Versículos bíblicos populares de मत्ती 7

Compartir

“तोला न ङेनकाङ्मोः बिन्नान ङ्याह्, फारा न ङेनजै दोःनान ङ्याह्, झला कुला न ङेनकोन भिह्तु पोङ्नान ङ्याह्।

तैङर्‌वाङिन सुई तोल्ङ, नुई देन्नान, सुई फाङ्‌ङ, नुई दोःनान, सुई झला कुल्ङ, नुन भिह्तु झला पोङ्नान ङ्याह्।”

“अन्नकारन सुई ङन अन बचन ङ्याङ्‌ङ रे ङ्याङ्‌ङ, ङा बुद्धिमानी सिमिदीन ङ्याबो नुन तुलना खेचे, सुई जेँन यिम लुङ्न लाह्ः दोङ्बो।

सिमिवजै ङेन ङ्याबो कताःमन बेऊरा ख्याःयो र्‌वानान ङेन चाहि खेँ, ङेनजै र्‌वार्‌वा ख्युन ङ्याबो उजुई बेऊरा ख्या, तैङर्‌वाङिन अनै मोसान कानुन रे भबिस्यबक्तावजै र्‌वापान ल्होईव जेङ्पा।

तैङर्‌वाङिन झुनी साःनान्न लम त्वाम राह्‌नान रे लम खराःम राह्‌नान, सुई झुनी साःङ, रे मन दोःनान सिमिव ङाईदी राह्‌नान।

“झला त्वामलै झिङ जाः, तैङर्‌वाङिन मीपा दोङ्नानग साःनान झला वाःम रे लम छुम्म राह्‌नान, रे अनलम झिङ जाःनान सिमिव लै राह्‌नान।

अन्नकारन ङेन अलः राह्‌राह्‌ यङ जेँन ङोह्जो चमेः चिज लः बिन्चे क्युई राँ र्‌वाङिन, स्वर्गः ङिह्पान ङेनकोन पाई नुन ङ्याबो तोल्नानकाङ्मोः हातिन ह्‌याल्म खेखे चिज लः बिन्नान ङ्याह्।

येसुई हेँ र्‌वाईर्‌वाई होई, “घङग न्याय नख्या आलै परमेस्वरजै र्‌वार्‌वा ङेनकाङ्मोः न्याय खेनान मह्‌या। तैङर्‌वाङिन कुजुई ङेनकोजै घङ्‌काङ्मोः न्याय खेँ, उजुखेखेई परमेस्वरजै र्‌वार्‌वा ङेनकाङ्मोः न्याय खेनान ङ्याह्। कन नापजै ङेनकोजै घङग नापि खेँ, मनै नापजै ङेनकोजै र्‌वार्‌वा देन्नान ङ्याह्।”

सुई ङन अन बचन ताह्ताह् यङ मङ्याङ्‌ङ, नुन तुलना मुर्ख सिमिदीन ङ्याबो खेनान, सुई जेँन यिम पेह्‌मान ल्हाः दोङ्बो।

“तैङ ना जेँन भाइन मी ङिह्पान थल्जुपन च्याच्यार रँ, जेङ्नै नान जेँनै मी ङिह्पान थोसो चन क्युई मराँ? आथबा नान जेँनै मी थोसो ङिङिन कुजुई ना नान भाईग र्‌वा तैनान, ‘ङाः नान मीलै थल्जुपन च्याच्यार छ्यूफाना।’”

“नक्‌कली अगमबक्तावलम होसखेखे छ्योवा, सु ङेन स्याह् लूपान रुपग स्वाङ, जेङ्नै झिङक्याँ चन ङिनङिनलैमन फाराव लैम राह्‌नान। ख्युन माह्‌लम ङेनजै ख्युकाङ्मोः स्योःनान ङ्याह्। तै चेरन तङ्पुलै अङ्‌गुर आथबा सिऊरिलै खोअ चाह्‌नान तै?

उजुईखेखे तङ्पु लः पुरूजै फल लः छ्यानान। जेङ्नै तङ्पु अलःजै फल अलः छ्यानान।

तङ्पु लजै फल अलः छ्याः मतैनान, न ता तङ्पु अलःजै फल लः छ्याः तैङ।

फल लः मछ्यानान्न तङ्पु पुरूग थुमथुम मेह्ग पन्नान।