Versículos bíblicos populares de Rô-ma 14

Compartir

Kaywa Dit Biya Pô Lingik ôh njaup nạn kadha ƀang mưnhum, min nạn gruk kahanôt, thug siam, bui ôn dalam Pô Nưbi Ginrơh Mưnuix halei ragxa Dê Krist tui ganap nan ka bui tian Pô Lingik thong bihu mưrôxak pôkja.

mưyah khol drei diup, nan diup ka Pô, thong mưyah khol drei mưtai, nạn mưtai ka Pô. Nan yơ ka mưyah mưtai ngan diup, khol drei jang bha di Pô abih.

Yau nan, khol drei xang pagui tui dôm haget ba mai gruk yak yum thong darap ka gaup.

Ywa nan ka khol drei jôi jamrah gaup, min siam hơl di bih nạn mư irat ôh cek boh patau hanek takai ngan kađah kađe dei ai drei.

Kaywa hu panôic vak: “Pô bican: Biak yau Ita bhian diup, abih tauk mưca khôi pak anak Ita, Thong abih dalah mưca pôk mưyom Pô Lingik.” Yau nan, yāup khol drei mưca khai tabiak ka êng drei thong Pô Lingik.

Xang takabal mưnuix kre sagar, jôi jajek thong khol nhu ka dôm ganap mong.

Ayut nạn thei bloh jamrah halun urang pakan? Nhu dang ngan jalơh, nan nạn bruk pak pô nhu, min mưca nhu dang, kaywa Pô hu gon brei ka nhu dang.