahudenu la, anu bɛ ni tuubɛ Ala ye, anu ni dɛnkɛnɛya mɔ Marige Isa ma.
22Awa kɔtɛ, wo ni a lɔn Hakkili saniyandeŋɛ bata a tɛ kiti n na, fɔ n ni taga Darisalamu. Koe minnu be nala kela n ma ɲɔ, n ma wonu lɔn, 23fɔ Ala Hakkili saniyandeŋɛ be seedeɲɔgɔya bɔɔla n ɲɛ saa yo saa tɔ, a be a fɔla aa mɔgɛnu si n sa geele tɔ, n mɛn si tɔɔrɛ sɔtɔ le. 24Kɔnɔ n nɛ sɔdula yo bele n ɲɛ, fɔ n ni n na kiilaya wale lakamali Marige Isa be min taakuren n na, min be tabɛnden kibaru ɲinma lake koe ma, Ala la nɛɛma la ko tɔ.
25Awa, n ka a lɔn kɔtɛ, n bata tagaman wole min bɛ tɛma, ka Ala la mansabaya koe lake, wo te n ɲakɔtɔ yen bitugun. 26Wolo mu, n be a fɔla wo ye bi a beeyareŋɛ la, mɔgɔ yo la julu bele n na bitugun, 27bayi n ma balan Ala la natá hali dɔndɔ lakela wo ma. 28Awa, wo ni mɛnni wo yɛtɛ ma, anun dɛnkɛnɛyabaga jama bɛ, Hakkili Saniyandeŋɛ bata wo ma minnu kuŋɛ la. Marige ka anu kunka a yɛtɛ base la, wolo mu wo ni anu dankun a ɲinma la, iko kolofen kantala be mɛnnila wɔɔrɛ ma ki min na. 29Nde ka a lɔn, n tini taga wagate min tɔ, mɔgɔ koroŋɛ si naa don de wo tɛma, iko wuula butɔ wulenu be donna wɔɔrɛ tɔ ki min na, anu te kinikini wo ma. 30Kaye donu tugun si wuli wole faŋɛ tɔ, anu ni mamayɛlɛman kuma fɔ, alako anu ni talibenu masabaa anu ma. 31Wo wo mɛnni, wo mɛn ni hakkili to a ma: n ma fatan wo kawandi koe la dɔndɔ dɔndɔ san saba kɔtɔ ɲaji bɔɛ fɛ sue nun tele.
32Awa kɔtɛ, n be wo taakula Ala nun a la nɛɛma kuma la, min si nɔ wo sɛnbɛ sala, a ni kɛɛ dii wo ma a be min diila mɔgɔ saniyandeŋɛ bɛ ma. 33N to be wo tɛma nun, n ma mɔgɔ yo táran kaalise la, ka wo ma sanuɛ, ka wo ma balima kuta. 34Wo yɛtɛ yati ka a lɔn, n ka n hajue jara anun n kafuɲɔgɛnu tɛŋɛ n woose le la. 35N bata a yita wo la, a mɔɔle bɛ la, a bɛnta wo mɔ ni tɔɔrɔ ka tɔɔrɔbaganu dɛman. Wo wo hakkile to Marige Isa la kumanu ma: ale yɛtɛ yati ka a fɔ aa bolo kunmanɛŋɛ le barikɛta bolo kɔtɔnɛŋɛ ko.#20:35 ale yɛtɛ yati ka a fɔ aa bolo kunmanɛŋɛ le barikɛta bolo kɔtɔnɛŋɛ ko. Min be sɛbɛren Girɛki kuma tɔ yan, a si nɔ mayɛlɛmanna Mɔgɔfin kuma tɔ ka le tugun:mɔgɛ la fɔla i ye, «Ala barika», wolo fisa ile la fɔla mɔgɛ ye, «Ala barika».
36Pɔlu to banta wo fɔla, anu bɛ kimisirinta, anu ka Ala mataran. 37Wo kɔma, anu bɛ bakkuta dila koola, anu ka anu bole milin Pɔlu kaŋɛ la, anu tota a sunbula. 38A to ka a fɔ nun, ka a fɔla anu te a ɲakɔtɔ yen bitugun, wolo ka anu juse makasa kuma bɛ ko. Wo kɔma, anu ka a masɔ han kulun banba dula.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión