Versículos bíblicos populares de Matʉyo 7

Compartir

«Puŋ yɔ́ŋ, pé ŋkʉ́yó fɛ́ ne puŋ. Puŋ taʼ, puŋ ŋkʉ́yó ntsɛ́ʼɛ́. Puŋ kɔ́b, pé ŋkʉ́yó ntsɔ́ʼɔ́ ne puŋ.

Ŋkyé ŋgâ ŋɔŋ wɛ́ a yɔ́ŋ nɛ́, ntsɛ́ʼɛ́, ŋɔŋ wɛ́ a taʼa nɛ́, njʉ́, ŋɔŋ wɛ́ a kɔ́b nɛ́, pé ŋkʉ́yó ntsɔ́ʼɔ́ pwó yé.

«Kɛ́ʼɛ́, ntsye ŋɔŋ wɛ́ a zóʼ ntsó wɛ́ mə ŋáá ne ntsəhóne, mbó ŋgyɛ́ njʉ́ a zɔŋɔ nɛ́, fwɛ́ɛ́ taʼ ŋgaŋazé wɛ́ a ghɛ́ ŋkwórɔ́ ndáb yé, ntsú kaʼatɛ kébe tsetsáʼ psǐpsî ŋkɔ́ŋ, mbɔ́rɔ́ máʼá tsindáb yé nɛ́.

«Ŋkɔŋɔ meno pɛ́ puŋ ŋkʉ́ye ŋgâ pɔŋ zhyɛ́ mbəb puŋ náá nɛ́, ŋkɔʼɔtómbəb yúŋ, puŋ zhyɛ́ yéré mbəb pɔ́b. Ŋkyé ŋgâ a yéré nɛ́ mbé kaŋ Mǔsê pwɛ ŋweʼe kpaŋató Mboʼmvé.»

Ntsʉʼmbé ntswěndáb khóóme pú féʼé mɛndɔ́b, a pé pɛ́ a ntyaŋa pɔŋ pe ndzɔ́ʼɔ́ tsómvé nɛ́. Pɔŋ pɛ́ pɔ́b zhʉ́ péré mɛndɔ́b, mbó ndɔ̂ nɛ́, pó mbé záá pó.»

«Puŋ záʼa ndzó ntswěndáb khóóme. Ntswěndáb ghɛ́ɛ́me pú mɛndɔ́b ghɛ́ɛ́me tyáŋa pɔŋ pe ne mbwóne, záá pɔŋ pó ndɔ́ɔ́ péré.

Puŋ pɛ́, puŋ pukəpɔŋ, ndzé fɛ́ne mɔ́b sʉ́ʼʉ pwó pɔ́ŋ puŋ nɛ́, ŋkɛyikɔ́ ne Tɛd wúŋ wɛ́ a pépéé nɛ́? A ŋkʉ́yó fɛ́ mɔ́b sʉ́ʼʉ pwó pɔŋ pɛ́ pɔ́b psirɛ́ pwó yé nɛ́!»

Néré, Yěsô ké mbó ntsɔ́ ne pɔ́b ŋkʉ́rʉ́ ŋgâ: «Kii puŋ fiʼɛ pɔŋ, kɛ́ʼɛ́ ŋgâ Mboʼmve ndɛ náʼ fiʼɛ wúŋ. Ŋkyé ŋgâ mbziʼe yɛ́ puŋ fiʼɛ pɔŋ nɛ́, a ke mbɛ njʉ́ pé náʼá fiʼɛ yúŋ ywoʼ nɛ́. Yɔ́b yɛ́ puŋ fúʼɔ ye pecyó pɔŋ núŋ nɛ́, pe ŋkʉ́yó ké fúʼɔ yúŋ pe núŋ.

Tsʉʼ mbé, ntsye ŋɔŋ wɛ́ a zóʼ ntsó wɛ́ mə ŋáá ne ntsóne, mbó mbé zhyɛ́ njʉ́ a zɔŋɔ nɛ́ pó, fwɛ́ɛ́ taʼ ghəghəŋ wɛ́ a ŋkwód ndáb yé pé ndúŋú səsé nɛ́.

Wo tê ntɛ́ɛ́ndáb yɛ́ ndzó mbzítíí wo nɛ́, ndzáʼ njʉ́ʉ́ ŋkʉ́kʉ́yé pfíŋ yɛ́ ndzó mbzítíí mɔ́ŋmɛ́ yo nɛ́ ŋkyé kɔ́? Kii ŋgâ, wo zhyɛ́ níŋ ntsɔ́ pwó mɔ́ŋmɛ́ yo ŋgâ: “Zoʼkaʼa mə ntúbú ŋkʉ́kʉ́yé pfíŋ ndzó mbzítíí wo?” Ŋgɛmbɛ ntɛ́ɛ́ndáb pɛ ndzó yo!

«Puŋ zhyaŋa pɛ ghaŋátsɔ́kpaŋató mbwɔ́, pɛ́ pɔ́b pɔrɔ́ ŋkʉ́yó pfúŋɔ́ puŋ, swɔ́ mbəb yɔ́b ne ŋgɔb njʉyǐnjʉyî, tsʉ́ʼ ŋgɛmbɛ, mbɛ́ɛ́ ndáá pɛ ntsɔbɔ kəpɔŋ nɛ́. Pǔŋ ndzɛ́ wɔ́b pe ne ŋgyɛ̂ no yɔ́b. Tɛɛmbɛ ŋɔŋ pe tsɔ́ʼ kóó ndúŋú kəkɔ́ŋ pó, ke mbó mbé káb menʉʼsɔb ndúŋú mɛ́kɔb pó.

Kɛ́ʼɛ́, ŋkɔŋɔ nsó sʉ́ʼʉ náá ke ndzwɔ̌ ntáá sʉ́ʼʉ. Ntsʉʼmbé nsó yɛ́ ghɔŋ ndúŋú nɛ́ ke ndzwɔ̌ ntáá kəpɔŋ.

Tɛɛmbɛ nsó sʉ́ʼʉ pe zwɔ́ ntáá kəpɔŋ pó, nsó yɛ́ ghɔŋ ndúŋú nɛ́ ke mbó mbé zwɔ́ ntáá sʉ́ʼʉ pó.

Ŋkɔŋɔ nsó yɛ́ a tsé mbé zwɔ́ ntáá sʉ́ʼʉ náá nɛ́ pó, pé ntséé wé máʼá mɔ́ɔ́.