Kiilanu 13
13
Baranabasi nun Sɔlu la kiilaya
1Nabiyonmɛnu nun karamɔgɛnu be Antiyoki dɛnkɛnɛyabaga jama tɛma minnu be tabɛnden Baranabasi ma, anun Simeyɔn min tɔgɔ Fata fiŋɛ, anun Lusiyusi Sirɛni kaa, nun Manahɛn, min nun mansa Herodu koloyata ɲɔgɔn na, anun Sɔlu. 2Lun do, anu be Marige batula wagate min tɔ, anu be sunna, Ala Hakkili saniyandeŋɛ ka a yita, a ko: «N ka Baranabasi nun Sɔlu kele kiilaya wale min na ko la nun, kɔtɛ wo anu sɔ nde ye wo wale ma koe la.» 3Wo butɔ, anu to ka súŋɛ́ nun Ala mataraŋɛ ma, anu ka anu bole sa Baranabasi nun Sɔlu kuŋɛ ma, wo kɔma anu ka anu boloka, anu tagata.
Taga koe Sipiri sure tɔ
4Awa, Baranabasi nun Sɔlu be Hakkili saniyandeŋɛ la kiilaya tɔ. Anu tagata Silusi bakkidala, anu jigita kulun banba butɔ ɲɔ tagala Sipiri sure tɔ.
5Anu la kereŋɛ Salamin saa tɔ, anu tota Ala la kuma lakela Yahudenu la kawandi ma boŋɛnu tɔ. Yaya Maraki tugun mu anu dɛmanna la.
6Anu to ka wo sure takuntu, han anu keta Pafosi saa tɔ, anu ka dure do taran ɲɔ, Yahude le mu, a tɔgɔ Bari Yɛsu. A be a yɛtɛ maren nabiyonmɛ la, kɔnɔ foniyante le mu a la. 7A be ɲɔ dugu mansa Sɛrugi Pɔlu kɛnna le, wo mu kayi hakkilima le la. Ale ka Baranabasi nun Sɔlu kele, bayi a sɔgɔ be a la han, a ni Ala la kuma lamɔɛ. 8Kɔnɔ wo dure min tɔgɔ tugun Elimasi Girɛki kuma tɔ, a tota anu sɔsɔla, a be katala a ni mansa hakkile yɛlɛman a ni bɔɔ dɛnkɛnɛya kila kɔma. 9Wo butɔ, Sɔlu min tɔgɔ tugun Pɔlu, a be Hakkili saniyandeŋɛ barikɛ tɔ, a ka a ɲanu banban Elimasi ma, 10a ka a fɔ: «Ile Sentanɛ la deŋɛ, ko telendeŋɛ bɛ jague, i be janfaɲɔgɔya nun mamajuguya mɔɔle bɛ mala. I te bɔɔ Marige la tɔɲa kila mafalinna ba? 11Awa kɔtɛ, Marige bata a bole sa i ma, i si naa ma ɲabɔnɛ la wagati do kɔtɔ, i te tele yen.» Dibe dusuta a kunma kisanna, a fɔlɔta timitamala, a be mɔgɛnu ɲinila minnu si a bole bita. 12Awa, mansa to ka a yen min mata, a dɛnkɛnɛyata, wo bɛ a be kaabɛren Marige la ko lɔnnɛ ma.
