ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 3
3
ꠘꠤꠘꠜ ꠐꠣꠃꠘꠅ ꠔꠛꠟꠤꠉ ꠇꠞꠣ
1ꠛꠣꠖꠦ ꠁꠃꠘꠥꠍꠞ ꠃꠙꠞꠦ ꠖꠥꠍꠞꠣꠛꠣꠞ ꠝꠣꠛꠥꠖꠞ ꠅꠃ ꠅꠢꠤ ꠘꠣꠎꠤꠟ ꠅꠁꠟ। 2ꠔꠣꠁꠘ ꠇꠁꠟꠣ, “ꠔꠥꠝꠤ ꠞꠅꠀꠘꠣ ꠖꠦꠅ, ꠅꠈꠘ ꠢꠃ ꠛꠠ ꠐꠣꠃꠘ ꠘꠤꠘꠜ ꠎꠣꠅ, ꠀꠞ ꠀꠝꠤ ꠔꠥꠝꠣꠞꠦ ꠎꠦꠔꠣ ꠇꠁꠀ ꠖꠤꠝꠥ ꠔꠥꠝꠤ ꠅꠃꠔꠣ ꠔꠣꠞꠣꠞ ꠉꠦꠍꠦ ꠄꠟꠣꠘ ꠇꠞꠅ।” 3ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠁꠃꠘꠥꠍ ꠞꠅꠀꠘꠣ ꠅꠁꠀ ꠘꠤꠘꠜ ꠉꠦꠟꠣ। ꠘꠤꠘꠜ ꠅꠁꠟ ꠈꠥꠛ ꠛꠠ ꠐꠣꠃꠘ, ꠁ ꠐꠣꠃꠘꠞ ꠄꠇ ꠝꠣꠕꠣ ꠕꠣꠇꠤ ꠀꠞꠇ ꠝꠣꠕꠣꠔ ꠎꠣꠁꠔꠦ ꠔꠤꠘ ꠖꠤꠘ ꠟꠣꠉꠔ। 4ꠁꠃꠘꠥꠍ ꠢꠃ ꠐꠣꠃꠘꠅ ꠢꠣꠝꠣꠁꠀ ꠄꠇꠖꠤꠘꠞ ꠙꠕ ꠉꠦꠟꠣ, ꠉꠤꠀ ꠄꠟꠣꠘ ꠇꠞꠟꠣ, ꠇꠁꠟꠣ, “ꠅ ꠘꠤꠘꠜꠞ ꠛꠣꠡꠤꠘ꠆ꠖꠣ ꠅꠇꠟ, ꠀꠞ ꠌꠣꠟ꠆ꠟꠤꠡ ꠖꠤꠘ ꠛꠣꠖꠦ ꠘꠤꠘꠜ ꠐꠣꠃꠘ ꠃꠟꠐ-ꠙꠣꠟꠐ ꠅꠁꠎꠤꠛ।”
5ꠁꠈꠣꠘ ꠢꠥꠘꠤꠀ ꠘꠤꠘꠜꠞ ꠝꠣꠘꠡꠦ ꠀꠟ꠆ꠟꠣꠞ ꠃꠙꠞꠦ ꠁꠝꠣꠘ ꠀꠘꠟꠣ, ꠔꠣꠞꠣ ꠞꠥꠎꠣ ꠞꠣꠈꠣꠞ ꠟꠣꠉꠤ ꠄꠟꠣꠘ ꠇꠞꠟꠣ, ꠀꠞ ꠢꠥꠞꠥ-ꠛꠠ ꠢꠇꠟꠦ ꠖꠥꠈ ꠎꠣꠁꠞ ꠇꠞꠣꠞ ꠟꠣꠉꠤ ꠍꠟꠣꠞ ꠌꠐ ꠚꠤꠘ꠆ꠖꠤꠟꠣ। 6ꠁ ꠈꠛꠞ ꠉꠤꠀ ꠛꠣꠖꠡꠣꠞ ꠖꠞꠛꠣꠞꠅ ꠀꠎꠤꠟ, ꠔꠣꠁꠘꠅ ꠛꠣꠖꠡꠣꠁ ꠉꠖꠤ ꠍꠣꠠꠤꠀ ꠚꠤꠘ꠆ꠘꠞ ꠟꠦꠛꠣꠍ ꠈꠥꠟꠤꠀ, ꠍꠟꠣꠞ ꠌꠐ ꠚꠤꠘ꠆ꠖꠤꠀ ꠍꠣꠟꠤꠞ ꠝꠣꠎꠦ ꠛꠁꠟꠣ। 