Versículos bíblicos populares de Yâng 19

Compartir

Tuk mưnhum ia taka bloh, Pô Yê-su đôm: “Abih bruk krung hu pathik!” Bloh Bhô ngup akok trun, tuh thap xwan.

Hadei di nan, Pô Yê-su thau abih bruk krung hu pathik, thong piêh ka panôic Agal Nưbi bihu thit yơ đôm: “Ita mưhu.”

Pô Yê-su ƀôh amek Bhô thong anưk xêh Bhô anit ranam dok krưh dang jek yơ đôm thong amek laic: “Muk lơy, nan nạn anưk likei muk!” Bloh Bhô đôm thong anưk xêh nan: “Dêh amek hư yơ!” Mưng tuk vag nan, anưk xêh ni ba muk nao thang drei.

Min tuk nao tal libik Pô Yê-su, khol nhu ƀôh Bhô krung hu mưtai bloh, nan ka ôh tong joh talang yôn Bhô. Min hu tha rajabôl mưk hanrak klaup tamư rathuk Bhô, darah thong ia binhêt đôic tabiak.

Dôm kabha ni mưjiơng tabiak piêh bihu thit panôic Agal Nưbi: “Talang Bhô mưca ôh gok joh tha ƀek halei.” Thong paƀlwak tha panôic Agal Nưbi pakan vơk: “Khol nhu mưca ƀôh urang drei krung hu klaup.”

Pô Yê-su galam gai gan gak nao tal tha libik iêu nạn Ƀôn Hlau, xap Hê-ƀrơ iêu nạn Gô-gô-tha.

Mưnok rajabôl pak tha thruh ginrang mưng darôi, mưom ngok akok Bhô, thong cuk ka Bhô tha blah ao bar bhang.