Pɔlu nun Baranabasi la taga Pisidi Antiyoki
13Wo kɔma, Pɔlu nun a kafuɲɔgɛnu bakkita kulun banba tɔ Pafosi, anu tagata ke Perege, Panfili jamanɛ saa do le. Ɲɔ le, Yaya Maraki bɔɔta anu kɔma, a saagita Darisalamu. 14Ande tugun bɔɔta Perege, anu tanbita, anu keta Pisidi jamanɛ saa min tɔgɔ Antiyoki. Sulen lɔ́gɛ́, anu donta kawandi ma boŋɛ tɔ, anu sigita ɲɔ. 15Taureta Musa nun nabiyonmɛnu donu la kitabue karan koe to bɔɔta a la, kawandi ma boŋɛ kuŋɛnu ka kiila lasanba anu ma, anu ko: «Mɔ bareŋɛnu, ka kawande ma kuma do be wo bolo mɔgɛnu ye, awa mɔ bata kuma don wo bolo.» 16Wo butɔ, Pɔlu wulita a ka anu masabari a bole la, a ko:
«Bani Isirayila kayenu nun Ala ɲalakilanna bɛ, wo tolomasɔ! 17Wo mɔle bani Isirayila jama la Ala ka mɔ benbanu masubɛ, anu be sigiren luntanya la Misira jamanɛ tɔ wagate min tɔ, a ka anu la ko lakoloya, wo kɔma a ka anu labɔɔ ɲɔ a sɛnbɛ la. 18A ka anu la wale lamuɲu janfue butɔ, san bi naani ɲɔgɔn. 19A to ka sii wɔrɔwila halagi Kanana jamanɛ tɔ, a ka wonu la duge dii anu ma kɛɛ la. 20Wo bɛ mɛta han san kɛmɛ naani san bi loolu ɲɔgɔn. Wo dugu dee kɔma a ka kiiti salanu sɔ anu kunma han annabi Samiyɛli jamanɛ. 21Wo kɔma, anu ka Ala mataran a ni anu kɔ mansa la, awa a ka Kisu la den kayiren Sayulu sɔ anu kunma san bi naani, Bunyamin bɔnsɛ do le. 22A to ka Sɔlu bɔɔ mansaya tɔ, a ka Dauda sɔ mansa la anu ye. A ka a la ko fɔ, a ko:
‹N bata Jese la den kayiren Dauda yen,
kaye le min be n hɛnɛren;
a si n sagona koe bɛ lakamali le.› # 13:22 Jabura, sora 89, haaya 20 fɛlɛ.
23Ala ka malakisila labɔɔ bani Isirayila mɔgɛnu ye kɛ Dauda bɔnsɛ le tɔ, iko a ka lahire jigan ki min na. Wo malakisila be tabɛnden Isa le ma. 24Isa na koe to keta, wo ka a taran Yaya bata kibare lake bani Isirayila mɔgɛ bɛ ma, ka a fɔla anu ni tuubɛ anu ni lasuwɛ je tɔ. 25Yaya be a la kiilaya wale lakamalila wagate min tɔ, a ka a fɔ: ‹Wo be n mɔlɔnden Ala la mɔgɔ masubɛreŋɛ min na, wo ma nde la. Kɔnɔ wo a fɛlɛ, ale si naa na nde tanbi kɔma, a biliya bele n bolo hali a la samata n ni a mafulen a kɛŋɛ tɔ.›
26Awa, n bareŋɛnu, Iburahima bɔnsɛ la deŋɛnu, anun minnu bɛ be kilanden Ala la wo tɛma, kɛ kisi ko kiila be lasanbaren wo mɔle le ma. 27Darisalamu kaanu anun anu la kuntigenu ma a fahamu Isa mu min na. Nabiyonmɛnu la kumanu minnu be karanna sulen lɔ́gɛ́ bɛ tɔ, anu ma wonu tugun fahamu. Kɔnɔ anu ka wo kumanu lakamali Isa faga koe le la. 28Anu ma fenfen yen a bɛnta a ni faga min na, kɔnɔ anu ka Pilati madiya, a ni a faga. 29Sɛbɛre ka min bɛ fɔ a la ko tɔ, anu ka wo lakamali wagate min tɔ, anu ka a fure bɔɔ lɔgɛ tɔ, anu ka a lajigi, anu ka a sa gabure tɔ. 30Kɔnɔ Ala ka a lawuli fagabaganu tɛma. 31Minnu ka Isa masɔ bɔɔla Galile duge tɔ yɛlɛla han Darisalamu, wonu naata a yen tele siyama. Kɔtɛ ande bata ma a lawuli koe seede la bani Isirayila jama tɛma.
32Awa, mɔle tugun be kɛ kibaru ɲinma lakela wo ma, ka a fɔla Ala ka lahire min jigan wo mɔ benbanu ye, 33a bata wo lakamali feu mɔle anu bɔnsɛ ye, a to ka Isa fagareŋɛ lawuli. A be sɛbɛren Jaburu sora filaɲɔgɛ tɔ ɲɔgɔnna le, a ko:
‹N na den kayireŋɛ mu ile len na.
Nde len bata ma i baaba la bi.› # 13:33 Jabura, sora 2, haaya 7 fɛlɛ.
34Ala ka Isa fagareŋɛ lawuli, alako a kana toli. A ka wolo fɔ, a ko:
‹Lahiri saniyandeŋɛ min te tiɲa,
n ka min jigan Dauda ye,
n si wo lakamali le wo ye.› # 13:34 Annabi Esayi sora 55, haaya 3 fɛlɛ.
