Versículos bíblicos populares de Lucas 14

Compartir

—Ĩcʉ̃no yʉcã buerere quetatugʉ eacapeicã yʉpere maĩrõsotoape pacʉre, pacore, nʉmorẽ, pũnarẽ, cʉ̃ya wederare tairora cʉ̃basurupe cʉ̃ye catirere maĩrõsotoapere yʉpere maĩcametʉanʉcãhegʉ yʉ buegʉ nimasĩherigawi.

Ĩcʉ̃no curusapʉ sĩãyoacʉra abiro yʉre quetaturi wapa ‘basoca ñañarõ ti sĩãcõãbogawa’ ĩnigʉ̃ cʉ̃ya curusare apahegʉra yʉre quetatugʉno yʉ buegʉ nimasĩherigawi.

No nigʉ̃ cʉ̃basurupe ‘yʉ ãpẽrãsotoa nigʉ̃ ña’ ĩ wãcũgʉ̃norẽ Manigʉ̃ cʉ̃rẽ buri nigʉ̃ pʉtʉañerõcã tigʉagawi. Ãpĩpere cʉ̃basurupe ‘yʉ ãpẽrãsotoa nigʉ̃ niheri’ ĩ wãcũgʉ̃pere Manigʉ̃ cʉ̃rẽ ãpẽrãsotoa nigʉ̃ niñerõcã tigʉagawi ―ĩyugʉ.

Atiera abiro mʉjãcã yʉre quetaturugara queoĩñanʉcosocoya. Nipetire mʉjãcã cʉorere pitirugahera, mʉjã yʉ buera nimasĩheri.

Mʉjã atiere wãcũña. Ĩcʉ̃ mʉjã watoare nigʉ̃ ¿cʉ̃cã emʉãriwi tiatosʉguero eanujeasoco tiwimaquẽ wapacʉtiatere, tiemena tiwire tuwayoroacu ĩgʉ̃ queoĩñasocoherigari? Buri tora abiro wapacʉtiatere queoĩñasocohegʉra tiwire cʉ̃cã wʉmʉõãto wadorena weĩñami, tiwire tipetiheriñerõcã ãpẽrã cʉ̃cã tora abiro tituwaheriñerõcã ĩñarã cʉ̃rẽ buisocogawa. Abiro ĩgawa: ‘¡Ĩñaña! Cʉ̃ atiwire timiwi. Tipetimasĩheriwi’ ĩ buirucũmocãgawa.

Mʉ bosebʉreco tigʉ bopacarare, camesãmasĩherare, capeĩñaherare sioya. Tiere tigʉ mʉ ʉseacametʉagʉacu. Cʉ̃jãpe mʉrẽ ecacamemasĩherigawa. Tairo tiremena mʉrẽ ñurã cõwõriara cʉ̃jãcã masãribʉrecore Manigʉ̃ ñurẽjoro wapatare nʉnigʉagawi ―ĩyugʉ.

”Moã ñurẽ ña. Buri moã ocare ditiñerõcã tiere upatuti ocare pʉtʉañerõcã timasĩñamani, wapamanirẽ pʉtʉamocã. Ditarocãrẽ, õãturibucare ñuheriga. Tiere cõãmocãyoga. Mʉjã atiere tʉore wado tʉoherimocãña. Ñurõ tʉoya ―ĩyugʉ Jesús.