Versículos bíblicos populares de ᒨᓯᓯ ᐂᑉᐸᖏᑦ 32

Compartir

ᐃᓄᐃᓪᓗ ᖃᐅᔨᓕᕋᒥᒃ ᒨᓯᓯ ᓱᓕ ᖃᖅᑲᒥᑦ ᐊᖅᑲᓚᐅᖏᓐᓂᖓᓂᒃ, ᐊᑯᓂᓗ ᑕᑉᐹᓃᓕᕐᒪᑦ ᐂᕉᓂᐅᑉ ᐊᕙᑖᓄᐊᕐᓗᑎᒃ ᐅᖃᕐᕕᒋᓕᕐᐹᑦ, “ᐃᓐᓇ ᒨᓯᓯ ᓇᓗᓇᕐᓯᖕᒪᑦ ᖃᓄᐃᓕᖓᓕᕐᒪᖔᑦ ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ, ᒎᑎᓕᐅᓚᐅᕆᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ.”

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇᑦᓴᐅᑎᒋ ᐃᓅᖃᑎᖕᓄᑦ ᐊᑎᕐᓵᓕᕆᑦ, ᐃᓅᖃᑎᑎᑦ, ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎᑦ, ᐊᔪᕐᑐᓕᓕᕐᒪᑕ ᕿᒤᓪᓗᑎᒡᓗ ᐅᕙᓐᓂᒃ. ᑖᒃᑯᓄᖓ ᐊᑐᕐᑕᐅᖁᓚᐅᕐᑕᓐᓂᒃ ᒪᓕᒃᑕᐅᖁᓚᐅᕐᑕᓐᓂᒡᓗ ᕿᒤᓯᒪᓕᕇᕐᒪᑕ; ᒎᓗᒥᒃ ᐊᐅᒃᑎᑦᓯᓪᓗᑎᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ ᓴᓇᓯᒪᓕᕐᐳᑦ ᑖᓐᓇᓗ ᑐᒃᓯᐊᕐᕕᒋᓪᓗᒍ ᑐᓂᕐᕈᓯᕐᕕᒋᓯᒪᓕᕐᐹᑦ. ᐅᖃᕐᓗᑎᒡᓗ ‘ᑖᒃᑯᐊ ᑕᕝᕙ ᒎᑎᓯ, ᐃᓴᕆᐊᓕᒥᐅᖑᔪᓯ ᐄᑦᔨᑉᑎᒥᑦ ᐊᐅᓪᓚᕈᑦᔨᔨᒋᓚᕐᑕᓯ.’”

ᑕᕝᕙ ᐂᕉᓂ ᑐᓂᕐᕈᓯᕐᕕᒃᓴᒥᒃ ᐋᖅᑭᒃᓱᐃᕗᖅ ᐊᖑᓴᓪᓗᓐᖑᐊᑉ ᒎᓘᑉ ᓯᕗᕌᓂ ᐅᖃᕐᓗᓂᓗ, “ᖃᐅᒃᐸᑦ ᓇᓪᓕᐅᓐᓂᕐᓯᐅᕐᓂᐊᕐᐳᒍᑦ ᐊᑕᓂᖅ ᓂᕐᑐᕐᑕᐅᖁᓪᓗᒍ.” ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐆᒪᔪᓂᒃ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᓇᒃᓴᕐᓗᑎᒃ ᐃᓚᖏᓪᓕ ᑐᓂᕐᕈᑎᒃᓴᓂᒃ ᓂᕆᔭᒃᓴᓂᒃ ᓇᒃᓴᕐᓗᑎᒃ. ᐃᓄᐃᓪᓗ ᐃᖏᑉᐳᑦ ᓂᕆᖃᑎᒌᓕᕐᓗᑎᒃ ᐃᒥᖃᑎᒌᓕᕐᐳᓪᓗ ᐋᖓᔮᓕᕐᓗᑎᒃ, ᐃᓚᖏᑦ ᑖᓂᓯᓕᕐᐳᑦ ᐃᓚᖏᓪᓗ ᓄᓕᐊᕐᓗᑎᒃ.

ᖃᐅᑎᓪᓗᒍ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᓯ ᐊᖏᔪᕐᔪᐊᒥᒃ ᐊᔪᕐᑐᓕᓂᕐᒥᒃ. ᒫᓐᓇᓕ ᖃᖅᑲᒧᑦ ᒪᔪᕋᕐᓂᐊᕐᐳᖓ ᐊᑕᓂᕐᒧᑦ; ᖃᐅᔨᔭᕐᑐᕋᓱᐊᕐᓗᖓ ᐃᓱᒪᒋᔪᓐᓁᕐᑕᐅᔪᓐᓇᕐᒪᖔᑦᓯ ᐊᔪᕐᑐᓕᓂᑦᓯᓐᓂᑦ.”