35Wolo mu, a be fɔren Jabura sora do tɔ, a ko Ala ma:
‹I te sɔn i la mɔgɔ saniyandeŋɛ ni toli.› # 13:35 Jabura, sora 16, haaya 10 fɛlɛ.
36Dauda ka Ala sagoe ma a jamanɛ tɔ han a fagata, a baadɛta a benbanu kɛnna, ale yɛtɛ tolita. 37Kɔnɔ Ala ka min fagareŋɛ lawuli, wo yan kan ma toli.
38-39Wo butɔ, n bareŋɛnu, wo ni lɔn sɔtɔ a ma koola, kibare bata lake wo ma ka a fɔla junubu kafare be sɔtɔla ale Isa le sabu la, alako ka min yo dɛnkɛnɛyata a ma, wo tigi junube bata kafari, Ala la kiite bata bɔɔ a kunma. Annabi Musa la sariya ma nɔ wo bɛ mala wo ye. 40Wolo mu wo ni wo mɛnni, min be sɛbɛren nabiyonmɛnu la kitabuenu tɔ, a kana wo take, a ko:
41 ‹Wole minnu be yola Ala la kuma ma, wo si naa a yen de,
a ni wo makaabɛ, wo ni halagi,
bayi nde Ala si wale do ma le, wo la tɛmuɛ tɔ,
hali anu ka wo wale ɲamakaran wo ye, wo te laa a la.› # 13:41 Annabi Habakuki, sora 1, haaya 5 fɛlɛ. »
42Pɔlu nun Baranabasi la bɔɔreŋɛ kawandi ma boŋɛ butɔ, mɔgɛnu be anu madiyala anu mɛn ni kɛ kuma dɔndɛ fɔ anu ye sulen lɔ́gɛ́ min be nala. 43Awa, mamadɛŋɛ bɔɔta a la wagate min tɔ, Yahudenu nun Ala ɲalakilan mɔgɛ minnu donta Yahudenu la diina tɔ, anu siyama sɔta Pɔlu nun Baranabasi kɔma. Wonu tota kumala anu ye, anu ka anu lasii anu kana bɔɔ Ala la hinnɛnteya kɔma.
44Wo sulen lɔ́gɛ́ lɔgɔkuŋɛ, fayida saa banba butɔ mɔgɛ bɛ le madɛnta Marige la kuma lamɔɛ koe la. 45Yahudenu to ka jama banba yen, bɛsɛnkɔnnɛya ka anu bita koola. Anu bakkuta Pɔlu la, anu tota a la kumanu sɔsɔla anu be tana kuma fɔla a ma. 46Pɔlu nun Baranabasi kumata anu ye limaniya la, anu ko: «Fɔ Ala la kuma ni fɔ wole len Yahudenu fɔlɔ ye, kɔnɔ wo balanta a la. Wo butɔ, wo bata a yita, ka a fɔla wo haju yo bele abada kise la ko tɔ. Awa kɔtɛ, mɔ si mɔ firifiri sii gbɛtɛ mɔgɛnu ma. 47Wo ni a lɔn Marige ka mɔ yamɔri ɲɔgɔnna le, a ko:
‹N bata i sɔ, i ni ma sii gbɛtɛnu ye lanpue la,
i ni ma malakise sabu la han dunuya daŋɛ tɔ.› # 13:47 Annabi Esayi la kitabue, sora 49 haaya 6 fɛlɛ. »
48Sii gbɛtɛ mɔgɛnu to be wo kumanu mɔɛla, anu be sɛɛwaren, anu be Marige la kuma matɔgɔla. Ala bata abada kise sa min bere ye, wonu mata dɛnkɛnɛyabaga la. 49Wo butɔ, Marige la kuma be latagamanna wo jamanɛ fɛfɛ bɛ tɔ. 50Kɔnɔ musu tɔgɔ bɔɔreŋɛnu minnu be donden Yahudenu la diina tɔ, anu nun saa butɔ kuntigenu, Yahudenu ka wonu bu tadon, anu kitita Pɔlu nun Baranabasi ɲagankata koe la, anu ka wonu bee, ka anu bɔɔ anu la jamanɛ tɔ. 51Pɔlu nun Baranabasi ka banbaŋɛ konkon anu kɛŋɛ ma, anu tagata Ikoni saa tɔ. 52Talibenu minnu tota Antiyoki saa tɔ wonu tugun be sɛɛwaren koola, Hakkili saniyandeŋɛ barikɛ be anu ma.
