Versículos bíblicos populares de Yâng 14

Compartir

Ita cek gruk thug siam vơk ka khol hư. Ita ƀai drei gruk thug siam Ita ka khol hư. Gruk thug siam Ita ƀai brei ka khol hư ôh drơh yau dunya brei. Tian khol hư jôi mưbuk mưbar thong jôi thur mưk.

Pô Yê-su thuuk: “Ita nạn jalan nao, tantu thong gruk diup. Mưyah ôh nhơ di Ita yơ ôh thei mưrai tom Amư bihu.

“Tian khol hư jôi mưbuk mưbar. Xang dial Pô Lingik! Lijang xang dial Ita gêk!

Min Dê Pajiông, ar nạn Pô Nưbi Ginrơh bloh mưca Amư nưmax angan Ita pachai mưrai, mưca Bhô pato pakai khol hư abih kabha, thong pahadar khol hư kanal abih haget Ita krung hu bican thong khol hư.

Thei hu dôm vahi Ita thong pang khik, nạn urang anit ranam Ita. Urang halei anit ranam Ita, mưca bihu Amư Ita anit ranam, Ita lijang mưca anit ranam nhu thong sahadah êng Ita ka nhu.”

Mưca Ita likau kanư Amư, mưca Bhô ƀai brei ka khol hư tha Dê Pajiông pakan piêh dok thong khol hư rit rai, ar nạn Yang Tantu bloh dunya ôh mưda tôk mưk bihu, kaywa ôh ƀôh thong ôh thau Bhô. Min khol hư thau Bhô kaywa Bhô krưh dok thong khol hư, thong mưca dok dalam khol hư.

Khol hư nưmax angan Ita likau kanư pathar pathar kabha haget, mưca Ita ngak ka, piêh Amư bihu tahamid kaywa Anưk. Mưyah khol hư nưmax angan Ita likau kanư pathar pathar kabha haget, mưca Ita ƀai brei.”

“Mưyah khol hư anit ranam Ita yơ mưca khik dôm vahi Ita.

Dalam thang Amư Ita hu ralô libik dok; mưyah ôh njaup yau nan, habar Ita gilaic đôm thong khol hư laic Ita nao thrap gap ka khol hư tha libik?

Tuk Ita nao thong krung hu thrap gap ka khol hư bloh, mưca Ita gilaic vơk ba khol hư nao thong Ita, piêh Ita dok pak halei yơ khol hư lijang dok pak nan.

Thô-ma đôm: “Pô lơy, khol dahlak ôh thau Pô nao tao, ngak habar thau jalan bihu?”