Versículos bíblicos populares de Yâng 17

Compartir

Likau Amư angui tantu thrah nưbi khol nhu. Panôic Amư nạn tantu.

Gruk diup rit rai nạn krưn thau Amư nạn Pô Lingik ralai thong biak biai, thubik Pô Yê-su Krist nạn Dê Amư krung hu pachai mưrai.

Amư lơy! Anưk ô kan likau kanư ka dôm urang ni ô, min lijang ka dôm urang nhơ panôic khol nhu bloh dial Anưk gêk, piêh abih gilaic jiơng tha; yau Amư dok dalam Anưk, thong Anưk dok dalam Amư piêh khol nhu lijang dok dalam Khol Drei, nhơ di nan dunya dial laic Amư krung hu pachai Anưk mưrai.

Anưk ôh likau kanư Amư ba khol nhu tabiak truh di dunya min likau Amư khik ramik khol nhu truh di Ra Ag.

Anưk krung hu ƀai brei ka khol nhu xêh mưlang bloh Amư krung hu ƀai brei ka Anưk, piêh khol nhu gilaic jiơng tha yau Khol Drei nạn tha. Anưk dok dalam khol nhu thong Amư dok dalam Anưk, piêh khol nhu bihu ginum tha tamo tamê, nhơ di nan dunya thau laic Amư krung hu pachai Anưk mưrai, thong Amư krung hu anit ranam khol nhu yau Amư krung hu anit ranam Anưk.