Actualmente seleccionado:
Kiilanu 13: MOG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Kiilanu 13
13
Baranabasi nun Sɔlu la kiilaya
1Nabiyonmɛnu nun karamɔgɛnu be Antiyoki dɛnkɛnɛyabaga jama tɛma minnu be tabɛnden Baranabasi ma, anun Simeyɔn min tɔgɔ Fata fiŋɛ, anun Lusiyusi Sirɛni kaa, nun Manahɛn, min nun mansa Herodu koloyata ɲɔgɔn na, anun Sɔlu. 2Lun do, anu be Marige batula wagate min tɔ, anu be sunna, Ala Hakkili saniyandeŋɛ ka a yita, a ko: «N ka Baranabasi nun Sɔlu kele kiilaya wale min na ko la nun, kɔtɛ wo anu sɔ nde ye wo wale ma koe la.» 3Wo butɔ, anu to ka súŋɛ́ nun Ala mataraŋɛ ma, anu ka anu bole sa Baranabasi nun Sɔlu kuŋɛ ma, wo kɔma anu ka anu boloka, anu tagata.
Taga koe Sipiri sure tɔ
4Awa, Baranabasi nun Sɔlu be Hakkili saniyandeŋɛ la kiilaya tɔ. Anu tagata Silusi bakkidala, anu jigita kulun banba butɔ ɲɔ tagala Sipiri sure tɔ.
5Anu la kereŋɛ Salamin saa tɔ, anu tota Ala la kuma lakela Yahudenu la kawandi ma boŋɛnu tɔ. Yaya Maraki tugun mu anu dɛmanna la.
6Anu to ka wo sure takuntu, han anu keta Pafosi saa tɔ, anu ka dure do taran ɲɔ, Yahude le mu, a tɔgɔ Bari Yɛsu. A be a yɛtɛ maren nabiyonmɛ la, kɔnɔ foniyante le mu a la. 7A be ɲɔ dugu mansa Sɛrugi Pɔlu kɛnna le, wo mu kayi hakkilima le la. Ale ka Baranabasi nun Sɔlu kele, bayi a sɔgɔ be a la han, a ni Ala la kuma lamɔɛ. 8Kɔnɔ wo dure min tɔgɔ tugun Elimasi Girɛki kuma tɔ, a tota anu sɔsɔla, a be katala a ni mansa hakkile yɛlɛman a ni bɔɔ dɛnkɛnɛya kila kɔma. 9Wo butɔ, Sɔlu min tɔgɔ tugun Pɔlu, a be Hakkili saniyandeŋɛ barikɛ tɔ, a ka a ɲanu banban Elimasi ma, 10a ka a fɔ: «Ile Sentanɛ la deŋɛ, ko telendeŋɛ bɛ jague, i be janfaɲɔgɔya nun mamajuguya mɔɔle bɛ mala. I te bɔɔ Marige la tɔɲa kila mafalinna ba? 11Awa kɔtɛ, Marige bata a bole sa i ma, i si naa ma ɲabɔnɛ la wagati do kɔtɔ, i te tele yen.» Dibe dusuta a kunma kisanna, a fɔlɔta timitamala, a be mɔgɛnu ɲinila minnu si a bole bita. 12Awa, mansa to ka a yen min mata, a dɛnkɛnɛyata, wo bɛ a be kaabɛren Marige la ko lɔnnɛ ma.
