Versículos bíblicos populares de John 15

Compartir

ငါဟ ဗျစ်ပံဖြစ်ပီး နန်းနို့ဟ ကိုင်းခက်ဒွေဖြစ်ရယ်။ငါနတူတူရှေ့ပီး ငါဟလဲသူ့နတူတူရှေ့နေမယ်ဆိုဝါ သူဟ သီးဒွေများကီး သီးမှာဖြစ်ပီး ငါ့နကမ်းကွာရယ်ဆိုဝါ နန်းနို့ဟ ဟဲရာဝိုလဲ တတ်နိုင်မှာမုဝ။

ငါ့နတူတူရှေ့ဂေ့လော့။ ငါဟလဲ နန်းနို့နတူတူ ရှေ့တော်မူမယ်။ ဗျစ်ကိုင်းဟ ဗျစ်ပံမှာရှေ့နေဘဲနေဆိုဝါ သီးသီးနိုင်ဘဲမျိုး နန်းနို့ဟလဲ ငါနတူတူရှေ့နေဘဲနေဆိုဝါ သီးသီးနိုင်မှာမုဝ။

နန်းနို့ဟ ငါနတူတူနေပီး ငါ့ရဲ့ဂါးဒွေဟ နန်းနို့နတူတူရှေ့နေမယ်ဆိုဝါ နန်းနို့လိုဇာမှန်သမျှ တောရှော့ဇာဒွေဟ နန်းနို့တွက်ဘဲ့ဖြစ်ရယ်။

နန်းနို့ဟ ငါ့ဝို ဝွီးဂေ့ဇာမုဘေမဲ့ ငါဟ နန်းနို့ဝို ဝွီးကော့ခဲ့ရယ်။ သီးနှံဒွေဝို သီးစေဝို့ရော၊ နန်းနို့ တောဇာမှန်သမျှဝို ပေးစေဝို့ရော၊ ငါ့ရဲ့ခွမ့်အာဏာဝိုမှီပြုပီး ခမည်းတော်ဆီ သွားရော့ပီး တောရှော့ဝို့တွက် နန်းနို့ဝို ခန့်အပ်ထားဇာဖြစ်ရယ်။

နန့်မိဆွေတွက် နန့်ရဲ့သက်ပေးဇာထက် ပိုပီးကီးမြတ်ဝို ရှစ်ရှင်းမေတ္တာဟ ဟယ်သူမှာမှမှေ့ရ။

သူဟ ငါ့မှာ သီးသီးဘဲဝို ကိုင်းခက်မှန်သမျှဝို ဖယ်ရှားပေးတော်မူပီး သီးသီးဝို ကိုင်းခက်ဒွေဝို ပိုပီး သီးပွမ့်စေဝို့ ကိုင်းဖြတ်ပြုပြင်ပေးတော်မူရယ်။

ငါ့ရဲ့ ပညတ်ချက်ဟလော ငါဟ နန်းနို့ဝို မေတ္တာထားမျိုး နန်းနို့ချင်းချင်းလဲ မေတ္တာထားဂေ့လော့။

နန်းနို့ဟ သီးများကီးသီးပီး ငါ့ရဲ့စစ်မှန်ဝိုဗြိတော်ဒွေဖြစ်ဇာဝို ပြသပီးန ဖဘုရားရှင်ရဲ့ ဘုန်းဂိုးတော်ဒွေဟ ထံရှားလာလိမယ်ဖြစ်ရယ်။

ကိုယ်တော်ယေရှုဟ 'ငါဟစစ်မှန်ဝိုဗျစ်ပံဖြစ်ပီး ငါ့ရဲ့ခမည်းတော်ဟ ဥယျာဥ်မှူးဖြစ်တော်မူရယ်။

ငါ့နတူတူမှေ့ဘဲဝိုသူဟ သီးသီးဘဲဝို ကိုင်းခက်မျိုး လွတ်ပစ်ခံရပီး ခြော့သွေ့သွားလိမယ်။ပီးရယ်ဆိုဝါ လူဒွဟ အဲမိုကိုင်းခက်ဒွေဝို စုပီး မီးရှို့ဂေ့ပီး ကိုင်းခြော့ဒွေဂူလုံး လော်ကျွမ်းသွားဂေ့လိမယ်။

နန်းနို့မှာ ဝမ်းသာစရာဒွေရှေ့ပီး ပီးပလဲ့ဇုံစေဝို့ အယ်မိုဇာဒွေဝို ငါပြောဇာဖြစ်ရယ်။

ငါဟ အဖဘုရားရှင်ရဲ့ ပညတ်ရားတော်ဒွေဝို နာခံလိုက်နာပီး ငါဟ ဘုရားရှင်ရဲ့ ရှစ်ရှင်းမေတ္တာန သက်ရှင်နေဇာဖြစ်ရယ်။ နန်းနို့ဟလဲ ငါ့ရဲ့ပညတ်ရားတော်ဒွေဝို နာခံလိုက်နာမယ်ဆိုဝါ ငါ့ရဲ့ရှစ်ရှင်းမေတ္တာန နေဂေ့ရလိမယ်ဖြစ်ရယ်။

အဲဂျော့ နန်းနို့ချင်းချင်း ရှစ်ရှင်းမေတ္တာထားရမယ်ဆိုပီး ငါမိဆိုဇာဖြစ်ရယ်။

နန်းနို့ဟ အယ်မိုလောကနသက်ဆိုင်မယ်ဆိုဝါ အယ်လောကန သက်ဆိုင်ဝို လောကီသားဒွေဟ သူ့နို့နသက်ဆိုင်ဝို နန်းနို့ဝို ရှစ်မြတ်နိုးဂေ့လိမယ်ဖြစ်ရယ်။ အယ်ဘေမဲ့ နန်းနို့ဟ အယ်လောကန သက်ဆိုင်ရှင်းမှေ့ရ။ ငါဟ နန်းနို့ဝို အယ်လောကဟနေ ဝွီးကော့ပီးပီဖြစ်ရိတွက် အယ်လောကန သက်ဆိုင်ဝိုလောကီသားဒွေဟ နန်းနို့ဝို မူးဂေ့လိမယ်ဖြစ်ရယ်။