Tourat 2: Hizrot 27
27
Zalail kurbani kana banaio
1Mabude Musare ḳoila, “Tumi babla laḳṛidi fas at lamba, fas at fash ar tin at ubi dia sairkuni kori ekḳan kurbani kana toiar ḳoraio. 2Er sairo kunar ufre laḳṛidi sairṭa hing dio. Ou hing kunar laḳṛi kudia banani lagbo, i astaḳan eḳ siz oibo. Bade fura kurbani kana fitoldi lefaio. 3Kurbani kanar sali tular boṛo samos ar gamla, lou toar baṭi, gust tular boṛo ḳaṭa-sif, angra toar fatil, hoḳolta fitoldi banaio. 4Fitoldi ekḳan zali banaibae. Er sair kunat sairṭa fitolor ḳoṛa lagaio. 5Kurbani kanar tola taki ufror mazamazi zagar taṛiar tole ou zali boaio. 6Kurbani kana boia nibar lagi babla laḳṛidi dugu benda banaio, banaia duiogu fitoldi lefio. 7I bendain ḳoṛar bitredi harani lagbo. Teu kurbani kana boia neoar bala duio bendain kurbani kanar dui galabae taḳbo. 8Kurbani kana toḳtadi banaia er bitre faḳ rakio. Ami ou faṛor ufre tumare zela noksha deḳailam, ekkere olaḳan ḳori banani loaio.
Allar goror uṭanor nomuna
9“Amar goror sairobae uṭan taḳbo. Er dokkin galabae eḳ-sho at rakio, i muka dibae dami suti kafoṛor forda. 10I forda ṭananir lagi bishgu kuṭi dibae. Kuṭir tolat dibae eḳṭa ḳori fitolor sungi, forda ṭananir lagi rufar ḳoṛa ar bandibar tar lagaibae. 11Uttor galabae eḳ-sho at uṭan raḳbae. Hono-o forda dio, bishgu kuṭi, bishgu fitolor sungi, kuṭir loge lagaio rufar ḳoṛa ar tar. 12Foisme foinchash at uṭan rakio, hono-o ḳoyḳan forda, doshgu kuṭi, fortek kuṭir tolat eḳṭa ḳori sungi dio. 13Fubedi-o foinchash at uṭan rakio; 14geiṭor ek galat fonro at lamba forda, tinṭa kuṭi ar tinṭa sungi lagaibae, 15ola dusra galat-o fonro at forda, tinṭa kuṭi ar tinṭa sungi dio. 16Uṭanor geiṭor lagi sairṭa kuṭi, sairṭa sungi ar bish at lamba ekḳan forda. Fordaḳan dami suti kafoṛdi banaia lilua, baingoni, lal sutadi noksha ḳoraio. 17Uṭanor sairo galar hokkol kuṭire bandibar tar ar ḳoṛa oibo rufar, er tole fitolor sungi taḳbo. 18Uṭanḳan lambae eḳ-sho at ar fashe foinchash at oibo. Er sairobae fas at ubi forda dio, forda oibo dami suti kafoṛor, ar kuṭintor tole dio fitolor sungi. 19Amar goror ḳamor hoḳol siz fitoldi banaibae, mul tambu ar uṭanor beṛar ṭanar rosir tolor fereg oḳol fitolor oibo.
20“Tumi Boni Israil oḳolre hukum dio, tara zoytun sesia tel banaia tumar gese anto, zate serag oḳol hamesha zalail roy. 21Milon-tambur shahadot shondukor samne ze fordaḳan taḳbo, ou fordar bare Harun ar tar fuainte hainja taki fozor forzonto, Mabudor samne serag guin deḳa-huna ḳorba. Amar ou hukum zanu Boni Israile oarishor for oarish dori hor-hamesha amol ḳore.”
Actualmente seleccionado:
Tourat 2: Hizrot 27: sylL
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© Ahle Kitab Society. All rights reserved.