Versículos bíblicos populares de Luka 6

Compartir

N fa na Ɩsʋɔ a fa amɩɛ. Ɩsʋɔ aja wʋ a mʋ mudu kalaa na ŋii su, na wʋ a jigisi na ŋii tʋsʋ, na wʋ a mʋ dʋ amɩɛ chamaŋsɛ naŋ. Akala takɩɛ mudu gaa ɩ mʋ kalaa bʋrʋ darɛ fa wʋrʋ na, gaa sɛ Ɩsʋɔ gba aja wʋ a mʋ kalaa fa amɩɛ.>>

Wʋkpa bam a fa nfɩɛrɛ abama sɛ wʋ a yɩɛ bʋrʋ bam. Dɩmʋŋ sɛ wʋkpa sʋbʋ a fa nfɩɛrɛ sʋbʋ sɛ wʋ a yɩɛ bʋrʋ sʋbʋ. Akala takɩɛ wɩɛ ŋii ŋɩ suu wʋkpa digela naŋ na, ŋii aaŋ lɩɩna wʋ nʋɔ.>>

Ama amɩɛ bɩrɛ n ja amɩɛ badʋŋna wɩɛ na ɩ yɩɛ dɩbam fa ba. Ɩ mʋ kɩŋ ba na, n baa kɩɛ gbɩɛ sɛ ba n tɔ amɩɛ. Ŋii sɛ Ɩsʋɔ aja tɔ amɩɛ kɩmtʋɔ gajanɛ, na ɩ yɩɛ Ɩsʋɔ Wʋjanɛ wʋŋ bie. Akala takɩɛ wʋ a yɩɛ dɩbam wʋ a fa baa ba asa ba aa su abʋrɩ, na dɩsʋbʋ yɩɛra.

N wɩɩ bakpa gɩyɔŋ takɩɛ ganaŋkʋ amɩɛ Juo gba a wɩɩ bakpa gɩyɔŋ na.>>

Sɛ Yesu ju dʋɔ tawɩ sɛ, <<N baa di wʋrʋ wɩɛ, na Ɩsʋɔ gba a di amɩɛ wɩɛ. N baa fu dɩpʋɛ na Ɩsʋɔ gba n baa fu amɩɛ dɩpʋɛ. N mʋ dɩsʋbʋ chɩɛ na wʋ a mʋ amɩɛ dɩsʋbʋ chɩɛ amɩɛ.

Sɛ Yesu ju dʋɔ tawɩ sɛ, <<Ama maa tawɩ amɩɛ baa ɩ nyii ma jaŋ na sɛ, n ja amɩɛ badʋŋna wɩɛ na ɩ yɩɛ dɩbam fa baa baa kɔla amɩɛ. N yɩɛ baa baa tawɩ amɩɛ nʋɔsɛ na kusee, na ɩ jɔ dɩga fa baa baa nyala amɩɛ na.

N yɩɛ fa dɔŋa ganaŋkʋ ɩ ja sɛ ba n yɩɛ fa amɩɛ na.>>

Sɛ wʋrʋ kpa nyaŋ gabaa na, biliŋi alatɛ fa ɩ. Sɛ wʋrʋ mʋ nya adugbe gagba na, mʋ tie gagba kpi ɩ. Fa wʋkʋma wʋŋ wʋ a sʋlʋ nyaŋ bʋrʋ darɛ na, sɛ wʋrʋ mʋ n bʋrʋ na, n baa lɩɛ lɩɩ wʋ jaŋ.

Sɛ Yesu ju dʋɔ tawɩ sɛ, <<Daŋ bam baa si bie sʋbʋ ʋ yaa daŋ sʋbʋ baa si bie abama a.

Daŋ kʋma ga bie sɛ ba chamɩna baa jiŋ ga. Bakpa baa kɔ ponponsi bie lɩɩ sɔba daŋ dʋɔ ɔ yaa dikutu lɩɩ didiŋpo daŋ dʋɔ ɔ.