Versículos bíblicos populares de Jo Galatia 6

Compartir

Myero wan mom ool i tiyo gin aber, pien ka kare oromo, ka mom odwoko cunywa cen, obino kayo kac.

Doŋ ba, didik ka onwoŋo kare, myero oti tic aber baŋ jo luŋ, akato mere baŋ omegowa ame oye Kricito.

Myero ikonyere wunu kenwu i tino kodi peko-nono; en i kite-nono ibino cobo wunu cik a Kricito.

Kur imi bwolwu; Obaŋa mom otuko kede. Gin ame dano ocoo, en daŋ bino kayo ginnono

ŋat ame ocoo koti mere i poto me kwo me anywalli, gin ame en bino kayo iye en to; ento ŋat ame ocoo mere i poto me Cuny Acil, bino kayo iye kwo a perakino odoco pi Cuny Acil.

Omegona, ka omako dano moro i balloro, wun jo ame itye wunu i Cuny Acil myero idwoke wunu kakare i cuny me mwolo. Cik wani i komi keni, me yin daŋ kur biti.

Pien ka ŋattoro tamo i cunye kene ni en e ginnoro, kun iyi ateni mere en mom ginnoro, nwoŋo en abwolle gire kene. Dano acel acel koŋ ŋi ticcere kene ka ber, en a mio te kop me wakere mere bed pi ticcere ikome, a mom dok eporo i tic awottere. Pien dano acel tye i yeccere me ayea.