Pɔlu nun Baranabasi la taga Pisidi Antiyoki
13Wo kɔma, Pɔlu nun a kafuɲɔgɛnu bakkita kulun banba tɔ Pafosi, anu tagata ke Perege, Panfili jamanɛ saa do le. Ɲɔ le, Yaya Maraki bɔɔta anu kɔma, a saagita Darisalamu. 14Ande tugun bɔɔta Perege, anu tanbita, anu keta Pisidi jamanɛ saa min tɔgɔ Antiyoki. Sulen lɔ́gɛ́, anu donta kawandi ma boŋɛ tɔ, anu sigita ɲɔ. 15Taureta Musa nun nabiyonmɛnu donu la kitabue karan koe to bɔɔta a la, kawandi ma boŋɛ kuŋɛnu ka kiila lasanba anu ma, anu ko: «Mɔ bareŋɛnu, ka kawande ma kuma do be wo bolo mɔgɛnu ye, awa mɔ bata kuma don wo bolo.» 16Wo butɔ, Pɔlu wulita a ka anu masabari a bole la, a ko:
«Bani Isirayila kayenu nun Ala ɲalakilanna bɛ, wo tolomasɔ! 17Wo mɔle bani Isirayila jama la Ala ka mɔ benbanu masubɛ, anu be sigiren luntanya la Misira jamanɛ tɔ wagate min tɔ, a ka anu la ko lakoloya, wo kɔma a ka anu labɔɔ ɲɔ a sɛnbɛ la. 18A ka anu la wale lamuɲu janfue butɔ, san bi naani ɲɔgɔn. 19A to ka sii wɔrɔwila halagi Kanana jamanɛ tɔ, a ka wonu la duge dii anu ma kɛɛ la. 20Wo bɛ mɛta han san kɛmɛ naani san bi loolu ɲɔgɔn. Wo dugu dee kɔma a ka kiiti salanu sɔ anu kunma han annabi Samiyɛli jamanɛ. 21Wo kɔma, anu ka Ala mataran a ni anu kɔ mansa la, awa a ka Kisu la den kayiren Sayulu sɔ anu kunma san bi naani, Bunyamin bɔnsɛ do le. 22A to ka Sɔlu bɔɔ mansaya tɔ, a ka Dauda sɔ mansa la anu ye. A ka a la ko fɔ, a ko:
‹N bata Jese la den kayiren Dauda yen,
kaye le min be n hɛnɛren;
a si n sagona koe bɛ lakamali le.› # 13:22 Jabura, sora 89, haaya 20 fɛlɛ.
23Ala ka malakisila labɔɔ bani Isirayila mɔgɛnu ye kɛ Dauda bɔnsɛ le tɔ, iko a ka lahire jigan ki min na. Wo malakisila be tabɛnden Isa le ma. 24Isa na koe to keta, wo ka a taran Yaya bata kibare lake bani Isirayila mɔgɛ bɛ ma, ka a fɔla anu ni tuubɛ anu ni lasuwɛ je tɔ. 25Yaya be a la kiilaya wale lakamalila wagate min tɔ, a ka a fɔ: ‹Wo be n mɔlɔnden Ala la mɔgɔ masubɛreŋɛ min na, wo ma nde la. Kɔnɔ wo a fɛlɛ, ale si naa na nde tanbi kɔma, a biliya bele n bolo hali a la samata n ni a mafulen a kɛŋɛ tɔ.›
26Awa, n bareŋɛnu, Iburahima bɔnsɛ la deŋɛnu, anun minnu bɛ be kilanden Ala la wo tɛma, kɛ kisi ko kiila be lasanbaren wo mɔle le ma. 27Darisalamu kaanu anun anu la kuntigenu ma a fahamu Isa mu min na. Nabiyonmɛnu la kumanu minnu be karanna sulen lɔ́gɛ́ bɛ tɔ, anu ma wonu tugun fahamu. Kɔnɔ anu ka wo kumanu lakamali Isa faga koe le la. 28Anu ma fenfen yen a bɛnta a ni faga min na, kɔnɔ anu ka Pilati madiya, a ni a faga. 29Sɛbɛre ka min bɛ fɔ a la ko tɔ, anu ka wo lakamali wagate min tɔ, anu ka a fure bɔɔ lɔgɛ tɔ, anu ka a lajigi, anu ka a sa gabure tɔ. 30Kɔnɔ Ala ka a lawuli fagabaganu tɛma. 31Minnu ka Isa masɔ bɔɔla Galile duge tɔ yɛlɛla han Darisalamu, wonu naata a yen tele siyama. Kɔtɛ ande bata ma a lawuli koe seede la bani Isirayila jama tɛma.
32Awa, mɔle tugun be kɛ kibaru ɲinma lakela wo ma, ka a fɔla Ala ka lahire min jigan wo mɔ benbanu ye, 33a bata wo lakamali feu mɔle anu bɔnsɛ ye, a to ka Isa fagareŋɛ lawuli. A be sɛbɛren Jaburu sora filaɲɔgɛ tɔ ɲɔgɔnna le, a ko:
‹N na den kayireŋɛ mu ile len na.
Nde len bata ma i baaba la bi.› # 13:33 Jabura, sora 2, haaya 7 fɛlɛ.
34Ala ka Isa fagareŋɛ lawuli, alako a kana toli. A ka wolo fɔ, a ko:
‹Lahiri saniyandeŋɛ min te tiɲa,
n ka min jigan Dauda ye,
n si wo lakamali le wo ye.› # 13:34 Annabi Esayi sora 55, haaya 3 fɛlɛ.
