Versículos bíblicos populares de Rô-ma 12

Compartir

Jôi ƀlah ngak tui rai ni, min xang bihu thrơh tapa kaywa gruk xalih birau di mat ar drei, piêh krưn halei nạn jamal siam mưkrư, bui tian thong tamo tamê anưd Pô Lingik.

Pathau dei ai, kaywa gruk athur alim Pô Lingik, dahlak neh likau dei ai limah rup pabhap drei ngak athur limah diup, thah nưbi thong bui tian Pô Lingik, nan nạn gruk bhuktik njaup adat anưd dei ai.

Xang bui ôn dalam gruk pachôm, mưrat dalam rijan, khang hatai bloh lang kar.

Jôi lôi ka kabha ag jaiyak drei, min xang mưk kabha siam jaiyak kabha ag.

Xang anit ranam gaup jamji yau dei ai; xang bih tian pôkja gaup.

Tiak anit ranam xang ka biak biai. Xang hôic harơh kabha ag, capagam thong kabha siam.

Mưyah mưda bihu, xang abih prưn dok dang yak yum thong abih drei.

Pathau dei ai uranam, jôi êng tangin drei biyar mưbai thei, min xang lôi binhôr dangih mưkek ka Pô Lingik; kaywa hu panôic Bhô bican: “Gruk biyar mưbai bha di Ita, mưca Ita pakel.”

Xang tatang tiak, jôi alah; xang hu mưnơix tati tatang; xang ragxa Pô.

Kaywa nhơ di karun hanim krung hu ƀai brei ka dahlak, dahlak đôm thong yāup urang dalam dei ai, jôi xanưng glong di glong ka êng drei, min xang xanưng ka njaup nưm, patui sagar bloh Pô Lingik krung hu ƀai brei ka yāup urang.

Jôi mưk ag biyar ag ka thei; xang cek mat ngak kabha siam pak anak abih drei.

Xang dok dang yak yum thong gaup, jôi hu thangka ganan, min yum drei thong dôm urang biêr. Jôi brei êng ka drei nạn jag karag.

Min, “mưyah ra thutruh dei ai dok ơk, xang brei ka khol nhu ƀang; mưyah dok mưhu, xang brei ka khol nhu mưnhum; kaywa ngak yau nan pakan di haget dei ai cek angah apui bhông ngok akok khol nhu.”

Xang tadhau phôl ka urang ngak glaic di dei ai, xang tadhau phôl, jôi dhao thah. Xang bui thong ra bui, hia thong ra hia.

Xang pôk brei bruk hajat angui ka dôm xêh nưbi; xang daa rok tôi tani tanat.

Drơh yau dalam tha rup pabhap, khol drei hu ralô mani, thong dôm mani ôh thubik bira dang drơh gaup; lijang yau nan rei, khol drei biak ralô urang, min tôk tha rup pabhap dalam Dê Krist; yāup khol drei jang bha di mani gaup.