Versículos bíblicos populares de Matiós 16

Compartir

Yésuse uwɔyidɛn gɔg bebinene bég áneé: «Mɔndɔ úmɔya gumbinidin, ánaá ubíen úmuanyɛ mbánan, usamb nuag nuég wond umbinidin.

Guond yaŋuá, yɔ́guɔyɔn áneé: «Anyɛ Piéle (nidányɛ), uguáhɔ yanáhágánɔ́ Gigúl giámɛ, gúu Buŋaŋa buá nigué búdianábianɔ́ bugaga buá gad giɛ́.

Yanásúgídɛn dubune duá Niguili niá gumɔn, buá gidigid ubuɔ́ ánágúdánɔ́ uguísi búánábígɔ́d ugumɔn, buá gidigdid ubuɔ́ énéhulunenú uguísi búénébíhulun ugumɔn.»

Ɛɛ́ɛ, ugáganɔ́ nusɔ́da nuég wenénímie nuɔ́, gɔgaá uwenénímienú nusɔ́da nuég gámɛ gá busió wanáhánd nuɔ́.

Kasɛ́ bubeseé ubuɔ́ mɔndɔ únyaá wa bia uméhigin guísi gidigid, búmabá gá guɔ́nd guɔ́ na nusɔ́da nuég? Ugúnya ana kasɛ́ bubuand ubuɔ́ únya wa dóŋinye gá háŋ nusɔ́da nuég?

Uwoóhún bɔ́ áneé banuá gɔg nuɔ́guɔya áneé nnyɛ ányá? Símune Piéle uwɔgɔ́l nugálɔ, uwondinye yɔ́ áneé: «Anyɛ Bémeyíde, Muɔ́n wa mɔndɔ unyaá ɔgɔ́sɛ.»

Yésuse uwɔndɔgɔ́l nugálɔ, uwɔyidɛn yɔ́ áneé: «Beseé naánahɔ Símune Piéle uhaŋ wa Yonás, gá giagiá búdibá na mmegu na manɔ́ŋ múmúmádambúnɛ́n buɔ́, gɔgaá búnyɛ Síe wamɛ unyaá ugumɔn.»