Versículos bíblicos populares de I Kô-rir-tô 12

Compartir

Gruk pahưn anưd Pô Nưbi Ginrơh bihu ƀai brei ka yāup urang nạn kaywa hu hanim harung.

Dei ai nạn rup pabhap Dê Krist, thong yāup urang nạn tha mani.

Mưyah tha mani halei gok pađik yơ abih jang pađik thubik; mưyah tha mani halei bihu pôkja yơ abih jang bui ôn thubik.

Urang ni bihu Pô Nưbi Ginrơh ƀai brei panôic đôm jag karag; kaywa thong tha Pô Nưbi Ginrơh, urang pakan tôk bihu panôic đôm kalimah. Mưthong tha Pô Nưbi Ginrơh ƀai brei ka urang ni sagar; kaywa mưthong tha Pô Nưbi Ginrơh, urang pakan tôk bihu karun pajru rwak. Mưnuix yơ bihu ngak dôm thunau crih, mưnuix yơ bihu đôm hôr, mưnuix yơ bihu krưn dôm yang libang, mưnuix yơ bihu đôm dôm xap pakan, mưnuix yơ bihu mưlih dôm paka xap nan.

Abih kabha ni nạn bruk hit mưthong tha Pô Nưbi Ginrơh; Bhô hali halang karun ka yāup urang patui gimnit Bhô.

piêh ka ôh hu gruk klah nưh halei dalam rup pabhap, min dôm mani hu mưthong hajei angat ka gaup.

Hu ralô karun karei di gaup min ciêt hu tha Pô Nưbi Ginrơh. Hu ralô ganap ragxa karei di gaup, min ciêt hu tha Pô. Hu ralô yattrak angak karei di gaup, min ciêt hu tha Pô Lingik, Dê ngak abih bruk dalam abih drei.

Pô Lingik krung hu danôp dalam Nhom Nưbi: ya tha nạn Xêh Pachai, ya dwa nạn pakat hôr, ya klau nạn gru pato, patui nạn mưnuix ngak thunau crih, bloh tal mưnuix bihu karun pajru rwak, mưnuix dai dong, mưnuix jang glang, mưnuix đôm dôm xap pakan.

Kaywa rup pabhap ôh njaup ciêt hu tha mani min harung hu ralô mani.

Gilaic vơk, dôm mani halei dalam rup pabhap mong yau kre hơl, gilaic nạn biak hajat.

Mưyah graup rup jang nạn mưta yơ ngak habar bloh pang? Mưyah graup rup jang nạn tangi yơ ngak habar bloh hur? Min urak ni, Pô Lingik krung hu danôp dôm mani di rup pabhap, yāup mani tui gimnit Bhô ưng. Mưyah abih ciêt nạn tha mani yơ rup pabhap dok pak halei?