Versículos bíblicos populares de Romaq 7

Compartir

Ngá-nhûng é Yhûmsîng Yesuq Hkrisidùq dông mai wó lùt bê nghut mù, Garai Gasang lé jeju hkya-ôn nyi lhê! Haû mù luî, ngò yhang, myìt é dông gi, Garai Gasâng é târâ lé châng lhê, nghut kôlhang, yubàk gùngsho dông gi, yubàk é târâ lé châng lhê.

Ngò má, nghut bê, ngá é yubàk gùngsho má ge é hkyô haî le a bo é lé, ngò sê lhê. Hkâsu mù gâ le, ge é hkyô lé kut nau é myìt ngò má bò kôlhang, haû lé a wó kut htoq nghut ri.

Hau é yánmai, ngò kut nau é ge é hkyô lé gi, a kut é za, ngò a kut nau é agè ashop hkyô lé gi, ngò xoq kut nyi ri.

Ahkuî, a kut nau é hkyô lé ngò kut nyi é nghut jáng, haû lé ngò yhang kut nyi é a nghut lô é za, ngò má lúng tô é haû yubàk shèq haû lé kut nyi é ru nghut lhê.

Haû mù, ge é hkyô lé ngò kut nau é hkûn, ngò má agè ashop hkyô htoq lô lò mù é târâ lé, ngò myang ri. Hkâsu mù gâ le, ngò gi, Garai Gasâng é târâ lé, ngá é i‑myìt ûnghkaû má myìt nguì gabú nyi lhê.

Ngò a kut nau é lé kut é nghut jáng gi, haû jep é târâ ge é lé, ngò myìt huî é nghut lhê.