Versículos bíblicos populares de Matʉyo 18

Compartir

Ŋkyé ŋgâ, ywoʼ yɛ́ pɔŋ pépáá kii pékyéd tɛ́rɛ ne tíí ya nɛ́, mə tsetsɛrɛ pɔ́b.»

Yěsô ké mbó ntsó ŋgâ: «Kpaʼ sísíŋ, mə sə́ŋɛ́ wúŋ ŋkʉ́rʉ́ ŋgâ: a pɛ́ɛ́ yɛ́ pɔŋ pépáá ndzɔ́ʼɔ́ puŋ ndúŋú tsetsáʼ, ntséʼé taʼ ntswee ne ndɔ́ŋne mbɛ́ kɔ́ nɛ́, mbǒ Tɛd ya wɛ́ a pépéé nɛ́ náʼá fɛ́ ne pɔ́b.

A fú taʼ Mɔ́ŋ ntíí tsetsɛrɛ pɔ́b, ntsó ŋgâ: «Kpaʼ sísíŋ, mə səŋɛ wúŋ! A pɛ́ɛ́ yɛ́ puŋ sěd tsʉʼɔ́ njʉ́ pɛ Mɔ́ŋ nɛ́ pó, ŋgáŋ yɛ́, mbǒ puŋ náʼá ŋkúŋɔ ndzó Nofɔŋ Mboʼmvé pó.

Ŋɔŋ wɛ́ nɛ́ a yɔ̌ mbəb ye njʉ́ Mɔ́ŋ wɔŋ nɛ́, mbǒ a ntsɛ́ɛ́ ye ntsɛ́ɛ́ ŋkɔŋɔ pɔŋ náá ndzó Nofɔŋ Mboʼmvé.

Ŋɔŋ wɛ́ a ghəhɛ́ taʼ Mɔ́ŋ njʉ́ wɔŋ nɛ́ sʉ́ʼʉ ne tíí ya nɛ́, mbǒ a ghəhɛ́ páá sʉ́ʼʉ.»

Kpaʼ sísíŋ mə səŋɛ wúŋ ŋgâ, ŋkɔŋɔ yɔ́b yɛ́ puŋ ŋkʉ́yó nʉ́ʉ́ ndúŋ tsetsáʼ náá nɛ́, ke ŋkʉ́yó mbɛ nʉ̌me pépéé, ŋkɔŋɔ yɔ́b yɛ́ puŋ ŋkʉ́yó ntsɔ́ʼɔ́ ndúŋú tsetsáʼ náá nɛ́, ke ŋkʉ́yó mbɛ ntsɔ́ʼme pépéé.»

A ke mbé nɛ́ njʉ́ Tɛd ya wɛ́ a pépéé nɛ́, náʼá fáʼa ne puŋ, Mbéyɛ́ ŋɔŋ ndzɔ́ʼɔ́ puŋ máʼ vɔ̌no mɔ́ŋmɛ́ ye ne ŋkɔŋɔ ndzɔʼ ye náá nɛ́ pó.»

Yěsô kémbó ntsó ŋgâ: «Ntsʉʼmbé, a zhyɛ́ ŋɔŋ taʼ Mɔ́ŋ ndzɔ́ʼɔ́ pɔ́ŋ pɔŋ pɛ pɔ́b tséʼé psyɛ́ndzɔʼ ŋkyé ya nɛ́, sháŋa, a kuʼɛ́ pwó ye ŋgâ pe cʉ́ ghɔ́ɔ́ kəkwéʼe myi ye, máʼ wé ndzó sə́b yɛ́ ndzó lepaanse nɛ́.

Puŋ zhʉ́ yúŋ pé níŋ? A pɛ́ɛ́ yɛ́ taʼ ŋɔŋ tséʼé kpǐ njʉyǐnjʉyî, taʼ yé pwó nɛ́. Mbǒ a ntê ghúbmepfuʼɔ ne yipfuʼɔ ghúŋkwéʼé, ŋgú ne ntáʼne taʼ yé wɛ́ a pwó nɛ́ pɔɔ?