Versículos bíblicos populares de John 6

Compartir

အဲနော့ ကိုယ်တော်ဟ လူဒွေဝို “ငါဟ နိစ္စထာဝရသက်ဝိုပေးဝို အသက်မုဖြစ်ရယ်။ငါ့ဆီဝို လာသူဒိုင်းဟ ဟယ်ခါမှ ဆာလော်ဂေ့မှာမုဘဲ ငါ့ဝိုယုံကြည်သူဒွေဟလဲ ဟယ်ခါမှလဲ ရေငတ်ဂေ့လိမှာမုဟန်း။

ဉာဏ်လင်းတော်ဟ သက်ဝိုပေးထားဇာဖြစ်ရယ်။ လူဒွေရဲ့ခွန်အားဟ ဟဲရာဇာဝိုလဲ လုပ်နိုင်ရ။ ငါပြောဝိုဂါးဒွေဟ ဉာဏ်လင်းတော်ဟ ဆင်းသက်လာပီး နန်းနို့ဝို သက်ပေးထားဇာဖြစ်ရယ်။

ပုတ်သိုးတတ်ဝိုစားစာတွက် လုပ်လုပ်ဂေ့ဘဲန အဲမိုစား လူ့သားတော်ဟ နန်းနို့ဝို မြဲတမ်းကောမွန်နေပီး နိစထာဝရသက်ဝိုပေးဝို စားစာတွက်ဘဲ့လုပ်လုပ်ဂေ့ကြ။ ဟဲဂျော့ဆိုဝါ အဖဘုရားရှင်ဟ လူ့သားတော် ထော့ခံကြောဝို ပြသရစ်ပီးဖြစ်ရယ်” ဆိုပီး မိတော်မူရယ်။

ဟဲဂျော့ဆိုဝါ ငါ့ရဲ့ဘုရားရှင်လိုတော်ဟ သားတော်ဝိုဗြင်ပီး ယုံကြည်သူတိုင်း ထာဝရသက်ဝိုရဝို့တွက်ဖြစ်ပီး ငါဟလဲ အဲမိုလူဒွေဝို နော့ဆုံးနေ့မှာ သက်ပလန်လည်ရှင်သန်စေဝို့ ဖြစ်ရယ်” ဆိုပီး မိတော်မူလေရယ်။

ကိုယ်တော်ယေရှုဟ သူ့နို့ဝို “နန်းနို့ဆီဟ ဘုရားရှင်လိုရှေ့ဇာဟ သူစေလွှတ်လိုက်ဝိုလူဝို ယုံကြည်ဂေ့ဝို့ဘဲ့ဖြစ်ရယ်” ဆိုပီး ပလန်ဖြေလေရယ်။

အဖဘုရားရှင်ဟ ငါ့ဝိုပေးဇာရာအားလုံးဟ ငါ့ဆီဝိုရော့လာဂေ့မှာဖြစ်ပီး ငါ့ဝိုယုံကြည်ပီး လာဝိုလူအားလုံးဝို ငါနှမ်ထုမှာမုဝ။

ရှိမုန်ပေတရုဟ ကိုယ်တော်ဝို “အရှင်၊ ကျော်ဒို့ဟ ယ်သူ့ဆီဝို သွားရဝို့နူး။ ဘုရားရှင်နတူတူ ထာဝရသက်ရှင်ခြင်းဒွေဝို အရှင်ဟဘဲ့ ကျော်ဒို့ဝို ပြောပြဇာဖြစ်ရယ်။

ငါဟ ရွှေဗြို့တော်ဟကြွတော်မူလာဝို အသက်ရှင်နေဝိုမုဖြစ်ရိ အယ်မိုမုဝို စားသော့ဝိုဟယ်သူမဆို ထာဝရသက်ရှင်လိမယ်ဖြစ်ရယ်။ အယ်မိုမု့ဟ ဘာပေါ်မှာရှေ့ဝို လူဒွေရဲ့သက်ဝိုပေးဝို ငါ့ရဲ့သွီးသားဘဲ့ဖြစ်ရယ်” ဆိုပီး မိတော်မူလေရယ်။

ငါ့ဝိုစေလွှတ်တော်မူဝို အဖဘုရားရှင်မခေါ်ဆော်ဘဲဆိုဝါ ဟယ်သူမှ ငါ့ဆီဝို လာနိုင်မှာမုဝ၊ ငါ့ဟလဲ ငါ့ဆီလာဝို အဲမိုလူဒွေဝိုဘဲ့ နော့ဆုံးနေ့မှာ ပလန်လည်ရှင်သန်စေမယ်ဖြစ်ရယ်။

ဟဲဂျော့ဆိုဝါ ဘုရားရှင်ရဲ့မုမှာ ရွှေဗြို့တော်ဟလာဇာဖြစ်ပီး ဘာပေါ်မှာရှေ့ဝို လူသားအားလုံးရဲ့ နိစ္စထာဝရသက်ဝို ပေးမဲ့မုဖြစ်ရယ်” ဆိုပီး ကိုယ်တော်ဟ မိတော်မူလေရယ်။

ငါဟ နိစ္စထာဝရသက်ဝို ပေးဝိုမုဖြစ်ရယ်။

အဲနော့ ကိုယ်တော်ဟ မုဒွေဝိုယူပီး ဘုရားရှင်ရဲ့ ကျေးဇူးတော်ဝို ချီးမွမ်းပီးနော့ ထိုင်နေဝိုလူဒွေဝို သူနို့လိုရှင်မျှ ဝွီပေးလေရယ်။ ငါးဒွေဝိုလဲ အဲမိုမျိုးဘဲ့ သူ့နို့ဝို ခွဲဝွီပေးတော်မူလေရယ်။ အဲမိုလူဒွေအားလုံး ဝဝလင်လင်စားသော့ပီးနော့ ကိုယ်တော်ဟ “ဟဲရာဝိုလဲ အယ်လည်ကားမဖြစ်အော် ပိုလျှံနေဝိုပါမုပိုင်းစဒွေဝို ကော့ယူသီးဂေ့လော့” ဆိုပီး သူ့ရဲ့ဗြိတော်ဒွေဝို မိတော်မူလေရယ်။

သူ့နို့ဟ သုံးလေးမိုင်လော့ လှေလှော်ခတ်ပီးနော့ ကိုယ်တော်ယေရှုဟ ရေပေါ်မှာ လမ်းလျှော့ပီးလှေနားဝို ကြွလာနေဇာဝို ဗြင်ခါမှာ သူ့နို့ဟ ကြော့လန့်နေဂေ့လေရယ်။  အယ်ဘေမဲ့ ကိုယ်တော်ဟ ဗြိတော်ဒွေဝို “ကြော့လန့်ဂေ့ပါန၊ ငါဘဲ့ဖြစ်ရယ်” ဆိုပီး မိတော်မူရယ်။