Versículos bíblicos populares de Luk 3

Compartir

Mbemiso ọbọọŋ Erọd ekesin Yọọn ke ufọk mkpọkọbi, Yọon eke ọduọk Yisọs mmuŋ ma mman ekedide ekene eme. Ke nte Yisọs asuŋ ọbọŋde akam, Abasi ọkubọde ikpa onyuŋ. Edisana Sibidib ọsuhọde edidoro eme k'idem nte ibiom, «Abasi atiŋ ikọ ke ikpa onyuŋ ete, ofo ede eyen ima mi emi nnemde ekid ma ofo.»

Yọọn ọdiọŋọ ekikere mmọ, ndien enye ete mmọ mfifien «Ami nda mmuŋ nnum mfo uduọk-mmuŋ, ede emi nken okponde akan min osuŋ edi, emi ami ndodke itad uduk ikpaukod ise nte eyen-ufọk ise. Enye eminum mfo uduọk mmuŋ ke Edisana Sibidib ma ikaŋ.

Man otodo mfo ibọhọ ikpe, anaa mfo iduwem ke usuŋ ọwuride ke mfo inyine ata nkabade ekid ikpọŋ idiọk mkpọ mfo inyaŋ akabade ikene Abasi. Ikidọhọ ke otu idem mfo, ibe, «Abasi ibuhi imia nnyin ufen sia nnyin ide ntitọŋ Ebraham, ami ndọhọ mfo ke Abasi ekeme inam mme itiad iken akabare ede ntitọŋ Ebraham ada itie mfo.

Abasi ebeŋeidem ibiom ikpe mmaana nnehede mmia mfifien mman se ikabakede ekid ufen. Anaa nte mmọ anam nti mkpọ emi ọwuride ke mmọ ikabade ekid. Ekpede idehe ntoro, Abasi emibibiad mmọ anyaŋ otop mmọ esin ke ikaŋ.»

Yọọn anam ikọ brọfed Isaiya ekewedde ọwọrọ osu ete, «owom emititiŋ ikọ ke ọkpọsọŋ uyo ke Nnauded, ibe, idiọŋ usuŋ inọ edidi Ọbọọŋ, ineŋede usuŋ ise inum. Inam mfifien ntitiŋede edeeŋi, mfifien nkua ma mkpraŋ okpukpo akabade una-isọŋ, ineŋede mme nkwaŋa usuŋ inum, inam mme ekpuk-ekpuk usuŋ edeeŋi. Ndien mfifien owom emikukud anyaŋa owom Abasi ọnọde edi»