Versículos bíblicos populares de Matayo 19

Compartir

Yesʉ wɨkaakendegeela, wɨkaaɨla, “Kʉantʉ ɨkani ɨlɨ shanga lɨhʉmikile, ingɨ kʉng'wɨ Itunda makani ɨhi ahumɨkile.”

Kʉɨtɨ, awa nɨabɨɨlɨ akʉtʉla mʉili ʉng'wɨ shanga ɨabɨɨlɨ. Ʉʉgwa ɨkɨ Itunda nʉkamɨnkanilye, mʉntʉ wɨhi waleke kʉkɨtemanʉla”

Yesʉ wɨkasʉkɨɨlya, “Itɨɨ, shanga mʉsomilene Nkani yang'wi Itunda kɨna kʉpʉma ʉng'wandyo naɨʉkʉʉmba, aɨʉʉmbile mitʉnja nʉ mʉsʉngʉ? Nʉyo wɨkalʉnga, ‘Yɨyɨ nsoko mitʉnja ʉkʉmʉleka ihe nʉ nyinya, akʉkamɨnkana nʉ mʉsʉngʉ wakwe, ɨhi mʉʉbɨɨlɨ akʉtʉla imʉili ʉng'wɨ.’

Yesʉ wɨkaaɨla, “Aleki ang'enya nɨaniino aze kʉng'wane, leki kʉagilyi, kʉnsoko Ʉtemi nʉa kigʉlʉ ingɨ waantʉ nʉwininompya anga ang'enya awa.”

Ingɨ nɨatongee akʉsɨkɨɨlya, nawa nɨsɨkɨɨye akʉtongela.

Nʉ mʉntʉ wɨhi nʉlekile ito, ang'wɨ aheu akwe, ang'wɨ alʉna nɨakima, ang'wɨ ihe, ang'wɨ nyinya, ang'wɨ ana, ang'wɨ migʉnda, kʉnsoko ane, ʉzelija nkʉa igana, nʉkʉpegwa ʉpanga mahikʉ ɨhi nimagila anga mpelo.

Yesʉ wɨkamʉɨla “Ang'wɨ ʉloilwe kʉtula wɨmʉkende, longola ʉgʉlye insao yako yɨhi nʉkete, ʉape ahimbɨ mpia niyanso, sʉnga wɨze ʉntyate, nʉewe ʉkʉtʉla wiɨkɨlya kɨʉto kako kigʉlʉ.”

Yesʉ wɨkamʉɨla “Nɨkɨ ʉkʉnintanga nɨmʉkende? Kʉtilɨ nɨmʉkende ingɨ ʉng'wɨdu Itunda wing'wene. Ingɨ ang'wɨ ʉloilwe kʉlija ʉpanga nʉ wamahikʉ ɨhi nɨmagila mpelo, amba ɨmalagiilyo ang'wi Itunda.”

Kʉmʉɨla hangɨ, ingɨ yɨhumɨkile kɨkalɨ nɨkitangwa ngamɨa kʉkɨɨla mibolomyo nɨla sindano, kʉkɨla ʉmʉgolɨ kingɨla kʉʉtemi wakigʉlʉ.”

Ʉnene kʉmʉɨla, mʉntʉ wɨhi nʉkʉmʉleka ʉmʉsʉngʉ wakwe kʉnsoko aʉgoolya nʉyo wamʉtine mʉsʉngʉ mʉngɨza, ʉkʉtula ʉkʉgoolya. Nʉyʉ nʉkʉmʉtɨna mʉsʉngʉ ʉyʉ nʉlekilwe nʉyo ga ʉkʉtula wagoolya.”

Yesʉ wɨkaaɨla amanyisigwa akwe, “Kʉmʉɨla ɨtai yɨkʉtula ikaku kʉagolɨ kingɨla mʉʉtemi nʉwakigʉlʉ.