Versículos bíblicos populares de Ichedendik 17

Compartir

K'okpe kw'uwa Abram ode icho arạbh annebung ukuma sọhnẹrạbh, Ọvaar Ubinọkpaabyi uyin Abram abẹ, oben-ẹ bẹ́, “Amma wọ nde Ubinọkpaabyi kw'Ẹfa phyibh, senga k'eden chaam, abạra asi ẹmmaana ch'etor-otor.

M'mbạra nnạng-ọ eche ẹbhachẹ, dạkhẹ Abram mákpena, m'akpena Abraham, eche ch'iyini, otte kw'nkhạma saabhada.

Amma m'nsi echekha chaam ọma abẹ ẹbạra ede echekha ch'iva p'iva pọ, bẹ́ amma m'nde Ubinọkpaabyi kwọ, ọttạra Ubinọkpaabyi kw'iva p'iva pọ tạrr ipimmanitor.

“Maa wọ ode udik kw'nchekhi nnạng-ọ, bẹ́, m'ade otte kw'nkhạma saabhada.

Ma o, Ubinọkpaabyi ọbẹ́, “Uwe e, okhenka, ikwanạng kwọ Sara, m'ọmaan-ọ ujunungnwa kw'm'akpe-ẹ Isaak. M'nchok echekha ch'ẹma amma abẹ, ede echekha ch'ipimmanitor, ch'm'ẹbạra ininga ẹnạng iva p'iva pẹ tạrr ipimmanitor.

Amma m'ntạkha isek nna s'Kenaan s'mantọmma arukhu masẹ ukhikhennạng nnạng ọma, ọttạra efona chọ, abạnga akhaama sẹ tạrr ipimmanitor. Amma m'nde Ubinọkpaabyi kwabẹ.”

Osenga ma, Abraham ọrạkha ukhubha ititikha k'isisek, ọnạng Ubinọkpaabyi ikpukpobha, ọmma asa k'ettem oben bẹ́, “Ma, ọnạng masẹ akhaam kw'kk'icho arạbh asen ukkia, s'm'ọbạra ofhon nnwa-o? Ma, Sara kw'ọbạra ode icho arạbh annebung ukuma jobh, s'm'ọmaan adạkhẹ nnwa?”

Ubinọkpaabyi ọbạra oben Abraham bẹ́, “Node ikwanạng kwọ, Sarai, ẹma dạkhẹ Sarai mókpena, bạra okpena Sara.

Ẹnạm-kpara njọ m'ede ẹkhọhkha ch'echekha ch'amma ọttạra abạngama abẹ.

Okhenka, amma m'nchok echekha chaam ọttạra Isaak kw'Sara m'ọmaan ọnạng-ọ ode cho k'okpe demakwẹ ngwa.”

K'igbọ s'm'ikwu k'ororo, ujunungnwa kwidede kw'okke iwu isenọttaan, oyonga abẹ m'asi-ẹ ọkpọkkrọkkọ. Ajunung phyibh p'ammaan kabạnga k'ichọhm, ọttạra ayok p'abạnga adebhi k'akpokha p'nạn iva pabạnga ade, oyonga abẹ m'asi bẹ ọkpọkkrọkkọ. Ọbạra p'ammaan k'abạnga k'ichọhm bọ, ọbạra ode p'abạnga adebhi k'abạnga k'akpokha o, oyonga abạnga m'asi bẹ ọkpọkkrọkkọ. Echekha chaam ch'ede efhora ch'abạnga k'ifor m'ede echekha ch'ipimmanitor.