35Wolo mu, a be fɔren Jabura sora do tɔ, a ko Ala ma:
‹I te sɔn i la mɔgɔ saniyandeŋɛ ni toli.› # 13:35 Jabura, sora 16, haaya 10 fɛlɛ.
36Dauda ka Ala sagoe ma a jamanɛ tɔ han a fagata, a baadɛta a benbanu kɛnna, ale yɛtɛ tolita. 37Kɔnɔ Ala ka min fagareŋɛ lawuli, wo yan kan ma toli.
38-39Wo butɔ, n bareŋɛnu, wo ni lɔn sɔtɔ a ma koola, kibare bata lake wo ma ka a fɔla junubu kafare be sɔtɔla ale Isa le sabu la, alako ka min yo dɛnkɛnɛyata a ma, wo tigi junube bata kafari, Ala la kiite bata bɔɔ a kunma. Annabi Musa la sariya ma nɔ wo bɛ mala wo ye. 40Wolo mu wo ni wo mɛnni, min be sɛbɛren nabiyonmɛnu la kitabuenu tɔ, a kana wo take, a ko:
41 ‹Wole minnu be yola Ala la kuma ma, wo si naa a yen de,
a ni wo makaabɛ, wo ni halagi,
bayi nde Ala si wale do ma le, wo la tɛmuɛ tɔ,
hali anu ka wo wale ɲamakaran wo ye, wo te laa a la.› # 13:41 Annabi Habakuki, sora 1, haaya 5 fɛlɛ. »
42Pɔlu nun Baranabasi la bɔɔreŋɛ kawandi ma boŋɛ butɔ, mɔgɛnu be anu madiyala anu mɛn ni kɛ kuma dɔndɛ fɔ anu ye sulen lɔ́gɛ́ min be nala. 43Awa, mamadɛŋɛ bɔɔta a la wagate min tɔ, Yahudenu nun Ala ɲalakilan mɔgɛ minnu donta Yahudenu la diina tɔ, anu siyama sɔta Pɔlu nun Baranabasi kɔma. Wonu tota kumala anu ye, anu ka anu lasii anu kana bɔɔ Ala la hinnɛnteya kɔma.
44Wo sulen lɔ́gɛ́ lɔgɔkuŋɛ, fayida saa banba butɔ mɔgɛ bɛ le madɛnta Marige la kuma lamɔɛ koe la. 45Yahudenu to ka jama banba yen, bɛsɛnkɔnnɛya ka anu bita koola. Anu bakkuta Pɔlu la, anu tota a la kumanu sɔsɔla anu be tana kuma fɔla a ma. 46Pɔlu nun Baranabasi kumata anu ye limaniya la, anu ko: «Fɔ Ala la kuma ni fɔ wole len Yahudenu fɔlɔ ye, kɔnɔ wo balanta a la. Wo butɔ, wo bata a yita, ka a fɔla wo haju yo bele abada kise la ko tɔ. Awa kɔtɛ, mɔ si mɔ firifiri sii gbɛtɛ mɔgɛnu ma. 47Wo ni a lɔn Marige ka mɔ yamɔri ɲɔgɔnna le, a ko:
‹N bata i sɔ, i ni ma sii gbɛtɛnu ye lanpue la,
i ni ma malakise sabu la han dunuya daŋɛ tɔ.› # 13:47 Annabi Esayi la kitabue, sora 49 haaya 6 fɛlɛ. »
48Sii gbɛtɛ mɔgɛnu to be wo kumanu mɔɛla, anu be sɛɛwaren, anu be Marige la kuma matɔgɔla. Ala bata abada kise sa min bere ye, wonu mata dɛnkɛnɛyabaga la. 49Wo butɔ, Marige la kuma be latagamanna wo jamanɛ fɛfɛ bɛ tɔ. 50Kɔnɔ musu tɔgɔ bɔɔreŋɛnu minnu be donden Yahudenu la diina tɔ, anu nun saa butɔ kuntigenu, Yahudenu ka wonu bu tadon, anu kitita Pɔlu nun Baranabasi ɲagankata koe la, anu ka wonu bee, ka anu bɔɔ anu la jamanɛ tɔ. 51Pɔlu nun Baranabasi ka banbaŋɛ konkon anu kɛŋɛ ma, anu tagata Ikoni saa tɔ. 52Talibenu minnu tota Antiyoki saa tɔ wonu tugun be sɛɛwaren koola, Hakkili saniyandeŋɛ barikɛ be anu ma.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión