Versículos bíblicos populares de Ro 2

Compartir

Xan a ayex che beyc'ulnej eb chi unen tzet man watx'ok tu', ¿tom ok je' e colon el e ba yalan yowal c'ul Dios ok jay e yiban e naoni? Palta cay tu' che yut c'apax e ba axca eb tu'. A Dios caw wal miman is watx'c'ulal. Caw wal ay is mimanc'ulal. Man comonok chi tit yowal. Palta tekan ayex c'am yelapnok juntzan ti' yul e sat. ¿Tom man e yojtakok, tol chi tx'ox is watx'c'ulal ayon yet watx' chi yak' na ba co c'ul?

Tzanc'al junok on chi co beyc'ulnej junokxa mactxel, maj je' jaloni, tol c'am co mul. Yujtol a yet chi co beyc'ulnen junokxa mactxel, lanan jiontek yailal jiban. Yujtol lanan co beyc'ulnen junok mactxel lajan tzet chi el junen yetok.

Yujtol a yul sat Dios, lajanc'al jelapnok co masanil.

Yujtol a eb toc'al chi aben ec' tzet chi yal jun ley tu', man watx'ok eb yul sat Dios. A eb chi iken tzet chi yala', a ton eb tu' watx' yul sat Cham.

A yet tu' junjun on ok co cha paktzil, atac'ala' tzet max el juneni.

Palta ay eb, a yowal c'ul Dios ok yak' bay, cax ok yak'on yailal eb. A ton bay eb chi yochej tol asannej oc miman yelapnok. C'am chi yikej cuybanilej caw yel. Asan yin tzet c'am watx'il ayoc is nabal eb.

Palta ayex ti' pit ex. C'am che na e ba jabok. Yuj tu', lanan e wajbanc'al yowal c'ul Dios e yiban. Axa yet ok jayoc jun c'ual yailal, e yetc'al ocok. A yet jun c'ual tu', ok txecloj el beyc'ulal Dios yin bayc'al ijanil.