Versículos bíblicos populares de I Kô-rir-tô 1

Compartir

Min Pô Lingik krung hu rwah dôm kabha gila gilit ngok dunya piêh ngak mưlau mưlit dôm urang jag karag; Pô Lingik krung hu rwah dôm haget kre ngok dunya ni piêh ngak mưlau mưlit dôm urang kati katang.

Kaywa anga anưd gai gan gak jom thong dôm mưnuix pao lihik nạn hanrôi taba; min tui khol drei, dôm mưnuix bihu dong tabuh, yơ nan nạn gon xagta Pô Lingik.

Kaywa kabha mong yau hanrôi taba anưd Pô Lingik dok jag karag hơl di mưrôxak; kabha mong yau kre anưd Pô Lingik dok khang hơl di mưrôxak.

Pô Lingik nạn Dê khik panôic; Bhô krung hu iêu dei ai tamư gruk atadha thong Anưk Bhô nạn Pô Yê-su Krist, Pô khol drei.

Pathau dei ai, nưmax angan Pô khol drei nạn Pô Yê-su Krist, dahlak adan abih dei ai xang thubik tha panôic đôm, piêh dalam dei ai ôh hu gruk klah nưh, bloh ginum tha thong gaup dalam mat ar thong cam anih.

Mưnuix jag karag dok pak halei? Dôm gru pato adat dok pak halei? Dôm urang mưriak panôic di rai ni dok pak halei? Ôh njaup Pô Lingik krung hu ngak ka gruk jag karag anưd dunya tabiak hanrôi taba ô?