Tourat 3: Lebian 12
12
Hurutta zonmor bade pak-pakizar niom
1Erbade Mabude Musa nobire ḳoila, 2“Tumi Boni Israilre zanai deo, kunu beṭir goro zudi kunu fuar zonom oy, te beṭiara bemaror shomoykur laḳan i beṭi nafak roibo. Tair ou nafaki halot shat din roibo. 3Bade aṭ dinor din fuare mosolmani kam ḳoraite oibo. 4Ar ou beṭir hurutta zonmor lou zaoar ḳarone tetrish din forzonto nafak roibo. Ou miad na fura forzonto tai kunu fobitro zinisho dora-soa zaiz nae. Ar fobitro Kaba goror shimanat zaibar hukum nae. 5Oile i beṭir goro zudi fuṛir zonom oy, te beṭiara mashik bemaror laḳan tai nafak roibo, ta-o i nafaki halot fura dui hafta solbo. Bade ou bemar taki pak-pakiza oar lagi aro soyshoṭṭi din bar saibo.
6“Fua ba fuṛir zonmor bade pak-pakiza oar shomoy aile, beṭie kurbani adae ḳorar niote Milon-tambur duaror ḳandat imam sabor gese zaibo. Zaite zalail kurbanir lagi eḳ bosor boyoshi egu meṛa, ar gunar koforar kurbanir lagi egu faro ba ḍufi faki loge nibo. 7Teu imam sabe Mabudor samne ou kofora adae ḳoria lou zaoa bemar taki beṭire pak-pakiza ḳorba. Beṭintor goro fua ba fuṛir zonmor bade pak-pakiza oar lagi ou niom zari roilo. 8Ar kurbanir lagi meṛa anar tofik zudi na taḳe, te dugu faro ba ḍufi faki anbo. Ermazor egu oibo zalail kurbani, ar dusraṭa gunar koforar kurbani. Ou nomunae imam sabe kurbani adae ḳoria taire nafaki taki basaiba, teu i beṭi pak-pakiza bonbo.
Actualmente seleccionado:
Tourat 3: Lebian 12: sylL
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© Ahle Kitab Society. All rights reserved.