7ꠀꠞ ꠔꠣꠁꠘ ꠀꠡ꠆ꠔꠣ ꠘꠤꠘꠜ ꠐꠣꠃꠘꠅ ꠅꠃ ꠄꠟꠣꠘ ꠇꠞꠣꠁꠟꠣ, “ꠛꠣꠖꠡꠣ ꠀꠞ ꠔꠣꠘ ꠃꠎꠤꠞ-ꠘꠣꠎꠤꠞ ꠅꠇꠟꠞ ꠢꠥꠇꠥꠝ ꠅꠁꠟ: ꠝꠣꠘꠥꠡ ꠛꠣ ꠙꠡꠥ, ꠉꠞꠥ-ꠍꠣꠉꠟ ꠇꠦꠃ ꠇꠥꠘꠥꠎꠣꠔ ꠖꠣꠘꠣ-ꠙꠣꠘꠤ ꠇꠥꠘ꠆ꠔꠣꠃ ꠝꠥꠈꠅ ꠖꠤꠅ ꠘꠣ। 8ꠝꠣꠘꠥꠡ ꠀꠞ ꠙꠡꠥ, ꠢꠇꠟꠦ ꠝꠤꠟꠤꠀ ꠍꠟꠣꠞ ꠌꠐ ꠚꠤꠘ꠆ꠖꠤꠀ ꠖꠤꠟꠦ-ꠎꠣꠘꠦ ꠀꠟ꠆ꠟꠣꠞ ꠘꠣꠝ ꠟꠅ, ꠢꠇꠟꠦ ꠎꠣꠞꠎꠤꠞ ꠘꠣꠚꠞꠝꠣꠘꠤꠞ ꠙꠕ ꠍꠣꠠꠅ ꠀꠞ ꠎꠥꠞ-ꠎꠥꠟꠥꠝ ꠛꠣꠖ ꠖꠤꠀ ꠀꠟ꠆ꠟꠣꠞ ꠛꠣꠄ ꠚꠤꠞꠅ। 9ꠅꠁꠔ ꠙꠣꠞꠦ ꠀꠟ꠆ꠟꠣꠄ ꠞꠢꠝ ꠇꠞꠛꠣ, ꠉꠎꠛꠞ ꠈꠤꠀꠟ ꠛꠖꠟꠣꠁꠟꠤꠛꠣ, ꠔꠣꠘ ꠖꠣꠃ ꠖꠣꠃ ꠇꠞꠣ ꠉꠥꠍꠣ ꠅꠘꠦ ꠑꠣꠘ꠆ꠒꠣ ꠅꠁꠎꠤꠛ, ꠀꠞ ꠀꠝꠞꠣ ꠛꠤꠘꠣꠡ ꠅꠁꠔꠣꠝ ꠘꠣꠄ।”
10ꠀꠟ꠆ꠟꠣꠄ ꠔꠣꠞꠣꠞ ꠁ ꠢꠣꠟꠔ ꠖꠦꠈꠟꠣ, ꠔꠣꠞꠣ ꠎꠣꠞꠎꠤꠞ ꠘꠣꠚꠞꠝꠣꠘꠤꠞ ꠙꠕ ꠛꠣꠖ ꠖꠤꠀ ꠔꠃꠛꠣ ꠇꠞꠍꠂꠘ। ꠖꠦꠈꠤꠀ ꠔꠣꠁꠘꠅ ꠔꠣꠘ ꠀꠉꠞ ꠌꠤꠘ꠆ꠔꠣ ꠛꠖꠟꠣꠁꠟꠤꠟꠣ, ꠔꠣꠞꠣꠞꠦ ꠛꠤꠘꠣꠡ ꠇꠞꠣꠞ ꠇꠕꠣ ꠇꠁꠟꠦꠅ ꠅꠈꠘ ꠀꠞ ꠛꠤꠘꠣꠡ ꠇꠞꠟꠣ ꠘꠣ।
Actualmente seleccionado:
ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 3: sylN
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© Ahle Kitab Society. All rights reserved.