Versículos bíblicos populares de Yokaana 10

Compartir

Omwibbi ndoowo kindi kyaiziira okutoolaku okwibba, okwita nʼokuwereekeerya baitu nje naizire leke entaama zibbe nʼobwomi era zibbe nabwo omu bwizuli.

Ninje muliisya wa ntaama omusai. Omuliisya wa ntaama omusai aweeryayo obwomi oku lwa ntaama.

Entaama zange ziwura eiraka ryange; nzimaite era zinsengeerya.

Nziweerya obwomi obutawaawo, tiziriwereekeera era ndoowo gonze omwei aliziinyagaku.

Ninje mulyango; buli ntaama ayakaara omu nje alijunwa. Ontaama oyo yaakwingiranga era nʼawuluka leke abone ekisiko.

Ninje muliisya wa ntaama omusai; entaama zange nzimaite era zoona zimmaite.

OIte wange eyazimpaire niye akira abantu boona boona amaani, olwʼekyo ndoowo gonze omwei asobola okubamunyagaku. Nje nʼoite wange tuli muntu omwei.”

NkʼoIte wange nammaite njeena nimwo mmumaite, era mpeeryayo obwomi bwange oku lwazo.

Ndoowo gonze omwei eyaakubunyiyaku, baitu mbuweeryayo mu kweyenderya kwange. Ndina obuyinza okubuweeryayo era nʼobuyinza obwa kubweiriiryate. Ekiragiro kini nakiwairwe Ite wange.”

Olwʼekyo oYesu nʼairamu nʼakoba ati, “Kambakobere amananu, ninje mulyango entaama mwezaakala.

Omuntu omupangisyengano takola nkʼomukama wa ntaama. Omuntu nkʼoyo nabona ekibbwene nikikwiza aleka entaama nʼairuka, ekibbwene ni kirumba entaama ni kizirarangya.

Awo oYesu nʼakoba ati, “Kambakobere amananu, omuntu aingira omu kizangi natayakaara mu mulyango baitu nʼatemba era nʼayakaara aiguru wa mwomo gwakyo, abba munyagi.