Versículos bíblicos populares de انجیلِ مَتی 23

Compartir

وَه کِه دِ مینِ شِما دِ همَه گَپتِر اَ، پاکارِ شِما موئَه.

هَر کَه خُوشِه گَپ دُونِسوئَه خوار موئَه، وَ هَر کَه خُوشِه اُفتایَه بَکَه، سَرفِراز موئَه.

«هِرو سی شِما اِ معلم‌یا تورات وَ علما فَریسی، اِ ریاکاریا! سی یَکه شِما دِ نعناع وَ شِویت وَ زیرَه دَه‌یَک مِئیت، اما هُدیا مهمتِرِ شریعت، كِه عدالت وَ رَحمَت وَ بَفاداری اَ، نِئییَه مِئی‌ریت. یِنُو نِه بایِس وِجا می‌اُوِردیت وَ دِ اَنجُومِ وِنُو هَم کوتائی نِمی‌کِردیت.

«هِرو سی شِما اِ معلم‌یا تورات وَ علما فَریسی، اِ ریاکاریا! سی یَکه شِما ری پیالَه وَ دُوری نِه پاک می‌کیت، اما مینِ وِنُو پُر دِ طمع وَ عیش وَ نوش اَ.

«اِ اورشلیم، اِ اورشلیم، اِ قاتلِ انبیا وَ سنگسارکُنِ رسول‌یائی کِه وِ تِه تو کِل موئَن! چَن گِل حاسِم چی مُرغی كِه جیجَه‌یاشِه زیرِ پَروُبالِ خُوش جمع می‌کَه، بَچُونِتِه جمع بَکِم، اما ناحاسی!

هِه وِ ایی صورت، شِما هَم، خُوتُو نه دِ ظاهِر وِ مردِم صالح نِشُو مئیت، اما دِ باطِه پُر دِ ریاكاری وَ شِرارَتیت.