Versículos bíblicos populares de Ma‸htehˍ li‸ 26

Compartir

Nawˬ hui beˬ ve lawˇ ve awˬ hkʼaˇ suh maˇ gʼa kʼai tuˬ bon lawˬ leh shaw taˍ-o‸. Ngaˬ hui te gaˇ ve nyi ma cawˬ htawˇ, awˬ suhˍ awˬ shaˍ lehˬ, awˬ gʼaˇ nuˇ ve yoˬ teh‸ kʼoˆ ve yoˬ.

yawˇ hui hta‸ kʼoˆ piˇ ve, Ngaˬ nyi ma dawˇ haˍ jaˇ ve suh la yoˬ. Choˬ kaˬ lo chehˇ taˍ leh ngaˬ geh teˇ geh shaw taˍ-o‸.

Peuˬ leh, yawˇ awˬ gʼuˇ suhˍ a ciˉ kʼai leh, yawˇ mehˆ hpfuhˇ miˬ chaˇ hkʼoˆ boˆ sheˬ leh kʼoˆ ve, Ngaˬ pa-oˬ, kawˆ chi hta‸ ngaˬ ponˬ kʼai hpeh‸ ve kʼo, ponˬ kʼai tcuh laˇ-oˆ. Ya‸ hkʼaˇ, ngaˬ a loˍ cawˇ ve hkʼe taˇ hpeh‸ piˇ. Nawˬ a loˍ cawˇ ve hkʼe hpeh‸ piˇ-oˆ teh‸ bon lawˬ ve yoˬ.

Awˬ lawn kʼo, chi lehˬ ka ti‸ shaˉ caˆ hta‸ caˉ da‸ ve ngaˬ ve awˬ suhˍ yoˬ. Venˇbaˆ hpehˇ hkʼa tuˬ, chaw maˇ maˇ awˬ pon ngaˬ ve awˬ suhˍ hta‸ ngeuˍ pfuhˍ ve yoˬ.

Yawˇ hui caˇ chehˇ htaˇ, Yeˍsuˆ hkaoˍmonˇ hta‸ yuˬ leh bon hta‸ chiˇ mvuh ve yoˬ. Peuˬ leh yawˇ hkaoˍmonˇ hta‸ hkʼeh‸ leh, awˬ la‸ gʼawˇ hui hta‸ yawˇ piˇ leh kʼoˆ ve, Yuˬ leh caˇ-oˆ. Chi lehˬ ngaˬ ve awˬ to yoˬ teh‸ kʼoˆ piˇ ve yoˬ.

Kawˆ hta‸ htawˇ yawˇ yuˬ leh bon hta‸ chiˇ mvuh peuˬ hkʼaw‸ nawˉ yawˇ hui hta‸ piˇ leh kʼoˆ ve, Nawˬ hui hkʼa peu-eˬ chi hta‸ dawˬ-o‸.

Awˬ la‸ gʼawˇ hui geh yawˇ kʼaw‸ la leh, yawˇ hui zuh‸ muiˉ kʼa chehˇ ve hta‸ gʼa mawˬ htaˇ, Peˍtruˆ hta‸ kʼoˆ piˇ ve, Teˇ naˍ riˍ ceh ka‸ nawˬ hui ngaˬ geh shaw taˍ maˇ hpeh‸ laˇ.

Nawˬ hui hta‸ ngaˬ kʼoˆ laˇ ve, ngaˬ Awˬ pa ve mvuhˇmiˬ awˬ hkʼaw lo nawˬ hui geh teˇ geh a pehˉ meuˇ gʼuiˬ awˬ suhˉ hta‸ ngaˬ gʼa dawˬ tuˬ ve awˬ nyi hkʼa gaˬ, ngaˬ a pehˉ meuˇ gʼuiˬ hta‸ maˇ kʼaw‸ dawˬ teh‸, yawˇ hui hta‸ kʼoˆ piˇ ve yoˬ.

Gʼaˆ hpfuh maˇ bvuhˬ sheˍ htaˇ nawˬ ngaˬ hta‸ shehˆ pawˆ hkʼa gaˬ chiˇ baˬ tuˬ yoˬ teh‸, Yeˍsuˆ kʼoˆ piˇ taˍ ve hta‸ Peˍtruˆ dawˇ nawˇ la ve yoˬ. Oˇ htaˇ, yawˇ tawˆ kʼai leh gʼaˇ hte‸ hawˬ ve yoˬ.

Tu, kʼai-a veuˬ. Nyi loˬ, ngaˬ hta‸ chiˇ a‸ shehˍ hpaˇ awˬ paˇ lo gaˬ la peuˬ teh‸ kʼoˆ ve yoˬ.

Oˇ htaˇ Yeˍsuˆ yawˇ hta‸ kʼoˆ piˇ ve, Nawˬ ve aˉ htaw hta‸ awˬ hpui awˬ hkʼaw lo kʼaw‸ hkʼaw‸ keu-o. Awˬ lawn kʼo, aˉ htaw hkʼa yehˇ ve chaw hkʼa peu-eˬ lehˬ, aˉ htaw hta‸ pa taw luˬ kʼai tuˬ yoˬ.