Versículos bíblicos populares de यूहन्‍ना 4

Compartir

परमेसर आतमा है, अर जरुरी है की वांरा भगत आतमा अर सचाई ऊं उण री आराधना करै।”

पण तौभी वो वगत नैड़ौ है अर समझ लौ के आयग्यौ है, जिणमे साचा भगत परमेसर पिता री आराधना, आतमा अर सचाई ऊं करैला। क्यूंकै पिता आपरै सारू ऐड़ा इज भगतां नै सौधै है।

पण जे कोई उण पांणी में ऊं पीवैला जिकौ म्हैं उणनै देवूंला, वो वळै कदैई तिरसां नीं व्‍हैला, पण वो पांणी म्हैं उणनै देवूंला, वो उणमे एक झरनौ बण जावैला जे अनत जीवन रै सारू उमड़ तो रैवैला।”

यीसु जबाब दियौ, “जे थूं परमेसर रै वरदान नै जांणती, अर आ बात ई जांणती के ओ कुण है जिकौ थनै कैवै के ‘म्हनै पीवण रौ पांणी दे,’ तो थूं उण ऊं मांगती, अर ओ थनै जीवन रौ जळ देतो।”

यीसु चेलौ नै कयौ, “म्हारौ खाणौ ओ है, के म्हैं भेजण वाळा री मरजी रै मुजब चालूं अर उणरौ कांम पूरौ करूं।

सामरी लुगाई कयौ, “हे मालिक, थांरै खनै तो पांणी भरणै तो कीं नीं है अर ओ बेरौ ऊंडो है, पछै ओ जीवन रौ जळ थांरै खनै कीकर आवैला?

लुगाई उणनै कयौ, “इतौ तो म्हैं जांणूं के मसीहा जिकौ चुणयोड़ौ है वो आवण वाळौ है। जद वो आवैला, तो अपांनै सगळी बातां समझा देवेला।” यीसु उणनै कयौ, “म्हैं वोहीज हूं जिकौ थांरै ऊं बात करूं हूं।”

“आओ, एक मिनख नै देखौ, जिकौ म्हैं कांई कांई कांम करिया म्हनै सैंग बता दियौ। कठैई ओहीज तो मसीह कोनीं है?”