Versículos bíblicos populares de Rom 8

Compartir

Ihenyumali enenyi enen nyatoglomu elpech douk echech ulkwip panosuh God ulimu, enyudak enyen douk God neneken nyatoglomech umu nunekech chupe kalbu. Echebuk elpech douk anan anagipech ananin atin laik ali nohwalech chagipech anan uli.

Adul, yek douk yanubu yadukemech. Deke kobi enech echudak chulawapaguk umu agundak God nanubu ulkum manohwapamu, wak meyoh. Namudak ali mugak umu o mupemu, echech enselahas o enechi enech chape nebechi chasuh agudak nahabigaluli o echudak chatoglu nameiteibu nyultab uli o luhutibaluli, o enechi enech dodogowich atichi yowechi douk wo mutulich atili e, o echudak enech dodogowichi chape iluh atap uli o enech God nenekech uli echudak deke chulawapaguk umu agundak Anan nanubu ulkum manohwapamu e, wak meyoh. Agundak anan ulkum manubu manohwapamu douk Jisas Krais apakinu Diginali nagilapapu.

Ali douk namudak ati. God ananin Michin nyagakomu apak elpech douk wo dodogowipu uli e. Apak douk wo mudukemech e umu eke munek beten malmu malmu musolik God umu, wak. Wakuli ananin Michin meyoh nyeleh gani numuninyumu nyenekumapu beten apak. Enyudak balan enyen nyaklipu God umu nugakomu apak umu, apak elpech douk wo miyagwlehen ati e, wak.

Namudak ali apak eke mukli malmu, umu enyudak God nenekenyumapu uli? Sapos God nunoguk apak umu, omuni deke wosik dodogowin umu nyunek biruwamapu? Wak meyoh.

Namudak ali apak almam almagou douk amonek pas Krais Jisas uli, balan douk awak enen nypenyupamu kwali God nunekumapu balan ali nubemapu yowenyi pe umu, wak.

Echebuk elpech douk ulkwip pulomu chakli chugipech nyalik nyapenyich uli yowenyi atin uli, echech eke chugak chunak chuwichuk. Wakuli echebuk douk ulkwip pulomu chakli chugipech God ananin Michin nyaklipech enyi atin uli, echech eke chunubu chupe kalbu eheh nyumneh ali apaluh hlulu kalbu.

Wakuli anyeneken enyudakmali hevi. Krais anan nanubu ulkum manosuh apak ali wihluwehlu nenekapu manubu dodogowipu monek winyumu enyudak nyanatimaguk hevi.

Yek yadukemech umu, abudak banubu yopubali nyultab kwali eke butoglu mupe kalbamu douk banubu yopubali bechalakuk ehudak nyih nameitu mape memnekeh uli.

Namudak ali deke moneken nyunaki nyulawapaguk umu agundak Krais anan ulkum manubu manohwapamu? Ati enenyi enen traim o hevi o elpech chunekapu anagu-anagamu o nyulub blopamu o munek sot luseh umu o enech yowechi echudak chunekapamu o chopu mugak umu? Nyanatimaguk enyudakmali deke kobi enen nyulawapaguk umu agundak Krais anan nanubu ulkum manohwapamu. Aduligu atugu wak.

Anan God douk natik numun apakiluh apaluh uli, anan chopuk nadukemu ananin Michin enyenyin tinytin. Ananin Michin douk nyagipech ananin laik atin ali nyenek beten umu apak ananipu elpech.

Echebuk elpech douk God ananin Michin nyalikech umu enenyi enen uli, echech douk God ananich batowich.

Echebuk elpech douk chapemu chagipech enyudak nyalik nyapenyich uli yowenyi pasin uli, echechip ulkwip douk polomu enyebuk nyokwalmen uli yowenyi atin. Wakuli echebuk elpech douk chagipech God ananin Michin uli, echechip ulkwip douk polomu God ananin Michin nyaklipech enyi atin.

Anan douk wo nunehekich ali nuwechikuk ananinu Nuganinu nupeik e, wak. Anan douk nenek salimumanu nanaki ali nagakomu apak manatimaguk. Namudak ali adul ati. Luhut anan eke wata nuwanuh-umapali ihechumali echudak nukapali meyoh.

God ananin Michin meyoh nyanaki nyenek pas apakich michich ali makli apak God ananipu batowich. Apak douk adul mape God ananipu batowich. Namudak ali kwali eke mulau echudak douk Aninu God nechubuk chakus-umapaluli. Eke mulau echudak kobi Krais analawech ulimu. Sapos nameitu apak mulau nebehi nyih kobi likuk Krais nalaweh ulimu, kwali apak chopuk eke mulau nebechi yeguh ali munubu mupe kalbu kobi anan umu.

Echebuk elpech douk ulkwip pulomu chakli chugipech nyalik nyapenyich uli yowenyi atin uli, echech douk God ananich birua. Umu moneken, echech douk wo chugipech God ananin lo e, wak. Ali echech eke kobi dodogowich umu chugipechen, wak.

Ihechumali enechi enech God nenekech uli echudak douk chanubu chape chatulugun ali chebeyagun umu abudak nyultab God nuwoleh apak ananipu batowich nunekapu mutoglu yopugunmu abali.

Apak douk madukemech. Ihechumali enechi enech God nenekech uli echudak douk chemnek nebehi nyih kobi watas uli almagou womnekeh ulimu. Ali seiwak bawagas umu douk chape cheleh sisahw aliga nameitu abudak nyultab.