Versículos bíblicos populares de MATAYO 24

Compartir

Ta mondumba mo bo bobe bonanganabi bobuke mɛnɛ, iboa epaeli e bato banɛnɛ egɔlɔbi. Endelo moto oikabi molema tiii mbunoko suka ahelabi.

Bwɛndi ibubu Bopele bo Bokumu botɔndeamabi ngondo esusu bɛngi edae tati ta tina e bikomi bisusu. Iboa suka eso eimeebi.»

Ookabini gala e bitumba ko na nungunungu e bitumba; pɛpɛ bobangani: modjɔ mo midjɔ imia misusu mitungi mikɔɔme, endelo iyena etadaadea pongono suka e ngondo.

Modjɔ mo ekomi emɔti eanedjabi ekomi ekina, ko bokumu bomɔti boanedjabi bokumu bokina; ndja djikwabi dɔɔngɔ na dɔɔngɔ ko mikumano mi ngondo midaabi. Endelo imia misusu edii oko mbangi e epeko e bobotama bo mwana.

Diko na kpɔtɔ djinɔɔbi, endelo mibalo mi mbi mitanɔkɔbi.»

Modjɔ mo bato banɛnɛ badoabi na kombe e mbi ko babalabi bo: “Edii mbi Kilito!” Ko bapengodjabi bato banɛnɛ.

Iboa bato baopundabini bɛngi baonɛdjeni saya ko baoowabini. Olonamabini na bikomi bisusu ta tina e kombe e mbi. Ta ehole emina, bato banɛnɛ basundolabi edhimeli e bobo; batɛkɛnɛbi ko basaokeanabi swɛ ibo na ibo. Batɛli banɛnɛ ba bokuta baimanabi ko bapengodjabi bato banɛnɛ.

Yesu abasɔmbedja bo: «Tomadingani moto omɔti adae pɛpɛ boopengodjani.

Ta tina emina ino pongono daani mbuti, modjɔ mo Mwana o moto atadoadea ta ngonga elɛdjɛkɛdea ino.»

Ta tina emina sɛndjɛlɛni, modjɔ mo otadjebakadeani busa ndani bodoadea na Kumu o bino.

«Ta modjɔ moindji isu kaoko ehole, pɛpɛ nongo moto omɔti okadjebe, edae babwɛndi ba busa, edae Mwana; oko Sesa iyo mɛnɛ moto okadjebe.

Modjɔ mo ba masiya ba bokuta ko na batɛli ba bokuta badoabi, bainedjabi bimbete binɛnɛ ko na bingengo bɛngi bapengodje bato, edae pongono ibia bahɔɔmɔ.

Naboa, oko mondumba mokɔɔmɔ ta masu ma Noa, oko mondumba momina mokɔɔmɔbi pongono iboa ta bodoa bo Mwana o moto. Ekahia ta masu ma boso bo pela enɛnɛ, bato bayakaka ko bamwakaka, baasɔnɔkɔ ko baasɔdjɔkɔ baana ba bobo mbunoko ta busa bokwea na Noa ta masuwa; ko baidjebaka nongo eka emɔti ta modjɔ mopalaka bokɔɔmɔ mbunoko pela enɛnɛ edoa abadindedja ibo basusu; edaabi oko mondumba momina momɔti ta bodoa bo Mwana o moto.