Versículos bíblicos populares de Maliku 6

Compartir

Yesu akawalongela, “Tuyendi weka yetu mbaka pahala kwa kujihigha mkapumulili mayaghani.” Alongilile nagha kwa ikiva kuvile na wandu watangala nesu wavile wanguhika baha na kuhuka hata Yesu na wayitikila ghaki mbaka wapatile ng'ogha njila gha kulyegha mulyo.

Yesu akawalongela,“Mlota wa Sapanga angutundamilwa mahala kogha ila angutundamilwa ng'ogha ku mlima ghaki, kwa walongu ghaki na ukaya ghaki”

Lipindi Yesu pa aghuluka mghati gha whatu, Yesu akalola lipinga likulu nga lya wandu, akawawonela luhungu, kwa ikiva wavile handa kondolu wavile ng'ogha na mhungaji. Akatumbula kuwavula mihalu itangala.

Yesu kaghola ng'ogha makangaso pala, ila awavikilile mawoku wavina wamayaghani, akawalamisa. Yesu alikangasili nesu kwa ikiva gha ukwinila ng'ogha wa weni. hinu Yesu aviyendelelile vimuji vya pala vivile pabehi akiwavula wandu.

Hinu, Yesu akaitola hila mibumunda itano na wala homba wavili, akalola kunani kundumba, akavihighila, akaimetula mibumunda, akawapegha wayitikila ghaki na wayitikila ghaki wakawapegha wandu. Na wala homba waivili vila vila wakawapegha wogha. Wandu wogha wakalyegha, wakayukuta. Wakalokota vipandi vighighalile vya mibumunda na homba, wakamemesa vibeja ikumi na ivili.