Versículos bíblicos populares de Imigani 3

Uzizere Uhoraho n’umutima wawe wose, woye kwiringira ubwenge bwawe; mu migenzereze yawe yose, ujye umwibuka, na we azaringaniza inzira zawe.

Ntuzibonemo ubuhanga, ahubwo uzatinye Uhoraho kandi wirinde ikibi

Uzahimbaze Uhoraho mu byo utunze byose, umuture umuganura w’umusaruro wawe; bityo ibigega byawe bizuzura ingano, na divayi isendere urwengero rwawe.

Ubupfura n’ubudahemuka uzabikomereho, ubyambare mu ijosi, ubyandike mu mutima wawe

Mwana wanjye, ntugahinyure uburere Uhoraho agutoza, cyangwa ngo winubire amabwiriza ye, kuko Uhoraho acyaha uwo akunda nk’uko umubyeyi agenzereza umwana umwizihiza.

Mwana wanjye, ntuzibagirwe inyigisho zanjye, kandi umutima wawe ujye wizirika ku mategeko yanjye; bizakuviramo kuramba biguhe n’amahoro menshi.

Hahirwa uwageze ku buhanga, akaba yarungutse ubwenge, kuko uwo mutungo uruta feza, n’inyungu yabyo igasumba kure iya zahabu. Ubuhanga buruta amasaro y’igiciro, kandi nta n’ikindi bihwanye mu byo umuntu yakwifuza.

Ntukirengagize kugirira neza ubikeneye kandi ubishoboye.

Uhoraho yahangishije isi ubuhanga, akomeresha ijuru ubwenge.