Versículos bíblicos populares de Jo Pilipi 4

Compartir

Kur ipar wunu ginnoro, cite i kop ducu mi kwacwu ŋeye baŋ Obaŋa i lega kede i bako dog, karacel i pwoc daŋ.

Mio kuc Obaŋa ame kato ŋec a jo luŋ bino gwoko cunywu kede tamwu aber i Kricito Yecu.

Me agikki mere, omegona, ket wunu tamwu i kom kop acalo magi: gin ducu a tye ateni, gin ducu a romo awora, gin ducu a tye atira, gin ducu ame cil, gin ducu amwonya, gin ducu ame opwoo, ginnoro keken ame ber meicel, ame porre apaka.

Atwero jami luŋ aluŋa pi Kricito ame mia teko.

Lel wunu i Rwot kare luŋ. Dok anwoo ni, Lel wunu.

Obaŋana bino miyowu gin luŋ ame orem i baŋwu, kun kwanyo iyi lonyo mere me kwogo adwoŋ a en tye kede i Kricito Yecu.

Ti wunu gin a nwaŋ ipwonyo wunu, igamo wunu, iwinyo wunu dok ineno wunu i baŋa: eka Obaŋa won kuc bino bedo kedwu.

Weku jo luŋ ŋe mwolowu. Rwot doŋ ceggi.

Aŋeo bedo i gin anok kede bedo i gin abup. Adonyo i dul a jo a ŋeo bedo i ginnoro a binnigi i kare moro keken, yeŋ atek ateka onyo kanyo kec, bedo i lonyo abup onyo bedo kede can.

Dok daŋ pe akoko can, pien an doŋ apwonyere ni, gin ame atye kede roma gire.