Versículos bíblicos populares de Rúkasa 5

Compartir

Ará Yésusu a ma maná ojárá, aye na símono anáá, kerá ará idɔ́kɔ́ í ámó índi no nɔ mbúnjé rá vinó ukú ójó anáá no ambaana cwí.

Símono a ma me wundíyé anáá: «Oyéere, to mó ená etɔɔ wutúú mbímí ka ambaana wandá; kó na uŋgúté rɔɔ́, mbaŋgámó onɔ mbúnjé.» Kó vá ma nɔɔ́ mbúnjé otómbá wambaana cwí mbunu ukú ójó anáá mbúnjé ráwó í katé saasará.

Kó Yésusu ómwané a ma endá na pandó éjé dɔ́ŋgɔrɔ́ɔ́ŋ ondo vásoóriye.

Noó ta ma uré ondo béráana vato ává ndíŋgirííŋ, ŋgo ma uré ondo béráana veŋga mabé ukú ójó anáá vá cendyé ncaŋa.»

Wená ówó símono pyéere a ma ená náná, a ma vákútyé na munú na wusó wá Yésusu aye naá anáá: «Okí, ndá urehí name esene éyé ndo ámó moto wa nyéŋgé.»

Yésusu a ma wɔ́rɔ́ enjárá aye nawó anáá: «Até vato ává bonbó káva vá vaŋgámó dɔ́ŋéta, vinɔ́ kíví ví vaŋgámó dɔ́ŋéta.

Owunde ówó vá ma wundé na ŋgɔmbe o mbóró, vá ma kútyé wandá wimé hɔ́rɔ́ obyɔɔnɔ Yésusu.

Isí emó, Yésusu a rií na oŋgórá omó, ombaambáá omo a ma me ená, kó a ma uré, woba wusó na cí o je vásoóriye Yésusu anáá: «Okí, ŋgé wa díŋgé o hítyámó opómóna.» Yésusu a ma ganóná ombɔɔ́ o me taátena a ye naá anáá: «Ŋgo atɔ́wɔ, óndówá.» Na itíndíkáná mwané, mbaa e ma me urúkyé.

Yésusu a katé enda na wusó na ogúmé, kó ncumbí wa vato a katé enda váwónjéena anáá vá me atɔ́rɔ́, a wunde o wó ondónana na makáná máwo.