Versículos bíblicos populares de Matayo 18

Compartir

Pakuti yapo asonghana wandhu awili kapina atatu kwa jhina langa, ine nili pamojhi nao.”

“Zene nikukambilani, awili pakati panu akavomelezana pajhiko la panjhi kuusu chilichonjhe icho afuna kupembha, Atate wanga a kumwamba siakuchitileni.

Yesu wadamtana mwana wamng'ono ni kumwimika pakati pao, Ndiipo wadaakambila, “Zene nikukambilani, ngati simng'anamuka ni kulingana ni wana waang'onoang'ono, simulowa mu Ufumu wa kumwamba.

Waliyonjhe uyo wajhichepecha ngati mwana uyu, nde uyo siwakhale wamkulu mu Ufumu wa kumwamba.

Uyo wamlandila mwana wamng'ono ngati uyu kwa jhina langa, wanilandila ine.”

“Zene ikukambilani, yayo simuyamange pajhiko la panjhi chinchijha siyamangidwe kumwamba, ni icho simuchimasule pajhiko la panjhi chinchijha sichimasulidwe kumwamba.

Yesu wadamaliza pokamba, “Umu ndeumo Atate wanga akumwamba siakuchiteni ngati simwaalekelela achanjanu volakwa vao.”

“Ngati mundhu waliyonjhe uyo wamchiticha mmojhi wa wana yawa kuchita chimo, idakakhala mbasa kwa mundhu mmeneyo wamangidwe mbhelo mkhosi mwake ni kubizidwa kuchilundu.

“Muona bwanji ngati mundhu wali ni mbelele miya mojha, ikasowa imojhi, wachita bwanji? Wazisia zijha tisini ni tisa mkhola, nikupita kuifunafuna ijha yasowa.