Versículos bíblicos populares de Matʉyo 26

Compartir

Puŋ yáʼ sáŋ, ntsɛ́ʼɛ́ Mboʼmvé, kɛ́ʼɛ́ ŋgâ kpeʼe ndɛ ntsɛ́ɛ́ wúŋ. Ndzɔʼ yuŋ tsé nɛ́ ndzɔŋɔ ŋgyɛ́ no sʉ́ʼʉ kaʼatɛ, ntsʉʼmbé mbəb yuŋ pé psyɛ́ pó.»

A tsɔ́ ne pɔ́b ŋgâ: «Ménee ya tse ntsuŋɛ kaʼatɛ mbɛ́ɛ́ njʉ́ tɛ mbɛ ntsuŋíne méré zhyɛ́ mə pfó nɛ́. Puŋ ghɔ́rɔ́ ghaŋ, piŋi yaʼ sáŋ.»

A náʼá suʼú mbəb ye, ŋkúbú záŋ ye syé, ntsɛ́ʼɛ́ Mboʼmvé ntsó ŋgâ: «Tɛd ya, mbé yɛ́ tɛɛmbɛ a pé néré nɛ́, wo suʼú yɔŋ ndɔŋ ŋgəʼo pfúŋɔ́ mo. Ntsʉʼmbé, ndɛ ŋgyɛ́ njʉ́ mə kʉ́yé nɛ́, zhyɛ̌ yɛ́ kɔʼɔ tómbəb wo, wo kʉyě nɛ́.»

ŋkyé ŋgâ yɔŋ nsə máá, nsə kaŋ yɛ́ a mvérɛ́ ndúŋú tó pɔŋ zááme nɛ́, ne mǎʼne kəpɔŋ wɔ́b.

Ŋkhoʼyɛ́ pɔ́b kɛ zɔ̂ mɔ́b nɛ́, Yěsô yɔ̌ mbré. Níŋí mbúru ndúŋú. Poʼ fɛ́ pwó ŋgíŋgye pé, ntsó ŋgâ: «Puŋ mkpě mfód, yɔŋ ndzáb mbəb ya.»

Ke mbó ndɔ̂ ndɔ́ŋ yoʼ. Fɛ tséʼé pwó Mboʼmve, fɛ́ pwó ŋgíŋgye pé, ntsó ŋgâ: «Puŋ nɔ́ ŋkɔŋɔ wúŋ náá

Yěsô pód ndzəb pfúŋɔ́ ŋgíŋgye pé, njʉ́ wɔ́b pɔ́b zhyé zhyé. A ntsɔ́ pwó Pětro ŋgâ: «Kɛ́ʼɛ́, puŋ zyé mbé tséʼé tʉŋ ŋgâ piŋi yáʼ sáŋ, mbɛ́ ne taʼ ŋkhoʼmvé pɔɔ?

Mə səŋɛ wúŋ ŋgâ, ndzyěne ŋkhoʼyɔŋ, mə mbó naʼ nɔ́ yoʼ ŋkʉ́rʉ́ pó, kaʼatɛ mbáŋ zhyémve yɛ́ mə náʼá nɔ́, ŋgɛmbɛ a pɛ́ɛ́ ye ffé, piŋi pɛ́ ndzó Nofɔŋ Tɛd ya nɛ́.»

Tó Pětro fú ne no yɛ́ Yěsô kɛ tsɔ́ pwó ye nɛ́, ŋgâ: «Ŋkhoʼ ŋgɛ ntú, wo siri ya ŋkɛ́ɛ́ yíkyéd.» Pětro twɔ́, ŋkhó kaʼatɛ.

Puŋ ŋáá syé, piŋi ghú. Ŋɔŋ wɛ́ a fí ya nɛ́ kɛ páŋ.»

Néré, Yěsô tsɔ́ pwó ye ŋgâ: «Níŋí káfáá yo ndzó mbáŋ ye! ŋkyé ŋgâ pɔŋ pɛ pɔ́b nɔʼɔ ne káfáá nɛ́, a ŋkʉ́yó ke nɔʼɔ káfáá nɔʼɔ wɔ́b.